Lagale Lavavang At Ne Iesu Karisito Luk Ga Malagan i 11:42 - Madak

⁴² Naba lok kapmek tinotno rinimi, lubung Parisi! Mi raba ne Moroa mi lenep avot at lasangaun at lempanga, i ngan levengkuma mi leveloombo la lempanga vetpes bok; ketla nemi mi sok tixirixes loklok mokmokso la labalamu at ne Moroa. Anai nemi mina lox i, la nemen mita sok tixirixes nom loklok ti raba ne Moroa mi lenep avot at lasangaun at lempanga.

Lagale Lavavang At Ne Iesu Karisito Luk Ga Malagan i 11:42 Iomraidhean Croise

Metiu 23:13

Naba lok kapmek aleng tinimi, luvuttadi loklox ase at Lenavolo eburu minemi lubung Parisi. Nemi lavapen aala. Mik soxoba pe lumusaragu ri Linintoo no vana at laxalibet kusu limixin kopmen dina epovo dina beles teren. Ketla nemi xa xopmen minoxo beles teren la mi tu pe mo lumusaragu ri limixin dik lok tong i xusu dina beles.

Metiu 23:23

Naba lok kapmek aleng tinimi luvuttadi loklox ase at Lenavolo eburu minemi lubung Parisi. Nemi lavapen aala! Mim taba ne Moroa mi loxot i sev asangaun ap mo levempanga ik lok at laraamang, ketla mixo mumu asu leveloklok silok at Lenavolo, i ngan loklok mokmokso, lebelemumu, loklok nunuan ti lentaba vetpes, la loklok tuturun ti lentaba vetpes. Na leveloklok i epovo do mina lox asuusu i eburu mi mo loklok ti raba ne Moroa mi loxot i sev asangaun.

Metiu 23:27

Naba lok kapmek aleng tinimi luvuttadi loklox ase at Lenavolo eburu minemi lubung Parisi. Nemi lavapen aala. Mi ven ngan tinotno lempat maaut diga mo anbun i, i ven avukat to ma xamang, ketla no ma xeneng i umsu mi laxasi tongan la laxanorang.

Lagale Lavavang At Ne Iesu Karisito Luk Ga Malagan i 18:12

A mun anan at legepu aleng at legesevik, la am taba u mi loxot at lempanga rak’.

Lagale Lavavang At Ne Iesu Karisito Jon Ga Malagan I 5:42

Ketla akleklen lebelen nimi. Aklen i do labalamu ri ne Moroa xopmen na nemen keneng at lebelen nimi.

1 Jon 4:20

Do tara i lok dola i balamu ne Moroa ketla ik milik angtungun ti neton, ni laradi xaxarang; atla neni ixo epovo xusu ni na balamu ne Moroa no neni goxovisi ven tu ren do neni noxo balamu avot be neton ua neni ira ven tu vam teren.