Lagale Lavavang At Ne Iesu Karisito Luk Ga Malagan i 14:11 - Madak

¹¹ Lavasuun at na lavapaase poovo i lok keretna; do nege i lox asilox i, ne Moroa ba lox alixilix i, la do nege i lox alixilix i, ne Moroa ba lox asilox i.”

Lagale Lavavang At Ne Iesu Karisito Luk Ga Malagan i 14:11 Iomraidhean Croise

Sam 138:6

Keke i do nenu u silok polo lempanga axap, ketla uk lok tatao luvuttadi gamasa de xopok, la limixin loklox aaso dixo epovo na lox alipe laxakapmek atdi basinge u.

Sam 18:27

Uk lox asepsu nedi di lox asi di ukopok, la uk lox asi nedi dim simi aurut di.

Metiu 23:12

La do nege i lox asilox i, ne Moroa naba lox alixilix i; la nege do i lox alixilix i, ne Moroa naba lox asilox i.”

Lagale Lavavang At Ne Iesu Karisito Luk Ga Malagan i 1:51

Neni ik lok lempanga lolos, la i utut tereve levendoxoma at limixin di lox asilok nedi.

Lagale Lavavang At Ne Iesu Karisito Luk Ga Malagan i 1:52

Ni ik lox asi lavaorong silok basinge lixitkis orong atdi, la ik lox asilok limixin etaba.

Lagale Lavavang At Ne Iesu Karisito Luk Ga Malagan i 14:12

La ne Iesu ga lok ti mo laradi ga lam kaka i uto ap mo leluxa, “Mo do una lok teluxa kanangking kopla ukantinao, nemen uta lam kaka larapen tangas taram, kopla luvutnetam kopla lentaba at libibinat taram, kopla nedi dipnovos di nemen saparav u, mila diba vorang amlong i ru, la at na langas mun uba xip kaka luunun taram ti mo lavanga uga lox i.

Lagale Lavavang At Ne Iesu Karisito Luk Ga Malagan i 18:14

La ne Iesu ga lok, “A tong i rinimi do, ana laradi, kopmen mo la Parisi, gak mokso at lemeren ne Moroa se neni gamlong ukolonu. Do nege i lox asilox i, Moroa naba lok alixilix i la do nege i lox alixilix i, Moroa naba lok asilox i.”

Jems 1:9

Do laradi banbalo ik lok kantubu atnemi limixin nuunu, neni na lok momo mun, keke i do kopmen tevempanga ren; laaleng move ne Moroa naba xip aurur i.

Jems 4:10

Nemi mina lox asi xa nimi at lemeren ne Moroa. Do mina lox i xuren, Moroa naba xip aurut nemi.

Jems 4:6

Ketla ne Moroa i raba dik mi letaba nabalamu, kerekngan Lovoang Kaala i tong i, “Moroa ixo ru ebelen minedi di lox aurut levenasen atdi. Ketla neni i lox asuusu letaba nabalamu ren tinedi di lox asi lorooro atnedi maxopok teren.” Ler 3:34

1 Pita 5:5

La nemi bok luvuraau minang tonga ka levelinga at limixin mukun la mina mumu asu i. La nemi axap mina lok kaka langsangan loklok ngangao kusu na umsu kantubu atnemi. I ngan Lovoang Kaala i vaase xeretna, “Moroa naba vaase asi luvuttadi di simi aurut nedi, ketla i lox asu letaba nabalamu ren tinedi dik lox asi di.” Ler 3:34

1 Pita 5:6

Kuren la mina lox asi nimi maxopok at lukngen lolos at ne Moroa, kusu neni naba xip aurut nemi at laaleng ni ga lok katling i.