Lagale Lavavang At Ne Iesu Karisito Luk Ga Malagan i 16:8 - Madak

⁸ La leeme gomgo at nom laradi babala ga long lenget lodoxoma at laradi gugu la ga lok tin keretna, ‘Lakleklen taram i silok aleng.” La ne Iesu ga lok keretna, “I ruturun aleng. Limixin at na lavatbung menemen dikleklen aleng ti lok leven gugu kantubu atdi. Ketla limixin at ne Moroa kopmen dina gugu avukat mi lugugu at ne Moroa.”

Lagale Lavavang At Ne Iesu Karisito Luk Ga Malagan i 16:8 Iomraidhean Croise

Sam 17:14

O Leeme Silok, una lox arooro ia mi lolos taram basinge nedi limixin at na lorooro di ruuna ka levempanga axap nedi xa di vara i. Una lox asongot di mi levesongsongot nu ga gagas li i ridi, teventaba bok ti laxamdak mi laxaalik atdi, la teventaba naba volo bok ti luvuttubuno avolo atdi.

Metiu 12:32

La ne Moroa naba doxoma xepe tara i paase kapmek mumu ia, Laradi Mevana, ketla neni noxo doxoma xepe tara i paase kapmek mumu Loroonan Kaala, at na levenaleng la at lorooro melemu bok.

Metiu 17:26

Pita ga lok, “At limixin boro vetpes.” La ne Iesu ga lok, “I ven ngan ta do limixin mede kopmen di noxo kepe pilas. Kuren la ixo epovo do neda ta kepe pilas.

Lagale Lavavang At Ne Iesu Karisito Luk Ga Malagan i 16:10

Do nege i ruturun at lempanga lixilik, neni naba ruturun bok at lempanga silok; la do nege i xaxarang at lempanga lixilik, neni naba xaxarang bok at lempanga silok.

Lagale Lavavang At Ne Iesu Karisito Luk Ga Malagan i 16:4

Ana aklen lavanga salai nia aba lox i! La do ana xap at na lugugu, aba etangas minedi limixin kusu dibap kup kaka ia uto at laraugu atdi.’

Lagale Lavavang At Ne Iesu Karisito Luk Ga Malagan i 16:7

La ni ga lok ti mo lara laradi mumu, ‘La nenu, lavanisa nenu una vorang i?’ La laradi mumu ga lok, ‘Leges abin sangaun kobot (1000) laxan lutlut piao.’ La laradi gugu ga lok tin, ‘Lok kaka i na lovoang papaase axasep la una malagan lavanuan sangaun kobot (800).’

Lagale Lavavang At Ne Iesu Karisito Luk Ga Malagan i 18:6

La Leeme Silok ga lok, “Mina doxoma levelinga, nom laradi rongtonga linga xapmek ga tong i.

Lagale Lavavang At Ne Iesu Karisito Luk Ga Malagan i 20:34

Iesu ga vorang i ridi xeretna, “Lavatlok mi lavakin at na levenmaares di epot.

Lagale Lavavang At Ne Iesu Karisito Luk Ga Malagan i 20:35

Ketla lavatlok mi lavakin mo di epovo xusu dina rooro xat amlong at lanmet la dina nemen at lorooro melemu, kopmen di noxo epot.

Lagale Lavavang At Ne Iesu Karisito Jon Ga Malagan I 12:36

Laxasep at ne Moroa move i nemen eburu minimi; kuren la mina nuunu ren, kusu nemi miba nemen ngan limixin at laxasep.” Melemu at na levelinga ne Iesu ga tong i, neni ga vas kaxat la ga lox alipe i basinge di.

1 Korin 3:18

Nemen gat tara guta xarang axa i. Mo do tara xantubu atnimi i doxoma i do neni mo laradi akleklen ngan limixin at na lavatbung menemen, i epovo do neni na ke xepe mo lakleklen teren la na lok kaka lakleklen tuturun at ne Moroa.

Epesas 5:8

Gano nemi miga nemen at lamain. Ketla na nga Leeme Silok ga lok li nemi at laxasep. Nemi minat pas ngan luvuttadi at laxasep.

Pilipai 3:19

Nedi dinabat pas uto at lemenemen songsongot, dim doma mun levempanga anan la lavavara mun at labantuxu. Di momo mun ti levempanga i raba di mi lainmangan silok, la dim doma mun levempanga at na lavatbung menemen.

1 Tesalonia 5:5

Nemi axap mik lok at laxasep at ne Moroa. I lok ngan ta do mi nemen at laaleng kangking la levempanga i xasep.

1 Pita 2:9

Ketla nemi lavaanat soxolik ka; nemi lavamaasa at loorong silok, la nemi lubung mixin dadat la nemi limixin at ne Moroa akmokso. Neni ga soxolik ka nemi xusu minaba lox asuusu lugugu avukat teren, neni ga ro xaka nemi boro xeneng at lamain bonot la uto xeneng at laxasep maraanu ren.

1 Jon 3:10

Anai i lox axasep dik do nege di luvutnitna ne Moroa, la nege bok di luvutnitna ne Satan. Lara do i lok tavanga kopmen nak mokso, kopla kopmen na balamu neton, neni xopmen ne nitna ne Moroa, ketla neni ne nitna ne Satan.