Lagale Lavavang At Ne Iesu Karisito Luk Ga Malagan i 10:42 - Madak

⁴² Ketla leges avanga mun uk pakes tin. Maria i vara i do nang tonga leveloklox ase rak, la tara noxo lok pes i na basinge i.” Lisingising

Lagale Lavavang At Ne Iesu Karisito Luk Ga Malagan i 10:42 Iomraidhean Croise

Sam 119:111

Lempapaase matmatkun taram i lok ngan loxom pulus nunuan naba nemen amisik eburu minia, la i lox aumsu labalak mi lomomo.

Sam 119:173

Una gagas amisik ti lok tooro ia, mila nia a mumu asu levempapaase auru ram.

Sam 119:30

Ara soxolik ka vam langas ti mumu asu levelinga ruturun taram; ara ronga avukat pam leventaangas linga ram.

Sam 142:5

Leeme Silok, a reng taba u xusu una lok tooro ia; nenu axa Leeme Silok nu Lurutu See Pe rak; la a vavara xusuk mun u keneng at na lorooro.

Sam 17:15

Ketla nia anaba ven lamaram atla nia goxo lok tibilinga; la dola ana aus, anaba umsu mi lososoro atla anaba nemen eburu minu.

Sam 27:4

Nia ara sing pam Leeme Silok mi legesa vanga; legesa vanga mene nia a vara rin, do at lorooro axap tarak ana nemen ia ro xeneng at loogu ren, la anaba reven solo loklok nunuan teren la nia anaba ngising i kusu nam lam lorooro rak.

Sam 73:25

Nege bok ba nia a ruuna ka i ro at laxalibet? Nenu xusuk mun. At na levenaleng nenia a ruuna u, a vara bok ba tavanga sala i de at lavatbung menemen?

Lagale Lavavang At Ne Iesu Karisito Mak Ga Malagan I 8:36

I lok kapmek do taradi na ruuna ka lempanga axap at na lavatbung menemen, la neni i subu basinge lorooro at ne Moroa.

Lagale Lavavang At Ne Iesu Karisito Luk Ga Malagan i 10:39

Neni ga ruuna lara neton, laasen teren ne Maria, mo gat kis saparap luxangkedek at Leeme Silok la gang tonga leveloklox ase ren.

Lagale Lavavang At Ne Iesu Karisito Luk Ga Malagan i 11:1

At lara laaleng Iesu ga ngising to at lara lenep. La melemu at lisingising teren, lara laradi loklox ase ren ga lok tin, “Leeme Silok, una lox ase nema mi lisingising, kerekngan ne Jon ga lox ase luvuttadi loklok ka anasa ren.”

Lagale Lavavang At Ne Iesu Karisito Luk Ga Malagan i 12:20

Ketla ne Moroa ga lok tin, ‘Nu laradi baulang! Lingina mun at laxanimin uba met; la nenu noxo lok kaka nom lempanga u lok do uba gagas li i ru.”

Lagale Lavavang At Ne Iesu Karisito Luk Ga Malagan i 12:33

Mina sesep mi lempanga atnimi la mina raba lempilas at nom lempanga rinedi limixin banbalo la kerepmo mi noxo doma solo lengkontonom ka atnimi mo ba lok kapmek la lempilas atnimi na sonao, ketla minaba ruuna ka lapnovos tinimi ro vana at laxalibet.

Lagale Lavavang At Ne Iesu Karisito Luk Ga Malagan i 16:2

Ni ga ro ka i ukeneng la ga lok tin, ‘Lavanga salai na a ronga limixin di paase mumu u min? Una malagan asu axap luunun at lempanga rak nenu ugak lok tatao i, mila xopmen una epovo xusu nenu laradi gugu rak.’

Lagale Lavavang At Ne Iesu Karisito Luk Ga Malagan i 16:25

Ketla ne Abaram ga lok, ‘Nuruk, una doxoma i na. At lorooro ram uga ruuna laxampanga solo, la ne Lasaro ga lok kaka lempanga xapmek; ketla na nga neni mo i momo aleng nade, la nenu nga mo ura nemen keneng at langsangan losongsongot.

