Lisilimet 7:2 - Madak

² La nia aga ven manga lara laangelo ga vas su boro at loxot, laxangking it los su e. Neni gap kip lavanga loklok katling at ne Moroa i rooro amisik. La ni gap kup mi laxaka silok ti mo lavanuet lubungangelo diga lok ka lololos kusu ri lok kapmek lavatkangka eburu mi laras.

Lisilimet 7:2 Iomraidhean Croise

Metiu 16:16

Simon Pita ga vorang i xeretna, “Nenu Lanarong, Nitna ne Moroa, Loroo Avolo.”

Metiu 26:63

Ketla ne Iesu kopmen goxo tong toxolinga. La lamaasa gomgo ga lok tin, “At laasen at ne Moroa i rooro amisik, una tong i rinama. Kereva, nenu Lanarong, Nitna ne Moroa?”

Lagale Lavavang At Ne Iesu Karisito Jon Ga Malagan I 6:27

Nemen mita gugu ri leveluxa ua naba sonao soso; ketla mina gugu lolos ti leveluxa i nemen amisik ti lorooro avolo. Na leveluxa, nenia, Laradi Mevana, anaba raba nemi min, mila ne Moroa ne Temen dik ira soxolik ka vam ia.”

2 Korin 1:22

la neni ga lok katling dik do ateren akmokso la ga lok li Loroonan Kaala ren keneng atdik ngan lampinebeng.

Epesas 1:13

La nemi bok miga ravasu ngan limixin at ne Karisito at loxonaleng miga ronga xisip levelinga ruturun teren, ni Lagale Lavavang i vaase axasep loklox arooro ri limixin. Ap mo loxonaleng miga ru ka lunuunu saparap ne Karisito, Moroa ga lok li nimi ngan limixin teren la ga raba nimi mi loklok katling teren, ni Loroonan Kaala, mo ne Moroa ga paase alii min ti limixin teren.

Epesas 4:30

Nemen mita lox abulu Loroonan Kaala at ne Moroa. Loroonan Kaala neni loklok katling ne Moroa ga raba vam nimi min, i ngan lampinebeng ti loklox arooro atdik.

1 Tesalonia 1:9

Nedi xa di tong i rinama do miga siam abeles kaka nama mi lomomo, la miga lok kepe laxampoovo moroa la miga lok kaka lunuunu maxat saparap ne Moroa, mo i umsu mi lorooro la neni ne Moroa ruturun.

2 Timoti 2:19

Ketla levelinga at ne Moroa i tu lolos la kopmen tara i epovo na ba gili i. Diga lox amuat levelinga ren keretna, “Leeme Silok ikleklen nedi ateren axa,” Kex 16:5 la “Nedi di tong asu i do nedi limixin at Leeme Silok, dina lok kepe laxakapmek at lorooro atdi.” Ais 28:16

Ibru 12:22

Ketla nemi mi goxo ekip tangarang mi tevempanga xeretna at lovotpot atnimi saparap ne Moroa. I lok ngan ta do mira vot pam to saparap lakaana Saion la lemenemen Jerusalem, neni lemenemen at ne Moroa, mo i rooro. Mira vot pam ap mo lemenemen i umsu aleng mi lubung angelo, kopmen tara i epovo ri exes di, mo dik lok buru la dik pixan emi asu saparap ne Moroa.

Lisilimet 1:3

Luvukat ti mo laradi do na us na levempapaase alii, la luvukat bok tinedi di ronga na levelinga, la di mu asu levelinga ik lok keneng at na lovoang; mila levenaleng ira auret pam ti na lempanga naba vot.

Lisilimet 10:1

Melemu aga ven manga lara laangelo lolos ga si boro vana at laxalibet. La loxontakabu ga itis i ngan lavanga singsigaara, la laxaburi gak lok to mavana at lavatlak teren. La lemeren ga soosoo ngan laxangking la luxangkedek teren ga lok ngan legepu xus una, laxao gak lok teren.

Lisilimet 10:4

Aga gagas kusu ana malagan mo levelinga diga tong i, ketla aga ronga laxaka linga at lara ro vana at laxalibet ga lok tia, “Nemen uta malagan mo levelinga atdi, ni ba nemen alipe mun.”

Lisilimet 16:12

La laangelo sepsev avanna ga soli asu lebelemamao at ne Moroa to at ladan silok Iupretis. La mo ladan ga mes axap, kusu ri lox agagas li langas ti lavaorong silok boro at lenep laxangking i soosoo su e.

Lisilimet 5:2

La nia aga ven laangelo lolos gap kup lolos mi lususue xeretna, ‘Nege i epovo do na ba kaxat na levelumlut la na obes na lugun linga?’

Lisilimet 8:3

La lara laangelo vetpes, mo gam tebeng logol tingtigon kusu ri xotos levempavaxan una mavak, neni ga vot la ga tu saparap loxonin laplavang to melamgo at ne Moroa. La ni ga lok ka laxampavaxan una kusu na xotos i ri ne Moroa la ga raba bok ne Moroa mi levesingising at limixin teren. Neni ga lox i na ap mo loxonin i gol aleng ga tu ro melamgo at loxonin orong at ne Moroa.

Lisilimet 9:14

la ni ga lok ti mo laangelo sepsev avanna xeretna, “Una soxomus asu lavanuet lubungangelo mo dik lok at loxokoxo to at ladan silok Iupretis.”

Lisilimet 9:4

La diga lok ka levelinga do nemen gat di guta lok kapmek lempivilis at na lavatkangka kopla levenasen ang bok, kopla levenuna; ketla dina lox asongot mene limixin, kopmen di goxo ruuna loklok katling at ne Moroa ro at levenmang atdi.