Lagale Lavavang At Ne Iesu Karisito Luk Ga Malagan i 21:36 - Madak

³⁶ Mina reven avukat ti na lempanga xapmek la mina ngising amisik kusu miba ruuna lololos la mi noxo subu ap mo levenmumuat naba vot, la kusu miba epovo do mina ru ro melamgo rak, Laradi Mevana.”

Lagale Lavavang At Ne Iesu Karisito Luk Ga Malagan i 21:36 Iomraidhean Croise

Sam 1:5

At laaleng ne Moroa na viila mumu loklok at limixin axap, ni naba lok li lumumuat mavana at limixin kapmek, la naba riki pes di basinge limixin akmokso ren.

Metiu 24:42

Kuren la mina lok tatao avukat nimi mila kopmen minaklen i do at ua laaleng nenia, Leeme Silok atnimi, anabamlong teren.

Metiu 24:43

Ketla mina xasep at na lavapaase poovo. Mo do laradi at loogu iklen i do at ua loxonaleng laradi xipkip pilo ba vot teren, neni ba kuxut avukat la laradi xipkip pilo noxo das beles at loogu ren.

Metiu 24:44

Kuren la mina gagas avukat mila nenia, Laradi Mevana, anaba vot ap mo laaleng limixin di doxoma i do nenia a noxo vot teren.

Metiu 25:13

La ne Iesu ga lok tidi, “Mina gagas avukat, mila mi xoklen laaleng kopla loxonatat aleng at lovotpot tarak, Leeme Silok atnimi.”

Metiu 26:41

Mina reven tatao la mina ngising kusu mi noxo subu at loklok tong pen. Loroonan at laradi i epovo ri ronga res, ketla labantuxu ren i molos.”

Metiu 8:20

La ne Iesu ga lok tin, “Lubungman sio di ruuna lengkot mikmidi atdi, la lavapixa di ruuna levempotpos atdi, ketla nenia, Laradi Mevana, axo ruuna temenemen kusu ria rik midi la na lok mamana ren.”

Lagale Lavavang At Ne Iesu Karisito Mak Ga Malagan I 13:33

Kuren la nemi mina reven avukat mila mixoklen i do lingisa mo laaleng ba rupot.

Lagale Lavavang At Ne Iesu Karisito Mak Ga Malagan I 13:37

Nom levelinga ara tong pam i rinimi, la aba tong box i ri limixin axap, mina reven avukat.”

Lagale Lavavang At Ne Iesu Karisito Luk Ga Malagan i 1:19

Laangelo ga lok tin, “Nenia ne Gabriel. A tu amisik to saparap ne Moroa, mo i sak tiki ia xusu ana vaase tu, la ana tong asu i na levelinga nunuan tu.

Lagale Lavavang At Ne Iesu Karisito Luk Ga Malagan i 18:1

Melemu ne Iesu ga tong na lavapaase poovo ridi kusu ri lox ase di do diba ngising amisik la nemen gat di guta molo.

Lagale Lavavang At Ne Iesu Karisito Luk Ga Malagan i 20:35

Ketla lavatlok mi lavakin mo di epovo xusu dina rooro xat amlong at lanmet la dina nemen at lorooro melemu, kopmen di noxo epot.

Lagale Lavavang At Ne Iesu Karisito Luk Ga Malagan i 21:35

Mila mo laaleng naba vot at loxonaleng limixin di noxo gagas teren.

Leven Gugu 10:2

Konilias laradi ga lotu saparap ne Moroa; nedi axap diga nemen ap mo loogu ren diga lok ngangao at ne Moroa. Buaang lempanga neni ga lox i xusu ri lok tooro limixin pakpakes boro Judaia, la ni ga ngising amisik ne Moroa.

1 Korin 16:13

Mina lok tatao avukat amisik lorooro atnimi. Mina tu tuxuruxun at lunuunu atnimi la nemen mita marat.

2 Korin 4:14

Ataklen i do ne Moroa ga lox axatu kaxat amlong Leeme Silok ne Iesu ri lorooro, la neni naba lox axatu kaxat amlong bok dik keneng at ne Iesu, la na lok li nemi eburu minema ro melamgo at ne Moroa.

Kolosi 4:2

Mina ngising amisik, la levesingising atnimi na ruturun mene nga, la mina tong loklox avukat ti ne Moroa.

1 Tesalonia 5:17

Mina ngising amisik saparap ne Moroa.

2 Timoti 4:5

Ketla nenu ne Timoti, una lok tatao avukat lorooro ram at levenaleng axap; una tu lolos at lixipkip levesongsongot; una lok lugugu at laradi i vavang mi Lagale Lavavang, la una lox epovo leven gugu axap taram.

1 Pita 4:7

Laxavaxap at levempanga axap, mo nga i auret. Kuren la levendoxoma atnemi na xasep nunuan la mina lok tatao avukat levempatpas atnemi, kusu miba epovo na lok levesingising.

1 Pita 5:8

Mina lok tatao avukat lavatpas atnimi la mina reven avukat, atla laradi munepen atnemi neni ne Satan im booro saasaa ngan lavat laion mukmusak, la i puse ri tuvuttadi xusu neni nak lox epeseves nedi basinge ne Karisito.

1 Jon 2:28

Luvutnuruk orong. Minat kis esogo amisik mi ne Iesu kusu at lovotpot teren mi noxo marat la mi noxo mangan.

Lovoang At Ne Jut 1:24

Leemi asu ri ne Moroa i epovo ri xubak pe avukat nimi la nemi noxo subu ri laxakapmek. La neni i epovo ri lox axis nimi ro melamgo ren keneng at lisisixam silok; la kopmen taxakapmek atnimi ketla minaba umsu mi lomomo silok aleng.

Lisilimet 11:4

Mo luradi vapaase, nedu legepu una olip la nedu bok lubabao di tu gagas to melamgo at ne Moroa, ni lo Moroa at na lavatbung menemen.

Lisilimet 6:17

mila mo laaleng silok at lebelemamao atdu na nga ira vot pam la ixo epovo xusu tara naba ekini min.”

Lisilimet 7:9

Melemu at nai aga ven buaang nedi limixin, ixo epovo do tara na us nedi. Nedi boro at lengkot axap at na lavatbung menemen, la at larabibinat axap la at levenasen bantuxu axap la boro at lempapaase axap, diga tu ro melamgo at loxonin orong la to melamgo bok at Lanasip. Diga sigaara mi levempanga singsiga bunbun. La digam tebeng lempavaxan bisi at levengkikngen di.

Lisilimet 8:2

La aga ven lavanuti lubungangelo mo di tu amisik to melamgo at ne Moroa, la diga lok ka lavanuti leventu.