Lagale Lavavang At Ne Iesu Karisito Luk Ga Malagan i 18:22

Se ne Iesu ga ronga i na, neni ga lok tin, “Uk pakes bok kusu una lok legesa vanga. Una sesep mi lempanga axap taram la una raba lempilas ti luvuttadi banbalo, la unaba ruuna ka lapnovos to vana at laxalibet; la ude u la una mumu asu ia.”

Lagale Lavavang At Ne Iesu Karisito Luk Ga Malagan i 8:18

Kuren la mina lok tatao avukat nimi, kusu ring tonga avukat levelinga at ne Moroa. Do tara na siam ka mo levelinga Moroa i raba i min, Moroa naba raba box i mi laxasep avukat at levelinga ren; dola tara noxo siam ka levelinga at ne Moroa, Moroa naba lok pes bok laxasep kakalik teren, keke i do neni i doxoma i do im tebeng i.”

Lagale Lavavang At Ne Iesu Karisito Jon Ga Malagan I 11:1

Lara laradi laasen teren ne Lasaro, ga nemen to Beteni, ga meres. Beteni ni lemenemen ua ne Maria mi ne Mata nedu lueton duga nemen go.

Lagale Lavavang At Ne Iesu Karisito Jon Ga Malagan I 11:19

la buaang luvuttadi amgomgo at limixin me Judaia diga vot kusu dina ven ti ne Mata mi ne Maria xusu ri vaase amenemen du mumu lanmet at neinen du.

Lagale Lavavang At Ne Iesu Karisito Jon Ga Malagan I 12:3

La ne Maria ga lok ka lubuxom ga umsu mi laxadan mavak, laasen teren naat. Mo laxadan somavak luunun teren ga silok aleng. La neni ga soli i ro at luxangkedek at ne Iesu, la ga ves amesemes i mi lavatkabinim at lavatlak teren. Losomavak at na laxadan ga umsu go xeneng ap mo loogu.

Lagale Lavavang At Ne Iesu Karisito Jon Ga Malagan I 17:3

Lorooro avolo i lok keretna; do dinakleklen u, legesa Moroa ruturun kusuk mun la dinakleklen ia, ne Iesu Karisito, nenu ga riki ia ude.

Lagale Lavavang At Ne Iesu Karisito Jon Ga Malagan I 4:14

Ket do tara na inin at laxadan nenia ana raba i min, neni noxo minu bok ba. I ruturun do laxadan nia ana raba i min naba lok ngan loxodan i puvut su xeneng at lorooro ren, la naba raba i mi lorooro avolo.”

Lagale Lavavang At Ne Iesu Karisito Jon Ga Malagan I 5:24

A tong tuturun i rinimi. Do tara i ronga levelinga rak, la i nuunu ap mo lara ga riki ia, neni ira lok ka vam lorooro avolo. Neni xopmen noxo tu at lavapaase at laaleng ete, ketla ira roo suu vam basinge lanmet la ira ruuna ka vam lorooro avolo.

Lagale Lavavang At Ne Iesu Karisito Jon Ga Malagan I 6:27

Nemen mita gugu ri leveluxa ua naba sonao soso; ketla mina gugu lolos ti leveluxa i nemen amisik ti lorooro avolo. Na leveluxa, nenia, Laradi Mevana, anaba raba nemi min, mila ne Moroa ne Temen dik ira soxolik ka vam ia.”

1 Korin 13:3

La do ana raba xape axap levempanga rak kusu ri lok tooro limixin banbalo, la ana siam kape mi labantuxu rak kusu dina xotos i ro at laxao, ketla kopmen tabalamu na nemen tarak, nom axav i, noxo lok tooro ia.

Galesia 5:6

Do nema mak lox eburu mi ne Iesu Karisito, mo leveloklok ti rivit kepe lengkontuxu kopmen lavanga silok; ixo lok petpes tinotno xantubu at taradi diga vit kepe toxontuxu ren la tara di goxo vit kepe toxontuxu ren. Ketla legesa vanga mene nga i silok aleng, neni lunuunu la labalamu i ravasu ren.