Lisilimet 5:9 - Madak

⁹ La nom lavanuet levempanga rooro eburu minedi loxongkulao amgomgo diga vixan lara loxompixan maxat, i lok keretna, ‘Nenu u epovo rinotno xusu una lok ka lugun linga la una ba kaxat kepe mo levelumlut teren mila limixin diga sev amer u; ketla uga roo xat amlong la at nom mun lada ram uga un ka amlong limixin ti ne Moroa. Nedi at levenabung mixin axap la boro bok at levempapaase vetpes, la boro bok at lenbantuxu vetpes, la boro bok at larabibinat petpes.

Lisilimet 5:9 Iomraidhean Croise

Sam 144:9

O Moroa, anaba vixan loxompixan maxat tu. Anabak sak ligita rak la anak pixan tu.

Sam 149:1

Leemi asu ri Leeme Silok! Mina vixan loxom pixan maxat ti emi asu mi Leeme Silok; mina emi asu min to at lovotpot buru atnedi limixin ua di ruturun tin!

Sam 33:3

Mina vixan loxompixan maxat saparav i; mina sep maraanu lerengteng at li gita, kusu naba reng nunuan, la minap kup mi lomomo!

Sam 40:3

Ga lox ase ia rik pixan loxompixan maxat, loxompixan emi asu ri ne Moroa atnedik. Buaang nedi limixin dinaba ven kibis lolos teren, dina sangu aleng la dina ii doxoma la dinaba nuunu saga at Leeme Silok.

Sam 96:1

Mina vixan toxompixan maxat ti Leeme Silok! Lavatbung menemen axap, minak pixan ti Leeme Silok!

Sam 98:1

Mina vixan toxompixan maxat ti Leeme Silok; neni gara lok pam lempanga maraanu! Neni gara sak tup mi lavamunepen teren mi lolos kaala axa ren.

Metiu 20:28

Nenia Laradi Mevana la loklok tarak ik lok bok kuren. Nia xopmen a goxo vot kusu limixin dina ba lok ngan lavasaxaruki rak. Ketla nia aga vot kusu ana lok ngan lasaxaruki ridi, la kusu ana raba lorooro rak ngan laxaavuk tidi buaang limixin.”

Metiu 26:28

Lada rak na la i lok katling lekabus maxat. Lada rak ba sen su xusu ri limixin buaang, ne Moroa naba doxoma xepe leveloklok kakapmek atdi.

Leven Gugu 20:28

Mina lok tatao avukat nemi la mina lok tatao nedi bok limixin, Loroonan Kaala gara lok li vam nedi maxopok at loklok tatao atnimi. Mina lok ngan luvuttadi loklok tatao sipsip kantubu at limixin at ne Moroa, no ni ga lok li di do ateren axa mumu lanmet at ne nitna.

1 Korin 6:20

Neni ga xuruse ka vam nemi mi luunun. Kuren la mina ke xepe loklok kakapmek keneng at labantuxu atnimi la kerepmo miba lox asuusu loklok ngangao ri ne Moroa.

1 Korin 7:23

Moroa gara xuruse ka vam nimi mi luunun; kuren la nemen mita mumu asu levelinga at tara vetpes.

Epesas 1:7

Ni ga met la lada ren ga sen su kusu ri un ka amlong dik, la kusu ne Moroa naba doxoma xepe leveloklok kakapmek atdik. Kerepmo ne Moroa ga lox asuusu letaba nabalamu ren i silok aleng,

Epesas 5:19

la mina paase kantubu atnimi mi levengkompixan at ne Devit la lengkompixan at lotu la lengkompixan emi asu. Minak pixan la mina lok levempanga kerepmo mi lorooro axap atnimi saparap Leeme Silok.

Kolosi 1:14

Keneng at ne Iesu, Moroa ga un ka amlong dik, la ni ga doxoma xape bok leveloklok kakapmek atdik.

Kolosi 1:23

Naba lok kuren mo do mina tu tuxuruxun at lunuunu atnimi la kopmen tara na sat kaka nimi basinge lunuunu atnimi saparap Lagale Lavavang. At nom mun Lagale Lavavang la nia ne Pol a tong asu i ngan lasaxaruki at ne Moroa, la na Lagale Lavavang mo di vavang min ti limixin axap at na lavatbung menemen, ni levelinga nemi miga ronga i.

Taitas 2:14

Neni ga raba i xusu neni na un kaka amlong nedik basinge laxakapmek atdik ngan limixin dadat la kusu tana nemen ngan limixin teren kusuk mun la tana lolos ti lok leven gugu nunuan.

