Lisilimet 9:1 - Madak

¹ La laangelo sepsev avalimo ga mas mo luru ren la aga ven lenti no xopok at laxangka ga subu si boro vana lamavangkap. La mo lenti ga lok ka lengki ri suang lumusaragu at lemeroon.

Lisilimet 9:1 Iomraidhean Croise

Lagale Lavavang At Ne Iesu Karisito Luk Ga Malagan i 10:18

La ne Iesu ga vorang i ridi xeretna, “Aga ven lixitkis orong at ne Satan ga xap la ni ga subu soso boro vana at laxalibet ngan lavanga i mam.

Lagale Lavavang At Ne Iesu Karisito Luk Ga Malagan i 8:31

La nom lubunggas diga ngising ne Iesu do nemen neni guta sak tiki di uto at lemeroon.

Lovoang At Ne Pol Ti Limixin Nunu to Rom 10:7

La i paase bok keretna, “Nemen gat uguta lok bok do, nege naba si uto xopok at lemenemen at labarongan?” (kusu ri lox asu ne Karisito basinge limixin diga met pam.) Len 30:13

Lisilimet 1:18

Nenia mun lorooro. Aga met pam, ketla na nga a ruuna ka lorooro kopmen taxavaxap teren. La a ruuna bok lololos mavana at lanmet kusu ana suang lumusaragu at lanmet, la a ruuna lololos mavana at lanmet la a lok tatao lumusaragu ro Edesa.

Lisilimet 1:20

Levelinga alipe at lavasuun at lavanuti larapenti nenu u ven i de at lakngak tino, di lok katling lavanuti nedi lubung angelo dik lok tatao mo lavanuti leventaugu lotu. La lavanuti levenbabao gol, di ru katling nom lavanuti leventaugu lotu.”

Lisilimet 11:7

Do duna lox axap mo lugugu ri vaase asu levelinga at ne Moroa, lara lavatpanga sio mi lavanuet kangkedek teren ba vasu ap mo lemeroon la ba esep mi mo luradi at ne Moroa la naba ranga alis du la na sev amet du.

Lisilimet 17:8

Mo lavatpanga sio ga rooro gano, kopmen na rooro lingina, ketla melemu naba vasu boro at lemeroon la ba seeve to at lemenemen songsongot. La nedi limixin at na lavatbung menemen, kopmen levenasen atnedi goxok lok keneng at lubuk at lorooro, ga ru ka i at lurutu kaxat at na lavatbung menemen, dinaba sangu aleng do dina ven na lavatpanga sio. Neni ga rooro be, ketla monga neni kopmen na rooro, ketla naba rupot melemu.

Lisilimet 20:1

La nia aga ven lara laangelo ga si boro vana at laxalibet, neni gam tebeng lengki at lemeroon la gam tebeng bok lavaroos sen silok.

Lisilimet 20:10

La mo laradi babala arup, ne Satan, Moroa naba lu arup min uto at lemet kao at lasalpa; mo lemet kao lavatpanga sio eburu mi laradi vapaase alii xaxarang dubak lox e, la go nedi lavantun dinaba ruuna ka losongsongot silok at levenaleng kangking la kanimin la kopmen taxavaxap teren.

Lisilimet 6:13

La laxampenti boro vana at laxalibet diga subu si ukopok ti lavatbung menemen kerekngan lempeven at luuna pik mo i mada vam, im subu si do lamanman silok it mas i.

Lisilimet 8:10

La laangelo sepsev avantun ga mas luru ren la langsangan lavatpenti ga subu si boro vana at laxalibet ga ngangao lolos ngan loxonaros kao silok, la ga subu at lenep sepsev avantun at laratadan.

Lisilimet 8:12

La laangelo sepsev avanuet ga mas luru ren la laxangking la lagaaling la larapenti, lara ga sep di la lenep sepsev avantun at laxangking ga buxumin, la lenep sepsev avantun bok at lagaaling ga buxumin, la lenep sepsev avantun at larapenti goxo soosoo. Lenep sepsev avantun at levenaleng kangking, laxangking kopmen goxo soosoo; la lenep sepsev avantun at levenaleng kanimin, lagaaling kopmen goxo soosoo bok.

Lisilimet 8:2

La aga ven lavanuti lubungangelo mo di tu amisik to melamgo at ne Moroa, la diga lok ka lavanuti leventu.

Lisilimet 9:2

La ni ga suang lumusaragu at lemeroon la lusuxa ga ravasu ngan lusuxa at langsangan laxao. La mo lusuxa ga vula pe laxangking eburu mi lamavangkap la laxangking goxo epovo ri soosoo.