Lagale Lavavang At Ne Iesu Karisito Luk Ga Malagan i 18:1 - Madak

¹ Melemu ne Iesu ga tong na lavapaase poovo ridi kusu ri lox ase di do diba ngising amisik la nemen gat di guta molo.

Lagale Lavavang At Ne Iesu Karisito Luk Ga Malagan i 18:1 Iomraidhean Croise

Sam 102:17

Neni naba ronga nedi limixin teren di baava, la ni naba lox epovo levesingising atnedi.

Sam 27:13

Nia akleklen i do anaba ven luvukat at Leeme Silok at na lorooro.

Sam 65:2

atla ung tonga res at levesing atnema. Limixin at levengkot axap dinaba vot pasa u,

Sam 86:3

Nenu ne Moroa rak, kuren la una belemumu ia; at levenaleng axap, a ngising tu.

Lagale Lavavang At Ne Iesu Karisito Luk Ga Malagan i 11:10

Mila, do mina ngising ne Moroa, miba lok kaka i; la do nemi mina puse, minaba vuse ka i; la lumusaragu naba rem suang tinimi mi dipdi.

Lagale Lavavang At Ne Iesu Karisito Luk Ga Malagan i 21:36

Mina reven avukat ti na lempanga xapmek la mina ngising amisik kusu miba ruuna lololos la mi noxo subu ap mo levenmumuat naba vot, la kusu miba epovo do mina ru ro melamgo rak, Laradi Mevana.”

Lovoang At Ne Pol Ti Limixin Nunu to Rom 12:12

Lodoxoma voovo atnemi na umsu mi lomomo. Minak lok atnaasan at levenaleng mi ekip tangarang mi levenmumuat, la mina ngising amisik.

2 Korin 4:1

Keneng at lebelemumu at ne Moroa, neni ga raba nama mi na lugugu, kuren la nema ma noxo lox abulubun bok ba.

Galesia 6:9

Nemen gat nedik guta molo basinge leven gugu i lox avukat; atla, do nedik atoxo molo basinge i, mo laaleng tinotno naba vot la nedik ataba dik kaka levempeven teren.

Epesas 6:18

Mina lox i na levempanga xeneng at levesingising atnemi, kusu minaba sing ka loklok tooro at ne Moroa. At levenaleng axap mina ngising at leventaangas axap no Loroonan i sasat ase nemi min. La mumu mun na langas, minaba tu lolos la mi noxo subu kot; mina ngising amisik ti limixin at ne Moroa.

Pilipai 4:6

Nemen mita bulu mu tempanga, ketla mina sing ne Moroa ri levempanga axap mik pakes tin, la at lorooro axap atnimi mina tong loklox avukat tin.

Kolosi 4:12

Lavapaase momo rinimi boro at ne Epapras, lara at libinam tadi atnemi; neni lasaxaruki at ne Iesu Karisito. Neni i ngising lolos amisik tinemi, i ngising amisik ne Moroa ri lox alolos nemi kusu miba tu tuxuruxun keneng at lunuunu atnemi kerekngan limixin mukun la miba xasep aleng at lodoxoma at ne Moroa.

Kolosi 4:2

Mina ngising amisik, la levesingising atnimi na ruturun mene nga, la mina tong loklox avukat ti ne Moroa.

1 Tesalonia 5:17

Mina ngising amisik saparap ne Moroa.