Lagale Lavavang At Ne Iesu Karisito Luk Ga Malagan i 11:41 - Madak

⁴¹ Ketla mina raba lempanga salai no i nemen at lengkap mi levempelet atnimi tinedi limixin banbalo, la lempanga axap nabam games tinimi.

Lagale Lavavang At Ne Iesu Karisito Luk Ga Malagan i 11:41 Iomraidhean Croise

Sam 112:9

Neni im taba leventamtaba solo mi lebelemulus ti limixin banbalo; la amisik ik lox asuusu labalamu ren ti limixin; la naba ruuna laasen silok la limixin diba xip aurut laasen teren.

Sam 41:1

Nedi di doma mu solo limixin banbalo, dina momo; Leeme Silok naba lok tooro di mo do dina ekip tangarang mi levenmumuat.

Metiu 26:11

Limixin banbalo mo dibat pot pasa amisik nimi xusu mibak lok tooro di, ketla nenia noxo nemen eburu amisik minimi.

Metiu 5:42

Mo do tara na sing u mi tavanga, una raba i min; la mo do tara i vara i do na lok ka be tavanga ram kusu na gugu min, una siam taba i min.”

Lagale Lavavang At Ne Iesu Karisito Mak Ga Malagan I 7:19

nom lempanga noxo vubeles at lorooro ren, ketla i vubeles at leventine ren la melemu neni ba lok kepe ba i ukamang at labantuxu ren.” La kerepmo ne Iesu ga tong i do leveluxa axap i lox avukat kusu laradi na anan i.

Lagale Lavavang At Ne Iesu Karisito Luk Ga Malagan i 12:33

Mina sesep mi lempanga atnimi la mina raba lempilas at nom lempanga rinedi limixin banbalo la kerepmo mi noxo doma solo lengkontonom ka atnimi mo ba lok kapmek la lempilas atnimi na sonao, ketla minaba ruuna ka lapnovos tinimi ro vana at laxalibet.

Lagale Lavavang At Ne Iesu Karisito Luk Ga Malagan i 16:9

La ne Iesu ga lok bok tidi xeretna, “A tong i rinimi do mina lok kaka lempilas la minam taba limixin min kusu diba etangas avukat minimi; mila do lempilas na xap asonao, Moroa ba lam kaka nimi uto at loogu ren i nemen amisik.

Lagale Lavavang At Ne Iesu Karisito Luk Ga Malagan i 18:22

Se ne Iesu ga ronga i na, neni ga lok tin, “Uk pakes bok kusu una lok legesa vanga. Una sesep mi lempanga axap taram la una raba lempilas ti luvuttadi banbalo, la unaba ruuna ka lapnovos to vana at laxalibet; la ude u la una mumu asu ia.”

Lagale Lavavang At Ne Iesu Karisito Luk Ga Malagan i 19:8

Sakias ga ru ro melamgo at limixin la ga lok ti ne Iesu, “Leeme Silok. Aba raba loxot atat at lempanga rak ti limixin banbalo; la do nenia agara xip pilo vam tavanga, aba un amlong i rin na vanuet.”

Leven Gugu 10:15

La ne Moroa ga lok bok tin keretna, “Nemen uta tong tempanga do i bilinga mila nenia ara lox adadat pam i.”

Leven Gugu 11:29

Limixin nuunu boro Antiok diga vaase i do dina lok tooro limixin nuunu ro Judaia. Nedi diga ruuna lempilas buaang, diga raba i.

Leven Gugu 24:17

Melemu at lentaba levenmaares aga nemen petpes basinge lemenemen Jerusalem, agat pas ugo ri xip ka lempilas tinedi limixin tarak mo dik pakes; la aga vara i do anaplavang saparap ne Moroa.

2 Korin 8:12

Mo do lebelen nimi naplivi ri raba, ne Moroa ba siam ka laramtaba atnimi i epovo at levempilas mi ruuna i la kopmen at levempilas mixo ruuna i.

Epesas 4:28

Mo laradi xipkip pilo gutap kip pilo bok ba. Ketla neni na lok lugugu mi lukngen la na lok leven gugu nunuan kusu neni na epovo na lok tooro nedi limixin pakpakes.

Taitas 1:15

Di lok do leventaba leveluxa i xaala; ketla i lox avukat do limixin nuunu dina anan leveluxa axap; nedi limixin kakapmek kopmen dina nuunu at ne Iesu Karisito la di ke xepe leventaba leveluxa mila lodoxoma atdi xopmen na lox avukat la loklok atdi i lok bilinga.

Ibru 13:16

La nemen mita domampe loklok tik lok lununuan la loklok tim taba panga nedi dik pakes, mila ana leveloklok i lok ngan laramtaba atdik ti ne Moroa la neni i momo ren.

Ibru 6:10

Moroa neni laradi mokmokso la neni noxo domampe leveloklok nunuan nemi miga lox i, la mo labalamu nemi miga lox asuusu i at laasen teren ap mo levenaleng miga lok tooro limixin teren la move mik lok tooro di.

Jems 1:27

Leveloklok mo i nemen, ne Moroa i vara i do limixin dina lox i. Do dina lox epovo i, i lox asuusu i do di nuunu ruturun. Nom leveloklok i lox avukat aleng la i lok keretna. Limixin dina lok tatao avukat lubungkarun la lavakin, lavatlok atdi diga met pam; la dina lok tooro di at levenmumuat atdi. La lara lavanga bok, nedik ata lok tatao avukat lavatpas atnedik, la loklok at na lavatkangka noxo lox abilingot lorooro atnedik.