Lagale Lavavang At Ne Iesu Karisito Luk Ga Malagan i 21:25 - Madak

²⁵ La ne Iesu ga lok bok tidi, “Leveloklok katling naba vot at laxangking, mi lagaaling la larapenti. La at na lavatbung menemen, limixin at lentaba levengkot diba lok bukbulu aleng la dibak lok tangtangku la diba marat mila laras na lulung aleng mi lempopaxanao.

Lagale Lavavang At Ne Iesu Karisito Luk Ga Malagan i 21:25 Iomraidhean Croise

Sam 46:3

Keke i do laras na luulung aleng mi leretepit la lempattaavut nangne mumu leretepit at lara paxanao.

Metiu 24:29

La ne Iesu ga lok bok, “La soso mun melemu at levenmumuat ap mo levenmaares, leveloklok katling naba vot; ‘Losoosoo at laxangking naba xap, la lagaaling noxo soosoo. Larapenti naba subu si boro vana at laxalibet eburu mi lempanga axap meve diba sixit ekarakat la kopmen di noxo sixit mu larangas atdi.’ Ais 13:10, 34:4

Metiu 27:45

At lasangaun mi legepu xonaleng, lamain ga vung pavaa mo lenep silok axap, la gak lok se at lavantun konaleng.

Lagale Lavavang At Ne Iesu Karisito Mak Ga Malagan I 13:24

La ne Iesu ga lok bok tidi xeretna, “Ketla ap mo levenaleng melemu at na levenmumuat leveloklok katling naba vot, ‘Losoosoo at laxangking naba xap, la lagaaling noxo soosoo.

Lagale Lavavang At Ne Iesu Karisito Mak Ga Malagan I 13:26

La ap mo levenaleng limixin dinaba ven ia, Laradi Mevana, to vana at loxontakabu. Nenia anaba rupot mi langsangan lololos la lisisixam silok.

Lagale Lavavang At Ne Iesu Karisito Mak Ga Malagan I 15:33

At lasangaun mi legepu xonaleng, laxangking ga xis tubu la lamain ga vung pavaa mo lenep silok axap la gak lok se at lavantun konaleng.

Lagale Lavavang At Ne Iesu Karisito Luk Ga Malagan i 21:24

Luvuttadi esep diba sev amet tentaba mi lemparise sepsep, la diba lam kaka tentaba ngan luvuttadi xokoxo uto at lengkot petpes; la limixin kopmen di me Judaia diba lok kapmek na lemenemen Jerusalem se ap mo levenaleng ne Moroa naba riki asu di.”

Lagale Lavavang At Ne Iesu Karisito Luk Ga Malagan i 21:26

Limixin diba doxoma makmarat ngangais mo lempanga naba vot at na lavatbung menemen; mila lempanga ro vana at laxalibet diba sixit ekarakat la kopmen di noxo sixit mu larangas atdi.

Leven Gugu 2:19

Anaba lok tempanga loklok katling to vana at laxalibet la tempanga sangsangu ro xopok at lavatkangka. Lada, laxao la lakbus at lusuxa naba rupot;

Lisilimet 20:11

La nia aga ven langsangan loxonin orong bunbun la mo Laradi gat kis teren; la lavatkangka eburu mi laxalibet duga sixiro basinge i la duga sonao nga.