Lagale Lavavang At Ne Iesu Karisito Luk Ga Malagan i 21:23 - Madak

²³ Ap mo levenaleng naba lok kapmek aleng ti lavakin di renan, la ti lavakin mi lengkadede atdi! Langsangan losongsongot naba vot at na lenep silok Israel, la lumukmusak silok at ne Moroa naba vot saparap na limixin.

Lagale Lavavang At Ne Iesu Karisito Luk Ga Malagan i 21:23 Iomraidhean Croise

Metiu 21:16

La diga lok tin, “Kopmen nak mokso na levelinga at na laxamdak mi laxaalik.” La ne Iesu ga lok tidi, “Mina domangke at na levelinga ik lok at Lovoang Kaala i lok keretna, ‘Nenu ne Moroa ura lox ase vam laxamdak mi laxaalik kakalik eburu mi lengkadede kusu dina emi asu minu.” Sam 8:2

Metiu 21:41

Diga vorang i rin keretna, “Neni naba sev amet di la naba raba nom laraamang ti luvuttadi vetpes kusu dina lok tatao i la at laaleng ti sep kin dinaba raba i mi loxot teren at lempeven una at nom laraamang.”

Metiu 21:44

[Do tara na subu at nom luat, neni naba rekoxorop axakalik; la do, mo luat na subu ro mavana at tara, neni nabam remumus axap.”]

Metiu 24:19

Mo laaleng naba lok kapmek aleng ti lavakin teenan eburu mi lavakin mi levengkadede atdi!

Lagale Lavavang At Ne Iesu Karisito Mak Ga Malagan I 13:17

Mo laaleng naba lok kapmek aleng ti lavakin teenan eburu mi lavakin mi levengkadede atdi!

Lagale Lavavang At Ne Iesu Karisito Luk Ga Malagan i 19:27

Ketla tinedi na limixin di munepen minia, la di goxopara i xusu nenia loorong silok atdi, mina lam kaka di ude la mina sev amet di de melamgo rak!”

Lagale Lavavang At Ne Iesu Karisito Luk Ga Malagan i 19:43

Levenaleng naba vot, la limixin esep diba rit kangkan nimi mi lara ngas uat, la dina ru xangkan nimi, la dinabam tu xobot ka nimi at lengkot axap.

Lagale Lavavang At Ne Iesu Karisito Luk Ga Malagan i 23:29

mila levenaleng songsongot naba vot la limixin diba lok, ‘Naba lox avukat ti lavakin kopmen dixo ruuna laxamdak mi laxaalik kakalik, la kopmen dina visik tengkadede.’

1 Korin 7:26

Levenmumuat naba vot saparap limixin di nuunu. Kuren la a doxoma i do i lox avukat do taradi na nemen ngan ta i mo neni ik lok kuren.

1 Tesalonia 2:16

digak lok pe nama xusu ma noxo tong asu bok Lagale Lavavang tinedi limixin kopmen di me Judaia, kusu di noxo vubeles at Linintoo at ne Moroa. Laxakapmek atnedi limixin me Judaia i silok la mo laxakapmek ti lok pe limixin kopmen di me Judaia i lox asilok laxakapmek atdi. Kuren la lebelemamao at ne Moroa ira rupot pam saparap di.

Ibru 13:16

La nemen mita domampe loklok tik lok lununuan la loklok tim taba panga nedi dik pakes, mila ana leveloklok i lok ngan laramtaba atdik ti ne Moroa la neni i momo ren.

Jems 5:1

Nemi limixin nopnovos mina ronga ia. Minang teng la mina bulu mila levenmumuat naba vot saparap nimi.

1 Pita 4:17

Laaleng ira auret pam ti laaleng ete na ru kaxat, la ne Moroa naba viila mumu avot be loklok at limixin tinotno ren. Do na ru kaxat avot minedik, naba lok kapmek tinotno rinedi, dixo ronga res at Lagale Lavavang at ne Moroa.