Lagale Lavavang At Ne Iesu Karisito Luk Ga Malagan i 13:19 - Madak

¹⁹ I lok ngan liit mastet, laradi ga lok kaka i la gatlo li i ro at loxongkangka ren; liit mastet ga su la ga vee una, la lavapixa diga xip lempotpos pixa atdi ro at lengkakan teren.”

Lagale Lavavang At Ne Iesu Karisito Luk Ga Malagan i 13:19 Iomraidhean Croise

Metiu 17:20

La ne Iesu ga vorang i ridi xeretna, “Lunuunu atnimi i lixilik aleng. Do mi ruuna lunuunu i xakalik kerekngan liit mastet, nemi miba epovo na lok ti na lakaana, ‘Una vas kaxat mede la uto at toxot petpes,’ la ni ba ronga res. La miba epovo na lok lempanga axap bok.

Lagale Lavavang At Ne Iesu Karisito Mak Ga Malagan I 4:30

La ne Iesu ga tong asu bok lavapaase poovo tidi xeretna, “Nenia ana tong asu lavapaase poovo rinimi xusu mina xasep at Linintoo at ne Moroa i lok kereva.

Lagale Lavavang At Ne Iesu Karisito Luk Ga Malagan i 17:6

La Leeme Silok ga vorang i ridi xeretna, “Mo do mina ruuna lunuunu i xakalik ngan liit at lamastet, mi epovo xusu mina tong i ri na luuna do, ‘Una remsup eburu mi levenixe ram la una tu tou at laras!’ La ni ba ronga res atnimi.”

Leven Gugu 2:41

Buaang atnedi diga nuunu ap mo levelinga la luvuttadi vavang diga sep susu di; lavantun larabin sangsangaun kobot (3000) limixin diga beles saparap nedi luvuttadi nuunu ap mo laaleng.

Leven Gugu 21:20

Melemu at levelinga at ne Pol, limixin diga emi asu mi ne Moroa. La diga lok ti ne Pol, “Neton nama. U ven i do, buaang limixin me Judaia di nuunu, la nedi dim tebeng lolos Lenavolo.

Leven Gugu 4:4

Ketla buaang atnedi diga ronga i mo lavapaase at ne Pita, diga nuunu; la lexekexes atnedi limixin nuunu ga urut ti lavalimo larabin sangsangaun kobot. (5000)

Lovoang At Ne Pol Ti Limixin Nunu to Rom 15:19

la keneng bok at lolos at leveloklok katling la levempanga sangsangu, la at lolos at Loroonan Kaala. La at lempatpas tarak boro Jerusalem uto Ilirikam la mo levenmenemen kantubu, agara vaase asu avukat pam Lagale Lavavang at ne Karisito.

Lisilimet 11:15

La laangelo sepsev avanuti ga mas luru ren, la aga ronga laxaka linga silok at lentaba to vana at laxalibet ga lok keretna, ‘Amo nga Leeme Silok atdik eburu mi Lanarong teren du ru ka loklok tatao at na lavatbung menemen. La nedu dunaba lok tatao amisik la kopmen taxavaxap teren.’ Sam 145:13