Lisilimet 4:11 - Madak

¹¹ ‘Moroa Leeme Silok atnama, nenu xusuk mun u epovo na lok kaka leemi asu, loklok ngangao mi lololos, mila nenu uga rudum li lempanga axap; la at lavavara mun taram uga rudum li di la uga lok li di xusu dina rooro.’

Lisilimet 4:11 Iomraidhean Croise

Sam 18:3

A toro ri Leeme Silok, la i lox aroo ia basinge limixin munepen minia. Leemi asu ri Leeme Silok!

Sam 68:34

Tong asu lolos at ne Moroa i silok aleng, la im gomgonga mavana leme Israel. I lox asuusu lolos teren tovana at lamavangkap.

Leven Gugu 14:15

“Nemi limixin, tila mi lox i na? Nema mun luradi, luradi xerekngan nimi! Nema na ma nemen de xusu mana tong asu Lagale Lavavang la mina ba gili lorooro atnimi basinge lempanga gamasa xerepmo. La mina mumu asu ne Moroa mo i rooro, ga rudum li laxalibet, laxangka, laras la lempanga axap mo di nemen maxeneng atdi.

Leven Gugu 17:24

Moroa ga rudum li lavatbung menemen axap la lempanga axap maxeneng teren; ni Lamgomgo at laxalibet la laxangka, la ni xopmen na nemen at laraugu lotu limixin di lox i.

Lovoang At Ne Pol Ti Limixin Nunu to Rom 11:36

Levempanga axap neni xa ga rudum li di, la levempanga axap ga ravasu mumu xa i la ateren axa, la ata emi asu mi laasen teren amisik la kopmen taxavaxap teren. Tuturun.” Ais 40:13, Jop 41:11

Epesas 3:9

kusu nedi eburu mi limixin axap diba xasep ap mo levelinga lipe, ni mo levelinga ne Moroa ga raba ia min kusu ana tong asu i. Nom levelinga Moroa ga lipe i gano la ga nemen kuren at laxanmaares buaang, ga ru ka i at levenaleng ne Moroa ga rudum li lempanga axap.

Ibru 1:10

Neni ga lok bok ti ne Nitna xeretna, “Nenu Leeme Silok, ganoxa at lereot uga rudum li lavatbung menemen mi laxalibet mi lukngam.

Ibru 1:2

Ketla at na levenaleng melemu at lovotpot at ne Iesu, Moroa ira paase nga ridik limixin nuunu at lungusno ne Nitna. Neni ga soxolik ka i xusu naba ruuna ka levempanga axap, la keneng at ne Iesu, ne Moroa ga rudum li levempanga axap.

Lisilimet 1:6

La ga lok li nedik ngan lavamaasa at Linintoo ren, kusu dik tana lok lugugu at ne Moroa, ne Temen. Ata emi asu mi ne Iesu, lisisixam mi lololos axap teren; neni naba nemen amisik. I ruturun.

Lisilimet 10:6

la ga vangpe mi laasen at ne Moroa mo i rooro amisik la kopmen taxavaxap teren, la ga rudum li laxalibet la lempanga dik lok teren, la lavatkangka la lempanga dik lok teren, la laras la lempanga dik lok keneng teren, la ni ga lok keretna, “Moroa kopmen noxo ngais abao.”

Lisilimet 14:7

Ni ga vaase silok keretna, “Mina lok ngangao aleng at ne Moroa la mina emi asu min, mila loxonaleng i auret kusu neni na ronga linga at limixin axap. Mina lotu parap ne Moroa, mo ga rudum li laxalibet, lavatkangka, laras, la laradan axap.”

Lisilimet 19:1

Melemu at nai, aga ronga laxaka linga atnedi buaang limixin to vana at laxalibet, digap kup lolos keretna, “Ata emi asu mi ne Moroa, neni Leeme Loklox Arooro atdik, la i ruuna lisisixam la lololos teren i silok aleng,

Lisilimet 5:12

La diga vaase silok keretna, ‘Lanasip, no limixin diga sev amer i; neni i epovo rinotno xusu na ruuna ka lololos, lapnovos, lakleklen, loklok ngangao, leemi asu la leveloklox anarong.’ 1 Let 29:11

Lisilimet 5:2

La nia aga ven laangelo lolos gap kup lolos mi lususue xeretna, ‘Nege i epovo do na ba kaxat na levelumlut la na obes na lugun linga?’

Lisilimet 5:9

La nom lavanuet levempanga rooro eburu minedi loxongkulao amgomgo diga vixan lara loxompixan maxat, i lok keretna, ‘Nenu u epovo rinotno xusu una lok ka lugun linga la una ba kaxat kepe mo levelumlut teren mila limixin diga sev amer u; ketla uga roo xat amlong la at nom mun lada ram uga un ka amlong limixin ti ne Moroa. Nedi at levenabung mixin axap la boro bok at levempapaase vetpes, la boro bok at lenbantuxu vetpes, la boro bok at larabibinat petpes.