Lagale Lavavang At Ne Iesu Karisito Luk Ga Malagan i 11:9 - Madak

⁹ Kuren la a tong i rinimi do, mina ngising, la miba ruuna xaka i; mina puse, la miba vuse xaka i; mina dipdi, la lumusaragu naba rem suang tinimi.

Lagale Lavavang At Ne Iesu Karisito Luk Ga Malagan i 11:9 Iomraidhean Croise

Sam 118:5

Keneng at levenaleng at levenmumuat, aga toro ke at Leeme Silok la ni ga ronga ia la ga lox asepsu ia basinge levenmumuat.

Sam 27:4

Nia ara sing pam Leeme Silok mi legesa vanga; legesa vanga mene nia a vara rin, do at lorooro axap tarak ana nemen ia ro xeneng at loogu ren, la anaba reven solo loklok nunuan teren la nia anaba ngising i kusu nam lam lorooro rak.

Sam 27:8

Uga lok tia, “Ude u, una lotu saparav ia.” Aga vorang i do, “Leeme Silok anaba vosiga u.”

Sam 34:10

At lepenaleng lubung laion dik toxo la dik pakes ti levempanga anan, ketla nedi ding tonga res at Leeme Silok kopmen dinak pakes ti levempanga avukat, atla Leeme Silok im taba amisik di.

Sam 34:4

Aga sing saparap Leeme Silok la ni ga ronga ia; ga lox asepmus ia basinge levenanmarat axap tarak.

Sam 50:15

Naba lox avukat do mina ro ke rak mo do mina ekip tangarang mi levenmumuat, la anaba lox asepsu nemi, la minaba emi asu minia.”

Metiu 21:22

Do mi ruuna lunuunu ruturun, ne Moroa naba raba lovoporang ti mo lempanga mi sing tin.”

Metiu 21:31

Ua lara atdu na ga lok lugugu ne temen du ga tong i?” La diga lok, “Mo lara avot.” Kuren la ne Iesu ga lok tidi, “A tong tuturun i rinimi do; luvuttadi loklok ka pilas la lavakin ngarangat mo dibam gomgo avot tinimi uto at Linintoo at ne Moroa.

Metiu 6:29

Ketla a tong i do loorong silok ne Solomon mi langsangan lapnovos teren ga ruuna lempanga singsiga kopmen goxo nunuan aleng ti nom lempusuvus.

Lagale Lavavang At Ne Iesu Karisito Mak Ga Malagan I 11:24

Kuren la a tong i rinimi; dola una sing ne Moroa ri tempanga u vara rin, una nuunu do ne Moroa ba raba u min la neni naba lox i xuren.

Lagale Lavavang At Ne Iesu Karisito Mak Ga Malagan I 13:37

Nom levelinga ara tong pam i rinimi, la aba tong box i ri limixin axap, mina reven avukat.”

Lagale Lavavang At Ne Iesu Karisito Luk Ga Malagan i 11:10

Mila, do mina ngising ne Moroa, miba lok kaka i; la do nemi mina puse, minaba vuse ka i; la lumusaragu naba rem suang tinimi mi dipdi.

Lagale Lavavang At Ne Iesu Karisito Jon Ga Malagan I 14:13

La do mina sing ti tevempanga xeneng at laasen tarak, anaba lox epovo i, xusu nenia Nitna ne Moroa, anaba lox asilok laasen at ne Tamak.

Lagale Lavavang At Ne Iesu Karisito Jon Ga Malagan I 15:16

Nemi xopmen mi goxo soxolik ka ia; nenia xa aga soxolik ka nimi xusu mina lok lugugu rak la mina visik asu tevempeven una nunuan, nom lempeven una nunuan kopmen noxop sopso, ketla naba nemen amisik. Kuren la ne Tamak naba raba nimi mi tevempanga salai mina sing tin keneng at laasen tarak.

Lagale Lavavang At Ne Iesu Karisito Jon Ga Malagan I 15:7

Do mina nemen tarak, la do minam tebeng lolos levelinga rak, mina sing ti levempanga salai mi vara rin, la miba ruuna ka i.

Lagale Lavavang At Ne Iesu Karisito Jon Ga Malagan I 4:10

La ne Iesu ga vorang i rin, “Do uklen laramtaba at ne Moroa la mo laradi i sing u ri toxondan, i epovo do una sing i ri laxadan too, la ni naba raba u min.”

Lovoang At Ne Pol Ti Limixin Nunu to Rom 2:7

Leventaba at limixin dik lox amisik leveloklok i nunuan, kerepmo di puse ri lisisixam mi loklok ngangao la lorooro nunuan; ne Moroa naba raba di mi lorooro avolo.

2 Korin 6:2

Mina ronga na levelinga ne Moroa ga tong i. “Aga ronga nemi at loxonaleng mokmokso kusu ana lox asuusu letaba nabalamu rak. Aga lok tooro nimi at laaleng ti lox arooro.” Ais 49:8 Mina ronga i na. Ana ni laaleng kusu mina siam ka mo letaba nabalamu at ne Moroa. Ana ni laaleng kusu miba lok ka loklox arooro.

Ibru 11:6

La mo do tara xopmen tunuunu ren, ixo epovo ni na lox amomo ne Moroa, mila do tara i vara na vot pasa ne Moroa, neni na nuunu do ne Moroa mo i rooro la neni i epovo naba lox anarong nedi lebelen di i ngaongao xusu dinaklen ne Moroa.

Ibru 4:16

Kuren la nemen dik guta marat kusu tana vot pasa ne Moroa mi lodomdoma atdik mila neni i umsu mi lebelemumu la nedik taba ruuna ka letaba nabalamu ren la loklok tooro do nedik atak pakes tin.

Jems 1:5

Ketla do tara atnimi ik pakes ti lodoxoma avukat, ni na sing ne Moroa, atla ne Moroa naba raba aleng i min; Moroa im taba buaang lempanga ri limixin getgesara la neni xopmen noxo rebeng alis toxot teren mumu loklok atdik.

Jems 5:15

Mo do nedi di nuunu ruturun do Leeme Silok naba lox aroo mo laradi, Leeme Silok naba lox aroo i. La do neni ga lok laxakapmek, Leeme Silok naba doxoma xepe laxakapmek teren.

1 Jon 3:22

la i epovo do ata sue ne Moroa ri lempanga ta vara rin. La neni naba raba dik min mila nedik ta mumu asu levelinga ren la tak lok lempanga ik lox amomo i.

Lisilimet 2:24

Ketla lentaba limixin nuunu atnimi dom Taiataira mixo lok momo at nom laanasa at ne Jesebel. Mixo siam ka laanasa ren la miga ke xepe bok mo levenanasa mumuat di tong i do levendomdoma alipe at ne Satan. Nenia a noxo tong bok tevelinga lolos tinimi xusu mina mu asu i;