Lisilimet 7:9 - Madak

⁹ Melemu at nai aga ven buaang nedi limixin, ixo epovo do tara na us nedi. Nedi boro at lengkot axap at na lavatbung menemen, la at larabibinat axap la at levenasen bantuxu axap la boro at lempapaase axap, diga tu ro melamgo at loxonin orong la to melamgo bok at Lanasip. Diga sigaara mi levempanga singsiga bunbun. La digam tebeng lempavaxan bisi at levengkikngen di.

Lisilimet 7:9 Iomraidhean Croise

Sam 2:8

Una sing ia, la nia anaba raba u mi larabung mixin axap; unaba ruuna ka axap lavatbung menemen.

Sam 22:27

Limixin boro at larabung mixin axap dinabam domasu amisik at Leeme Silok. Boro at lengkot axap at lavatbung menemen, dinaba repukus taba i, la levenasen bantuxu axap dinaba lotu saparav i.

Sam 76:4

O Moroa, u sisixam aleng. Laasen silok, neni ataram kusuk mun, at loxonaleng ugamlong boro vana at levengkaana, ap mo loxot ua uga sev asi lavamunepen taram.

Sam 77:2

Angising ti Leeme Silok keneng at levenaleng at levenmumuat; la at levenaleng kanimin axap, angosong aurut mi lukngak keneng at levesingising tarak, ketla lodoxoma rak kopmen nat kis bus.

Sam 98:3

Neni ga lox epovo laxakaape ren ti limixin me Israel la i ruturun amisik tidi la ik lox asuusu labalamu lexen tidi. Limixin axap at lengkot axap digara ven pam ne Moroa atnedi ga sak tup mi lavamunepen teren.

Lagale Lavavang At Ne Iesu Karisito Luk Ga Malagan i 12:1

Ap mo laaleng buaang nedi limixin diga vot buru, la diga umsu aleng; kuren la diga epas gat; la ne Iesu ga vaase avot ti luvuttadi loklok ka anasa ren keretna, “Mina lok tatao avukat nimi basinge laiis at lubung Parisi. Di xarang nedi xa.

Lagale Lavavang At Ne Iesu Karisito Luk Ga Malagan i 21:36

Mina reven avukat ti na lempanga xapmek la mina ngising amisik kusu miba ruuna lololos la mi noxo subu ap mo levenmumuat naba vot, la kusu miba epovo do mina ru ro melamgo rak, Laradi Mevana.”

Lagale Lavavang At Ne Iesu Karisito Jon Ga Malagan I 12:13

Kuren la diga ra ka laxangkakan bisi la diga vas su xusu ri ekip tangarang min. La diga lok, “Ata emi asu mi ne Moroa. Luvukat ti mo laradi it pas mi laasen at Leeme Silok. Luvukat ti Loorong Silok boro Israel.” Sam 118:25-26

Lovoang At Ne Pol Ti Limixin Nunu to Rom 11:25

Luvutnetak mi luvurinuk. Levelinga ruturun mo ik lox alipe, la a vara i do minaklen i. La ni naba rupe levendoxoma atnemi la mina doma i do lakleklen atnimi i volo lentaba vetpes. Mo levelinga i lok keretna; loonon taba aralu at limixin me Israel basinge ne Moroa noxok lox abao, naba se mun do buaang timixin kopmen di me Judaia dina rem gili saparap ne Moroa.

Epesas 6:13

Kuren la mina siga axap levempanga singsiga at ne Moroa i raba i ri leesep kusu mina gagas avukat ti mo laaleng kapmek at leesep, la miba epovo na tu lolos. La do mi gagas avukat pam, minaba tu tuxuruxun at nom leesep.

Ibru 11:12

La ne Abaram, neni lasioxo nga, ketla ga buaang aleng livipisik li ren, ga umsu aleng ngan laxampenti mede vana la laxangkaneng to loxon, nedik taxo epovo ri exes di, na livipisik li ga ravasu at na legesa radi mun.

Ibru 12:22

Ketla nemi mi goxo ekip tangarang mi tevempanga xeretna at lovotpot atnimi saparap ne Moroa. I lok ngan ta do mira vot pam to saparap lakaana Saion la lemenemen Jerusalem, neni lemenemen at ne Moroa, mo i rooro. Mira vot pam ap mo lemenemen i umsu aleng mi lubung angelo, kopmen tara i epovo ri exes di, mo dik lok buru la dik pixan emi asu saparap ne Moroa.

Lisilimet 11:15

La laangelo sepsev avanuti ga mas luru ren, la aga ronga laxaka linga silok at lentaba to vana at laxalibet ga lok keretna, ‘Amo nga Leeme Silok atdik eburu mi Lanarong teren du ru ka loklok tatao at na lavatbung menemen. La nedu dunaba lok tatao amisik la kopmen taxavaxap teren.’ Sam 145:13

Lisilimet 22:3

La mo lasaxaek ik lok mavana at na lavatbung menemen noxok lox ap moi lemenemen silok. Loxonin orong at ne Moroa eburu mi Lanasip naba nemen go la lavasaxaruki ren diba lotu parav i.

Lisilimet 3:18

Kuren la a tong lolos i na rinimi do mina un ka logol nunuan mede rak, ni logol laxao in tin pes levenbiva basinge i la imgames aleng; la kerepmo mibap novos aleng. Mina un ka bok levesingsigaara bunbun kusu miba etara pe lengkot mamangan atnimi min, kusu mi noxok lok beleben. Mina un ka bok levendan momonok kusu miba saba li i dom at lengkatli atnimi, kusu miba reven.

Lisilimet 4:4

La legepu sangaun mi lavanuet bok lengkot kitkis orong gak lok kangkan mo loxonin orong la legepu sangaun mi lavanuet loxongkulao amgomgo digat kis teren. Diga sigaara mi levesingsiga bunbun la lempatbungorong i gol gak lok to at lempatlak atnedi.

Lisilimet 5:11

Melemu aga milik la aga ronga buaang nedi laxanangelo, diga umsu aleng la a goxo epovo xusu ana us di. Diga tu kangkan mo loxonin orong eburu mi lavanuet levempanga rooro la loxongkulao amgomgo.

Lisilimet 5:9

La nom lavanuet levempanga rooro eburu minedi loxongkulao amgomgo diga vixan lara loxompixan maxat, i lok keretna, ‘Nenu u epovo rinotno xusu una lok ka lugun linga la una ba kaxat kepe mo levelumlut teren mila limixin diga sev amer u; ketla uga roo xat amlong la at nom mun lada ram uga un ka amlong limixin ti ne Moroa. Nedi at levenabung mixin axap la boro bok at levempapaase vetpes, la boro bok at lenbantuxu vetpes, la boro bok at larabibinat petpes.

Lisilimet 6:11

La nedi getgesara diga lok kaka levesingsigaara bunbun la diga lok ka levelinga do dina ngangais be la dina lok mamas, se limixin dina sep bok tentaba at luvutneton di eburu mi lavasaxaruki xerekngan nedi diga uu. Do luutus at nom limixin na epovo, Moroa naba vorang laniu atnedi axap.

Lisilimet 7:8

Lasangaun mi legepura larabin sangsangaun kobot (12,000) at libibinat at ne Sebulon, lasangaun mi legepura larabin sangsangaun kobot (12,000) at libibinat at ne Josep, la lasangaun mi legepura larabin sangsangaun kobot (12,000) at libibinat at ne Beniamin.