Lagale Lavavang At Ne Iesu Karisito Luk Ga Malagan i 11:49 - Madak

⁴⁹ Kuren la ne Moroa mi lakleklen silok teren ga lok, ‘Aba riki lavaeme vapaase alii la luvuttadi vavang, la lentaba atdi diba sev amet di la lentaba diba lox asongot di.’

Lagale Lavavang At Ne Iesu Karisito Luk Ga Malagan i 11:49 Iomraidhean Croise

Metiu 22:6

La nedi lentaba vetpes diga ranga alis lavasaxaruki la diga lok kapmek di la diga sev amet di.

Lagale Lavavang At Ne Iesu Karisito Luk Ga Malagan i 11:48

La kerepmo nemi xa mi lox asuusu i do, nemi xa miga siam ap mo laxakapmek lavalabat atnimi diga lox i; mila diga sev amet lavaeme vapaase alii, la nemi miga lok lara maaut tidi.

Lagale Lavavang At Ne Iesu Karisito Luk Ga Malagan i 24:47

La keneng at laasen teren diba tong asu Lagale Lavavang mumu loklok ti leeng la loklok ti doxoma xepe laxakapmek diba vavang min ti limixin axap at lavatbung menemen, ba ru ka i de Jerusalem.

Lagale Lavavang At Ne Iesu Karisito Jon Ga Malagan I 16:2

Luvuttadi amgomgo dinaba sep pepe nimi xusu mi noxo vubeles bok ba uto at laraugu singising. La laaleng move naba vot, la do tara na sev amet tara atnimi, ni naba nua i do i lox i mo ri lox amomo ne Moroa.

Leven Gugu 1:8

Ketla nemi minaba umsu mi lolos mo do Loroonan Kaala na vubeles atnimi; la minaba paase katling mi lorooro rak tinedi limixin to at lemenemen silok Jerusalem, la to bok at lengkot axap at lunep silok Judaia la Samaria, la to at lengkot axap bok at na lavatbung menemen kopok.”

Leven Gugu 11:27

Ap mo levenaleng lentaba lavaeme vapaase alii diga vas kaxat boro Jerusalem la diga rupot to Antiok.

Leven Gugu 22:20

La at laaleng diga sev amet laradi vapaase ram ne Stiven, nenia mo aga tu saparap di, la nia aga siam ti mo laniu ren la agak lok tatao levempanga singsiga ap mo limixin diga sev i.’

Leven Gugu 7:57

Digap kup lolos la diga lok pe levenbaalung atnedi mi levengkikngen di. La diga sixit eburu uto saparap ne Stiven,

Leven Gugu 8:3

Ketla ne Sol ga lok tong pen i do na sev amet limixin axap diga nuunu. La limixin esep digat pas uto at laraugu atnedi xusu dina ranga alis ka di, lavatlok eburu mi lavakin, la diga lok li di at loogu xokoxo.

1 Korin 1:24

Ketla ne Moroa ga soxolik ka leventaba atnedi leme Judaia la leme Grik. Ma vavang mi laasen at ne Karisito, neni i lox asuusu lololos la lakleklen at ne Moroa rinedi.

1 Korin 1:30

Ketla ne Moroa gara lok ka vam nimi ri lixitkis etangas eburu mi ne Iesu Karisito la ne Moroa ga lok katling pam ne Karisito ngan laxasep tidik; keneng mun at ne Iesu Karisito, ne Moroa ga vaxaxis buru dik min, la ga lok dik ngan limixin dadat teren, la gara lox asepmus nedik basinge laxakapmek atdik.

Epesas 4:11

Neni vam ga raba leventamtaba ri limixin teren. Ni ga soxolik ka lentaba ri gugu ngan luvuttadi vavang la lentaba ri gugu ngan luvuttadi vapaase alii. Lentaba diga lok ka lugugu ngan luvuttadi vapaase asu levelinga at ne Moroa, la lentaba ri gugu ngan luvuttadi loklok tatao lotu la lentaba ti lox ase limixin mi levelinga at ne Moroa.

Kolosi 2:3

Neni mun lengki ti suang mo lodomdoma lipe, kusu limixin diba epovo dinaklen ka mo lodoxoma la lakleklen silok at ne Moroa.

Lisilimet 16:6

mila nedi limixin kapmek diga sev amet limixin nuunu eburu mi lavaeme vapaase alii ram, kuren la ura raba nedi limixin kapmek mi lada kusu nedi dina in i, la ik mokso aleng do nedi limixin kapmek dina in mo lada.” Ais 49:26

Lisilimet 18:20

La lara laxaka linga ga lok bok, “Nemi axap mik lok to vana at laxalibet, mina momo. Nemi limixin at ne Moroa, la luvuttadi vavang la lavaeme vapaase alii, mina sosoro aleng, mila ne Moroa ira vorang taba vam i mi langsangan losongsongot mumu lempanga xapmek neni ga lox i rinimi.” Jer 51:48