Lisilimet 8:5 - Madak

⁵ La laangelo ga lok ka lavattingtigon la ga suxa i mi laxao boro at loxonin laplavang la ga lu asi min uto at laxangka, la leretepaavat ga repat aoon mi lavanga ga mam eburu mi langne silok.

Lisilimet 8:5 Iomraidhean Croise

Sam 18:13

To vana at lamavangkap, Leeme Silok gap kup butbutki ngan lerepaavat. La limixin axap diga ronga laxaka at Leeme Avolo.

Metiu 24:7

Limixin at levennep silok diba esep eburu mi limixin at levennep silok petpes; lavaorong silok at levennep diba esep mi lavaorong silok at levennep petpes. Lean kangking la levenangne naba vot at tengkot.

Lagale Lavavang At Ne Iesu Karisito Luk Ga Malagan i 12:49

Iesu ga lok bok, “Aga vot kusu ana lok li na lavatkangka at laxao; la nia a vara i do nom laxao na bao soso!

Leven Gugu 16:26

La soso mun langsangan langne silok ga vot la gak ma mo loogu xokoxo axap. Ap mo mene loxonaleng lumusaragu ga rem suang la lemparoos sen ga remus basinge nedi axap go xeneng at loogu xokoxo.

Leven Gugu 4:31

Melemu at lisingising atdi, mo loxot nedi diga vot eburu ren gang nengne. Diga umsu mi lolos at Loroonan Kaala la diga vaxaru ka i xusu dina paase asu levelinga at ne Moroa la kopmen bok ba teanmarat.

Lisilimet 11:13

La ap mo mun loxonaleng langsangan langne ba vot, la lenep i sepsev asangaun ap mo laraugu xeneng at lemenemen silok ba rem tereve axap; la lavanuti larabin sangsangaun kobot (7000) limixin diba met at nom langne, la nedi limixin diba roo suu ap mo langne diba marat aleng tinotno la diba emi asu mi ne Moroa no vana at laxalibet.

Lisilimet 11:19

Melemu at na, loogu laplavang at ne Moroa ga rem suang to vana at laxalibet, la limixin diga ven lobokis kaala, mo ga lok katling lekabus maxat at ne Moroa. La limixin diga ven lavanga ga mam etitit, la diga ronga leretepaavat gak lox epasum la diga suma lavarangne silok la lengkos uat gan bun aleng ga subu.

Lisilimet 4:5

Boro at nom loxonin orong, langangao at lavanga i mam ga ravasu; aga ronga leretepaavat ga on. La to melamgo at nom loxonin lavanuti levenbabao mo ga babao; nedi lavanuti leventoonan at ne Moroa.

Lisilimet 6:12

La aga ven Lanasip ga ba kaxat kepe manga levelumlut sepsev avanna. La langne silok ga vot, la laxangking gak maxat ngan lavanga singsiga limixin di lox i mi laxabinim bibi at lavatme; la lagaaling axap kopmen goxo soosoo axasep bok ba, ketla ga soosoo memeles ngan ta lada.

Lisilimet 8:3

La lara laangelo vetpes, mo gam tebeng logol tingtigon kusu ri xotos levempavaxan una mavak, neni ga vot la ga tu saparap loxonin laplavang to melamgo at ne Moroa. La ni ga lok ka laxampavaxan una kusu na xotos i ri ne Moroa la ga raba bok ne Moroa mi levesingising at limixin teren. Neni ga lox i na ap mo loxonin i gol aleng ga tu ro melamgo at loxonin orong at ne Moroa.