Lisilimet 4:2 - Madak

² La soso mun Loroonan at ne Moroa ga suxuna ia, la to at laxalibet loxonin orong mo gak lok mi lara gat kis teren.

Lisilimet 4:2 Iomraidhean Croise

Sam 11:4

Leeme Silok, mo it kis at loogu laplavang kaala ren; lixitkis orong teren ik lok toxun pana at lebelen laxalibet. I reven tatao limixin axap at lavatbung menemen la ikleklen axap levempanga dik lox i.

Metiu 22:43

La ni ga lok tidi, “Do kuren, tila ba ne Devit mi lodoxoma at Loroonan Kaala ga soxor i do Leeme Silok teren? Mila levelinga ren at Lovoang Kaala i lok keretna,

Ibru 8:1

Lavasuun at na levelinga atnama i lok keretna. Nedik ta ruuna lamaasa gomgo xerepmo, mo it kis at lekngen tino at loxonin orong at ne Moroa i silok aleng, to vana at laxalibet.

Lisilimet 1:10

At lara laaleng, ni laaleng at Leeme Silok, Loroonan at ne Moroa ga suxuna ia, la aga silimet tang ka ne Iesu. La keneng at na lisilimet, aga ronga laxaka linga silok to melemu rak, gang teng ngan luru.

Lisilimet 12:5

La neni ga visik lamdak temes, mo naba lok tatao limixin axap at na lavatbung menemen la loklok tatao ren naba lolos aleng. Ketla ne Moroa ga lok ka mo lamdak uto vana at loxonin orong teren.

Lisilimet 17:3

La Loroonan Kaala ga vubeles tarak la nom laangelo ga xip kaka ia uto at lamatbin. La nia aga ven lara latkin gat kis to vana at lara lavatpanga sio ga memele aleng la ga ruuna lavanuti lempatlak la lasangaun lempatkom; la laxanasen kapmek, ni levelinga vupu ri ne Moroa ga umsu at labantuxu ren.

Lisilimet 19:4

La mo legepu sangaun mi lavanuet loxongkulao amgomgo la lavanuet levempanga rooro diga xis tiktikbu mi lempatgulom atdi la diga lotu parap ne Moroa. La diga lok, “I ruturun, ata emi asu mi ne Moroa.”

Lisilimet 20:11

La nia aga ven langsangan loxonin orong bunbun la mo Laradi gat kis teren; la lavatkangka eburu mi laxalibet duga sixiro basinge i la duga sonao nga.

Lisilimet 21:10

La Loroonan Kaala ga vubeles tarak, la nom laangelo ga xip kaka ia uto at lakaana silok la ga lox ase ia mi lemenemen melemelengan Jerusalem, mo ga si boro vana at laxalibet la boro at ne Moroa.

Lisilimet 21:5

La mo Laradi gat kis at loxot kitkis teren ga lok, “Monga ana lox amaxat lempanga axap.” La ni ga lok bok tia xeretna, “Una malagan i na mila na levelinga i ruturun la i epovo do limixin dina nuunu ren.”

Lisilimet 3:21

Do tara na tu lolos at lunuunu ren la it pas asi lololos laxapmek, aba mulus ka i xusu ni nabat kis eburu minia ro at lixitkis orong tarak, kerekngan ia aga sak tup mi lavamunepen tarak la na nga nia at kis eburu mi ne Tamak to at loxonin orong teren.

Lisilimet 4:10

mo legepu sangaun mi lavanuet loxongkulao amgomgo dit kis tiktikbu mi lempatgulom atdi to melamgo at ne Moroa mo it kis at loxonin orong teren la di lotu parap ne Moroa naba rooro amisik la kopmen taxavaxap teren. La di lok li lempatbungorong atdi ro melamgo at loxonin la di lok keretna,

Lisilimet 4:5

Boro at nom loxonin orong, langangao at lavanga i mam ga ravasu; aga ronga leretepaavat ga on. La to melamgo at nom loxonin lavanuti levenbabao mo ga babao; nedi lavanuti leventoonan at ne Moroa.

Lisilimet 4:9

La mo lavanuet levempanga rooro di tong asu amisik leemi asu la loklok ngangao la levelinga rotong avukat ti mo lara it kis amisik to at loxonin orong teren. La ni naba rooro amisik. Do dina tong i nom,

Lisilimet 5:1

Melemu nia aga ven lugun linga ro at lekngen tino ap mo lara gat kis to at loxonin orong. Mo lugun linga ga umsu mi levenmamalagan to melamgo la to bok melemu ren, digam lut avarang i mi lavanuti levelumlut.

Lisilimet 5:13

Melemu aga ronga leemi asu boro at lempanga axap ne Moroa ga rudum li di, nedi limixin eburu mi levempanga mi lavanuet kangkedek atdi, la nedi bok pana at laxalibet la nade xopok at lavatbung menemen la lempanga bok dik lok keneng at lebelen laxangka la lempanga dik lok at lebelen laras; diga lok, ‘Ti mo lara it kis at loxonin orong la ti Lanasip bok, ma raba numu mi leveloklox anarong, loklok ngangao, leemi asu la lololos ba nemen amisik la kopmen taxavaxap teren.’ 1 Let 29:11

Lisilimet 6:16

digap kup ti lempatkaana mi lemparuat keretna, “Mina subu pavaa nama la mina lox alipe nama basinge mo laradi it kis to at loxonin orong la basinge bok lebelemamao, Lanasip ba lox asu i rinama,