Lagale Lavavang At Ne Iesu Karisito Luk Ga Malagan i 1:17 - Madak

¹⁷ Neni nabamgo ri Leeme Silok, mi Loroonan Kaala la lololos, i ngan leeme vapaase alii ne Elaisa; neni naba vaxaxis etangas avukat luvuttemen eburu mi laxamdak atdi kusu luvuttemen dinaba balamu laxamdak atdi; neni naba ba gili levendoxoma at limixin tongtonga xepe kusu dina rebeng kaka lodoxoma mokmokso; neni naba lox agagas limixin at ne Moroa kusu dinaba gagas tangais Leeme Silok.”

Lagale Lavavang At Ne Iesu Karisito Luk Ga Malagan i 1:17 Iomraidhean Croise

Sam 10:17

O Leeme Silok, unabang tonga levesing at limixin di lox alixilik di maxopok taram. La unaba lox abelemes nedi.

Sam 111:10

Loklok ti lok ngangao at Leeme Silok, neni lurutu kaxat ti levendomdoma nunuan. La im taba lodoxoma mokmokso rinedi ding tonga res teren. Leeme asu rin naba nemen amisik la noxo xap.

Sam 78:8

Dinoxok lok ngan lavalabat atnedi ua diga ganggang linga, la digang tonga xepe amisik teren; la lesepsep sogo atnedi ri ne Moroa goxo lolos la di goxo mumu asu amisix i.

Metiu 11:14

La mo do mi epovo do mina siam ka lempapaase atdi, mina nuunu do neni ne Elaisa, mo diga tong i do neni nabamlong.

Metiu 3:3

Leeme vapaase alii ne Aisaia ga paase mumu ne Jon mi levelinga xeretna, ‘Lara mo ip kup to at lamatbin keretna, mina lox agagas li langas ti Leeme Silok; mina lox akmokso langas tin!’ Ais 40:3

Metiu 3:4

Jon ga siga labantamon diga lox i mi lengkabinim at lakamel; neni ga dodos i mi labanbaane diga lox i mi labantuxu at lavanga mi lavanuet kangkedek teren. La neni ga anan levenasku mi laxanmisiu boro at laxairing.

Lagale Lavavang At Ne Iesu Karisito Luk Ga Malagan i 1:16

Neni naba sat ka amlong buaang nedi limixin me Israel saparap ne Moroa, Leeme Silok atdi.

Lagale Lavavang At Ne Iesu Karisito Luk Ga Malagan i 1:76

La nenu lamdak tarak, uba ruuna na laasen, laradi vapaase alii at ne Moroa Silok Aleng Tinotno; mila ubam gomgo ri Leeme Silok kusu unaba gagas li langas tin,

Lagale Lavavang At Ne Iesu Karisito Jon Ga Malagan I 1:13

Di goxo ravasu ngan luvutnitna ne Moroa at loklok at na lavatbung menemen, i ngan ta do laxamdak mi laxaalik at lenasun, kopla at lavavara at latlok, kopmen; ne Moroa xa, neni ne Temen di.

Lagale Lavavang At Ne Iesu Karisito Jon Ga Malagan I 1:34

Agara ven pam i la a tong i rinimi do neni ne Nitna ne Moroa.”

Lagale Lavavang At Ne Iesu Karisito Jon Ga Malagan I 3:28

Nemi xa miga ronga mo levelinga nia aga tong i xeretna, ‘Nia xopmen Lanarong, ketla ne Moroa ga riki amgo ia rin.’

Leven Gugu 10:33

Kuren la nenia aga riki soso luvuttadi gugu rak ap mo mun loxonaleng kusu dina lam kaka u, la i lox avukat dola ura vot pasa ia. Nanga nema mak lok at lemeren ne Moroa, ma ngangais kusu mana ronga levelinga mo ne Moroa ga tong pam i ru do uba vaase i rinama.”

Lovoang At Ne Pol Ti Limixin Nunu to Rom 9:23

La ni ga vara box i xusu neni na lox asu lagale lisisixam teren, no ni ga soli asu i rinedik limixin ua neni ga belemumu dik, la ti nege atdik no neni gara gagas pam di xusu dinaba lok kaka lisisixam teren,

Kolosi 1:12

la miba tong loklox avukat ti ne Temen dik, ni ga lok nimi xusu miba epovo rinotno ri ruuna ka loxot atnimi ap mo luunun ni ga lox agagas li vam i ri limixin teren to xeneng at Linintoo i umsu mi laxasep.

2 Timoti 2:21

Lavasuun at nom keretna; do tara i lok kepe leveloklok kakapmek teren, neni naba lok ngan nom leventingtigon avukat di anan min at levenaleng silok, atla ni i lok lugugu avukat ti leeme silok teren la ni i gagas kusu na lok leven gugu nunuan.

1 Pita 2:9

Ketla nemi lavaanat soxolik ka; nemi lavamaasa at loorong silok, la nemi lubung mixin dadat la nemi limixin at ne Moroa akmokso. Neni ga soxolik ka nemi xusu minaba lox asuusu lugugu avukat teren, neni ga ro xaka nemi boro xeneng at lamain bonot la uto xeneng at laxasep maraanu ren.

1 Jon 2:28

Luvutnuruk orong. Minat kis esogo amisik mi ne Iesu kusu at lovotpot teren mi noxo marat la mi noxo mangan.

Lisilimet 20:4

La nia aga ven lengkonin at lavaorong silok, la nedi limixin digat kis teren, diga ruuna lololos kusu dina ila mumu loklok at limixin. La aga ven bok leventoonan atnedi limixin la limixin petpes diga ra korop lengkaka atdi mila diga tong asu lunuunu atdi keneng at ne Iesu, la diga nuunu bok at levelinga at ne Moroa. At lorooro atdi di goxo lotu parap lavatpanga sio la lavatpoovo vanga ren la di goxo lok ka loklok katling at lavatpanga sio to at lenmang atdi kopla levengkikngen di. Diga roo xat amlong la nedi eburu mi ne Karisito digam gomgo ri limixin at legesa abin sangsangaun kobot (1000) levenmaares.