Lagale Lavavang At Ne Iesu Karisito Luk Ga Malagan i 18:43 - Madak

⁴³ La soso mun neni ga lox epovo i kusu na reven, la ni ga mumu asu ne Iesu, la ga emi asu mi ne Moroa. Se limixin diga ven i na, nedi axap diga emi asu mi ne Moroa.

Lagale Lavavang At Ne Iesu Karisito Luk Ga Malagan i 18:43 Iomraidhean Croise

Sam 107:15

Kuren la i epovo do dina tong avukat ti Leeme Silok mumu mo langsangan labalamu ren, la lempanga nunuan neni gara lok pam i ridi.

Sam 107:8

Kuren la ik mokso do dina tong avukat ti Leeme Silok mumu mo labalamu lexen teren, la ri lempanga nunuan neni gara lok pam i ridi;

Sam 146:8

la irak lox arepalas lengkatli atnedi ua dixo reven. Neni im tebeng aonon nedi ua diga subu; neni i vavara aleng tinotno nedi limixin mokmokso ren.

Sam 30:2

O Leeme Silok, nia agang teng saparav u ri loklok tooro; nenu ne Moroa rak, la uga lox aroo ia basinge lanmeres.

Metiu 11:5

Nedi limixin mi lengkatli main, mo di reven manga; nedi lengkangkedek atdi ga lok kapmek, mo dit pas avukat; la nedi dik meres mi lanmeres gu, di lox avukat pam; la nedi levenbaalung atdi i repe, ding tonga manga; la nedi diga met pam mo di roo xat amlong pam; la limixin banbalo, mo ding tonga Lagale Lavavang.

Metiu 21:14

Limixin mi lengkatli atdi ga main digat posiga i la nedi bok lengkangkedek atdi ga lok kapmek digat posiga i la ni ga lox aroo di.

Metiu 9:8

Se mo limixin axap diga ven i na, diga lingun, la diga emi asu mi ne Moroa, mo ga raba lololos kerepmo ti limixin.

Lagale Lavavang At Ne Iesu Karisito Luk Ga Malagan i 13:17

Ana lovoporang teren ga lox amangan nedi diga munepen min, la nedi nom limixin diga lok momo aleng at nom lavanga sangsangu ne Iesu ga lox i ap mo loxonaleng.

Lagale Lavavang At Ne Iesu Karisito Luk Ga Malagan i 19:37

Se neni ga vas auret Jerusalem, at loxot langas ga si ukopok at Lakaana Olip, buaang nedi limixin teren diga mumu asu i, diga xup kaxat la diga tong avukat ti ne Moroa la diga emi asu min mi luxupkup silok mumu lempanga sangsangu nedi diga ven pam i.

Lagale Lavavang At Ne Iesu Karisito Luk Ga Malagan i 4:39

Ni gat pas la ga ru puvung i, la ga vaase lolos ti nom liplivi, la liplivi ga on basinge mo latkin, la soso mun ni ga xatu kaxat upana la ga lox agagas leveluxa ridi.

Lagale Lavavang At Ne Iesu Karisito Luk Ga Malagan i 5:26

Nedi axap diga sangu. La diga lingun, diga emi asu mi ne Moroa, la diga lok, “Lavanga vetpes dik dira ven i lingina!”

Lagale Lavavang At Ne Iesu Karisito Luk Ga Malagan i 9:43

Nom axap limixin diga sangu aleng at nom lololos silok at ne Moroa. Limixin move diga paase mumu lempanga axap ne Iesu gak lox i, la neni ga lok ti luvuttadi loklok ka anasa ren,

Leven Gugu 11:18

Diga ronga i na la lodoxoma atdi ga lok mulus la diga emi asu mi ne Moroa. Diga lok, “Moroa ira suang pam langas ti lorooro xusu limixin kopmen di me Judaia, dina leeng basinge laxakapmek atnedi la dina ruuna ka lorooro maxat.”

Leven Gugu 26:18

Nenu uba suang lodoxoma atnedi la uba sat kaka nedi basinge lamain at ne Satan uto at laxasep at ne Moroa, la basinge lolos at ne Satan uto saparap ne Moroa, kusu dina nuunu rak. La kerepmo ne Moroa naba doxoma xepe leveloklok kakapmek atnedi la dinaba ruuna ka loxot tidi xantubu ap mo limixin ne Moroa ga soxolik ka vam di.’

Leven Gugu 4:21

Luvuttadi amgomgo diga vaase lolos aleng tidu, la melemu diga soxomus asu du. Di goxo epovo do dina sev amarat du; mila buaang limixin diga emi asu mi ne Moroa ri mo lavanga sangsangu ga rupot kantubu atdi.

Galesia 1:24

Kuren la diga xip aurut laasen at ne Moroa la diga emi asu min mumu mo levempanga ga ravasu at lorooro rak.

1 Pita 2:9

Ketla nemi lavaanat soxolik ka; nemi lavamaasa at loorong silok, la nemi lubung mixin dadat la nemi limixin at ne Moroa akmokso. Neni ga soxolik ka nemi xusu minaba lox asuusu lugugu avukat teren, neni ga ro xaka nemi boro xeneng at lamain bonot la uto xeneng at laxasep maraanu ren.