Lagale Lavavang At Ne Iesu Karisito Luk Ga Malagan i 16:16 - Madak

¹⁶ Lenavolo at ne Moses la levenmamalagan at lavaeme vapaase alii ga nemen se at levenaleng at ne Jon laradi sep susu. Ga ru ka i go Lagale Lavavang mumu Linintoo at ne Moroa ga lok kun i min, la buaang nedi limixin getgesara di lolos do ukeneng di.

Lagale Lavavang At Ne Iesu Karisito Luk Ga Malagan i 16:16 Iomraidhean Croise

Metiu 10:7

At lavatpas atnimi, mina vavang ti limixin do Linintoo boro vana at laxalibet monga ira auret!

Metiu 15:11

Lempanga i vubeles keneng at lungusno laradi, anai xopmen na lox abilinga i; ketla levelinga laradi i vaase asu i at lungusno, ana i lox abilinga i.”

Metiu 21:32

Lavasuun teren keretna; Jon, laradi sep susu, ga vosiga nimi la ga vavang tinimi mi loklok mokmokso kusu mina mumu i, ketla mi goxo nuunu ren; ketla luvuttadi loklok ka pilas mi lavakin ngarangat diga nuunu ren; miga ven nedi diga leeng, ketla nemi mi goxo leeng la mi gita nuunu ren.”

Metiu 3:2

Neni ga vavang keretna, “Mina leeng basinge leveloklok kakapmek atnimi, mila langas ti Linintoo no vana at laxalibet mo nga ira auret!”

Metiu 4:17

Ga ru ka i ap mo levenaleng ne Iesu ga vavang ti limixin keretna, “Mina leeng basinge leveloklok kakapmek atnimi, mila langas ti Linintoo no vana at laxalibet mo nga ira auret!”

Metiu 4:23

Iesu gat pas at lengkot axap Galili, ga anasa limixin mi levenanasa at ne Moroa ro xeneng at laraugu singising atdi; la ga vavang mi Lagale Lavavang mumu Linintoo, la gak lox aroo limixin basinge laxanasen anmeres axap.

Lagale Lavavang At Ne Iesu Karisito Mak Ga Malagan I 1:14

At lara laaleng diga ranga alis ne Jon la diga lok li i ro at loogu xokoxo, la melemu ren ne Iesu gamlong uto at lenep Galili la ga tong asu Lagale Lavavang at ne Moroa.

Lagale Lavavang At Ne Iesu Karisito Mak Ga Malagan I 1:45

Ketla nom laradi ga vas kaxat la ga tong asu i ri limixin axap; kuren la ne Iesu gat pas lipe mene ro at levenmenemen, mila buaang limixin diga lox angtang amisix i. La ni ga nemen to at lamatbin, ketla buaang limixin move diga tupot pasa i, diga laala boro at levengkot axap.

Lagale Lavavang At Ne Iesu Karisito Luk Ga Malagan i 10:11

‘Laxakup at na lemenemen atnimi no ma vas kaka i mi lengkangkedek atnama, ma semla xepe raba nimi min, kusu ri lox asuusu lebelemamao at ne Moroa rinimi; ketla mina doxoma i na, langas ti Linintoo at ne Moroa monga i auret!’

Lagale Lavavang At Ne Iesu Karisito Luk Ga Malagan i 10:9

Mina lox aroo levenanmeres ap mo lemenemen, la mina lok tinedi limixin mego do, ‘Langas ti Linintoo at ne Moroa monga i auret.’

Lagale Lavavang At Ne Iesu Karisito Luk Ga Malagan i 16:29

Abaram ga lok tin keretna, ‘Luvutnetam di ruuna levelinga keneng at Lenavolo at ne Moses eburu mi levelinga at lavaeme vapaase alii xusu ri vaase aronga di; i epovo do luvutnetam dina ronga mo levelinga’.

Lagale Lavavang At Ne Iesu Karisito Luk Ga Malagan i 16:31

Ketla ne Abaram ga lok, ‘Mo do di noxo ronga Lenavolo at ne Moses mi levelinga at lavaeme vapaase alii, di noxo leeng basinge laxakapmek atdi. La do tara na xatu kaxat amlong basinge lanmet la na vaase ridi, move di noxo leeng.”

Lagale Lavavang At Ne Iesu Karisito Luk Ga Malagan i 9:2

La neni ga lok do na riki asu di xusu dina vavang mi Linintoo at ne Moroa la dina lox aroo limixin mekmeres.

Lagale Lavavang At Ne Iesu Karisito Jon Ga Malagan I 1:45

Pilip ga vot pasa ne Natanael la ga lok tin, “Mara long lenget ka vam laradi ne Moses ga malagan axasep mumu i ro xeneng at levenbuk at Lenavolo; la lavaeme vapaase alii bok diga malagan mumu i. Neni ne Iesu, lamdak at ne Josep, boro Nasaret.”

Lagale Lavavang At Ne Iesu Karisito Jon Ga Malagan I 11:48

Mo do ata ke xepe i nak lok na levempanga, limixin axap diba nuunu ren, la limixin boro Rom diba musak dik la dina lok kapmek loogu laplavang la limixin atdik.”

Lagale Lavavang At Ne Iesu Karisito Jon Ga Malagan I 12:19

Kuren la lubung Parisi diga lok tinedi getgesara, “Mina ven ba i. Ata noxo lox asoxos toxot at levendoxoma atdik. Limixin axap mo dia mumu asu nga ne Iesu.”

Lagale Lavavang At Ne Iesu Karisito Jon Ga Malagan I 5:4

mila at leventaba levenaleng laangelo at ne Moroa ga putup ap mo ladan la gak lox avonen i. La do laradi mekmeres ga los tup avot ap mo ladan do ga onen kaxat, neni naba lox avukat basinge lanmeres teren.]

Leven Gugu 3:18

Gano migomgo ne Moroa ga vaase asu levelinga at lavaeme vapaase alii ren do Lanarong teren naba xip losongsongot silok; la ne Iesu ga lox asorun mo levelinga.