Ibru 11:14

Limixin di paase xerepmo, i lox asuusu i do temenemen aulis gove di puse rin.

2 Pita 2:1

Luvuttadi vapaase alii xaxarang diga ravasu gano xeneng at limixin me Israel, la lavaeme loklox ase xaxarang bok, dinaba ravasu xa maxeneng atnemi. La dinaba lox abeles nemnem levenanasa xaxarang kusu ri lox asubu lunuunu atnimi. Dinaba sok tixirixes Leeme Silok mo ga un kaka amlong nedi, kuren la nedi xa dinaba ekip tangarang soso mi labaava.

1 Jon 1:7

Ketla mo do nedik ta nemen at laxasep, kerekngan ne Moroa i nemen at laxasep, nedik atat kis esogo eburu; la lada at ne Iesu, nitna ne Moroa i lox adadat nedik basinge levengkakapmek axap.

1 Jon 2:2

Iesu neni laxaavuk tidik la ni ga lok langas kusu ne Moroa na doxoma xepe laxakapmek atdik. La ni noxo domampe laxakapmek atnedik kusuk mun, ketla neni ba doxoma xepe bok laxakapmek at limixin axap at na lavatbung menemen.

Lisilimet 10:11

La laangelo ga lok tia, “Mo manga una tong asu levelinga at ne Moroa mumu laxanabung mixin solo, levennep silok i buaang, la larapapaase la lavaorong silok.”

Lisilimet 11:9

La limixin boro at levengkot axap, la larabibinat, la levempapaase, la levenbantuxu diba reven lubantuxu atdu at lavantun mi loxon atat aleng la di noxo mulus kusu dina lok li lubantuxu atdu at lamaaut.

Lisilimet 13:7

La ni ga lok ka lololos kusu na esep mi limixin at ne Moroa la na sak tup midi. La ni ga lok ka bok lololos mavana at limixin boro at larabung mixin axap la boro bok at levenasen bantuxu la boro bok at lempapaase axap la boro bok at levennep silok axap.

Lisilimet 13:8

La limixin axap at na lavatbung menemen diba lotu parav i; nedi limixin kopmen levenasen atdi ik lok at lubuk at lorooro, mo lubuk ga nemen avot ti luruntudum li at na lavatbung menemen, la ni lubuk at Lanasip, mo ga uu at laxaba.

Lisilimet 14:6

La nia aga ven manga lara laangelo gap tava to vana at lamavangkap, la ni gap kip Lagale Lavavang i nemen amisik kusu na tong asu i ri limixin axap at na lavatbung menemen, nedi boro at levennep silok axap, la boro bok at larabung mixin axap, la boro bok at levempapaase axap, la boro bok at levenasen bantuxu axap.

Lisilimet 15:3

la digak pixan mi loxompixan at ne Moses, lasaxaruki at ne Moroa la digak pixan bok mi loxompixan at Lanasip; diga lok keretna, “Moroa Leeme Silok, u lolos aleng. Lempanga axap nenu uk lox i, i silok la i lox avukat aleng. Leventaangas taram la leveloklok taram ik mokso la i ruturun aleng. Nenu Loorong Silok mavana at limixin axap at na lavatbung menemen.

Lisilimet 17:15

La nom laangelo ga lok bok tia, “Mo laxantaadan nenu ura ven pam i, la latkin ngarangat it kis saparav i, ni i ru katling limixin boro at levenasen bantuxu, la boro at larabung mixin axap, la boro at levennep silok axap, la boro at levempapaase axap.

Lisilimet 4:11

‘Moroa Leeme Silok atnama, nenu xusuk mun u epovo na lok kaka leemi asu, loklok ngangao mi lololos, mila nenu uga rudum li lempanga axap; la at lavavara mun taram uga rudum li di la uga lok li di xusu dina rooro.’

Lisilimet 5:12

La diga vaase silok keretna, ‘Lanasip, no limixin diga sev amer i; neni i epovo rinotno xusu na ruuna ka lololos, lapnovos, lakleklen, loklok ngangao, leemi asu la leveloklox anarong.’ 1 Let 29:11

Lisilimet 5:6

La aga ven lara Lanasip ga tu kantubu rinotno at nom loxonin orong, la mo lavanuet levempanga rooro eburu mi loxongkulao amgomgo diga tu kangkan i; Lanasip ga tu, ga ven ngan ta do limixin diga sev amet pam i. Neni ga ruuna lavanuti levengkom la lavanuti levengkatli, nedi leventoonan at ne Moroa, mo ga riki asi di ri lengkot axap at na lavatbung menemen.