Lagale Lavavang At Ne Iesu Karisito Luk Ga Malagan i 11:34 - Madak

³⁴ Lengkatli atnimi i ngan laxasep ti lorooro atnimi. Dola lengkatli i reven ti lempanga avukat, lorooro atnimi mo ba umsu mi laxasep; ket do lengkatli atnimi i reven ti lempanga xapmek, lorooro atnimi naba nemen at lamain.

Lagale Lavavang At Ne Iesu Karisito Luk Ga Malagan i 11:34 Iomraidhean Croise

Sam 119:18

Una valas luxatli rak kusu aba ven kibis levenanasa nunuan keneng at Lenavolo ram.

Sam 81:12

Kuren la aga ke aie di mila lodoxoma atdi ga vatken mi lorongtonga rubu linga; la diga mumu asu lavavara atnedi keneng at leveloklok diga vavara i.

Lagale Lavavang At Ne Iesu Karisito Mak Ga Malagan I 4:12

ni ga lox i xuren kusu, ‘Nedi di reven lugugu, ketla di noxo ven kibis i. Ding tonga mo levelinga, ketla di noxo xasep teren; do dina xasep, diba leeng la ne Moroa na doxoma xepe leveloklok kakapmek atdi.” Ais 6:9-10

Lagale Lavavang At Ne Iesu Karisito Mak Ga Malagan I 7:22

loklok ti belegaao, leveloklok kakapmek petpes bok, loklok kaxarang, loklok mun mamangan, loklok ngaongao at lempanga at tara vetpes, loklok ti lox asi tara mi levelinga, loklox asilok, la loklok tangtangku.

Lagale Lavavang At Ne Iesu Karisito Mak Ga Malagan I 8:18

Miga ven pam lugugu rak la miga ronga vam levelinga rak, ketla mixoklen lavasuun teren. Mina domangke at levempanga sangsangu rak.

Lagale Lavavang At Ne Iesu Karisito Luk Ga Malagan i 11:35

Mina lok tatao avukat nimi, kusu lorooro axap atnimi noxo umsu mi lamain.

Leven Gugu 13:11

Monga lololos at Leeme Silok ne Moroa na rupot saparap u; luxatli ram na main. La nenu u noxo ven laxasep at laaleng kangking at lentaba levenaleng.” Ap mo mun loxonaleng Elimas ga suma lamain ga lok pe luxatli ren, la ni gat pas tangtagap, gak lok tong pen i do na vuse ka tara xusu na ranga tu at lekngen la nam lam i.

Leven Gugu 2:46

At levenaleng axap digat pot eburu amisik ngan loxonbinam tadi ro xeneng at loogu laplavang la diga anan buru leveluxa atdi ro xolonu, diga anan mo leveluxa eburu mi lumulus la lomomo keneng at lebelen di.

Leven Gugu 26:18

Nenu uba suang lodoxoma atnedi la uba sat kaka nedi basinge lamain at ne Satan uto at laxasep at ne Moroa, la basinge lolos at ne Satan uto saparap ne Moroa, kusu dina nuunu rak. La kerepmo ne Moroa naba doxoma xepe leveloklok kakapmek atnedi la dinaba ruuna ka loxot tidi xantubu ap mo limixin ne Moroa ga soxolik ka vam di.’

2 Korin 1:12

Nema ma lok momo aleng, mila lodoxoma nunuan atnema i lox ase nema do, loklok atnema at na lavatbung menemen ngan maga ebibinat ka minemi, ga lok nunuan mene nga la kopmen taxakapmek teren ngan ne Moroa ga lok tooro nama min. Kuren mun maga mumu asu letaba nabalamu at ne Moroa la kopmen do at lakleklen maut at laradi at na laxangka.

2 Korin 11:3

Ketla a marat do lavanga tara na sasar asoogong levendoxoma atnimi la mina ke xepe lunuunu lolos la lotu ruturun atnimi ri ne Karisito, kerekngan ne Iva; lisii ga xarang i mi lakleklen kapmek teren.

2 Korin 4:4

Dixo nuunu mila levendomdoma atdi, lomoroa at na lavatbung menemen iram tu kobot pe vam i. La neni i tu kobot pe mo laxasep at Lagale Lavavang kusu noxo soosoo axasep di, mo laxasep i susu boro at lisisixam at ne Karisito, neni lampenaxa at ne Moroa.

Epesas 1:17

la a sing amisik lagale lo Moroa, ne Temen Leeme Silok atdik, Iesu Karisito, ti song araba nimi mi Loroonan teren, mo naba suxa nimi mi lodoxoma nunuan la laxasep kusu nemi mibakleklen avukat ne Moroa.

Epesas 6:5

Lavasaxaruki. Minang tonga res at luvuttadi amgomgo atnimi la mina umsu mi loklok ngangao la lanmarat; la lebelen nimi nak lox avukat tidi. Minang tonga res atdi kerekngan nemi ming tonga res at ne Karisito.

Kolosi 3:22

Nemi lavasaxaruki. Minang tonga res at luvuttadi amgomgo atnemi at levempanga axap; kopmen do ap mo mene nga loxonaleng di reven tata nemi kusu mi vara i do dinaba ven lenget luruptuvuk nunuan atnimi; ketla mina lok lugugu atnimi mi lomomo at lebelen nimi la loklok ngangao saparap Leeme Silok.