Lisilimet 3:18 - Madak

¹⁸ Kuren la a tong lolos i na rinimi do mina un ka logol nunuan mede rak, ni logol laxao in tin pes levenbiva basinge i la imgames aleng; la kerepmo mibap novos aleng. Mina un ka bok levesingsigaara bunbun kusu miba etara pe lengkot mamangan atnimi min, kusu mi noxok lok beleben. Mina un ka bok levendan momonok kusu miba saba li i dom at lengkatli atnimi, kusu miba reven.

Lisilimet 3:18 Iomraidhean Croise

Sam 107:11

Digak lok go mila diga ronga viribang at levelinga ren, ne Moroa, ni Lanaraavuk. La diga sok tixirixes xepe levenanasa ren.

Sam 16:7

A emi asu mi Leeme Silok, atla neni im lam lorooro rak, la at leveng kanimin lodoxoma rak i anasa ia mi loklok avukat.

Sam 32:8

Leeme Silok i lok keretna, “Nia anaba lox ase u mi langas unabat pas teren; nia anaba anasa u, la anaba vaase aronga box u.

Sam 73:24

Um lam ase ia mi levenanasa ram la at laxavaxap teren, unaba siam ka ia mi leemi asu ram tia.

Metiu 13:44

La ne Iesu ga lok bok tidi, “Linintoo no vana at laxalibet i lok ngan lapnovos di lipe i ro at laxangka. La lara laradi i ven terek ka i la ni ia lipe manga i, la ni i lok momo aleng la ni ia sesep mi lempanga axap teren la neni imlong la ia un kaka mo lenep kangka axap la ia ruuna ka mo lapnovos.”

Metiu 25:9

Ketla lavalimo lovosono leklen diga vorang i ridi xeretna, ‘Kopmen. Agut lengkondan soksok antos babao xopmen na epovo do ridik axap. Minat pas uto at luvuttadi sesep la mina un kaka tengkot tinimi.’

Lagale Lavavang At Ne Iesu Karisito Luk Ga Malagan i 12:21

La ne Iesu ga lok bok, “Anai i lok ngan nedi di lili laxampanga solo kusu ridi, ketla to at lemeren ne Moroa kopmen di, dinap novos.”

2 Korin 5:3

Do nedik ata siga i, ne Moroa noxo long lenget ka dik atak lok beleben.

2 Korin 8:9

Nemi mikleklen letaba nabalamu at Leeme Silok atdik ne Iesu Karisito, neni gap novos aleng, ketla ti luvukat tinedik neni ga ravasu ngan laradi banbalo, kusu mibap novos.

1 Timoti 6:18

Una tong i ridi xusu dina lok mun luvukat, la dinap novos mi leven gugu nunuan, kusu dina episa levempanga atdi mi limixin petpes.

Jems 2:5

Luvutnetak mi luvurinuk orong. Nemi axap mina ronga ia. Luvuttadi mo di lok ngan lavanga gamasa at lemeren limixin at na lavatkangka, Moroa ga soxolik ka vam di kusu diba umsu mi lunuunu la dina nemen ngan lavaanat too at Linintoo ren. Neni ga paase alii i do nedi limixin di balamu i, diba lok ka loxot at Linintoo ren.

1 Pita 1:7

Ketla ana levempanga it pot ti lox asuusu mun i do lunuunu atnemi i lolos. I ngan bok leven gol ni i epovo xusu dina lok kapmex i, din tin tong pen box i ro at laxao; la lunuunu atnemi, neni lavanga i silok aleng ti logol, neni dinaba lok tong pen i xusu ri long lenget ka i do i lolos kopla kopmen. Melemu minaba ruuna ka leemi asu, la lisisixam eburu mi loklok ngangao at laaleng ne Iesu Karisito naba ru asuvos.

Lisilimet 16:15

La ne Iesu ga lok keretna, “Nia aba vot ngan laradi xipkip pilo. Luvukat ti mo lara i gagas amisik la ik lok gagas nunuan lisingsigaara ren kusu neni noxo lok beleben la noxo lok mamangan.”

Lisilimet 19:8

La ni ira lok ka vam labantamon avukat in bun aleng, in tanan la im games aleng.” Na labantamon bunbun i ru katling leveloklok nunuan at limixin at ne Moroa.

Lisilimet 2:9

Aklen levesongsongot nemi mip kiv i, la aklen i do mit kis pakpakes, ketla nemi mip novos aleng mi lempanga boro vana at laxalibet. Aklen levelinga xaxarang atnedi limixin di tong i rinimi do nedi me Judaia, ketla kopmen, nedi mun limixin lotu at ne Satan.

Lisilimet 3:17

Nemi mi tong i do, ‘Nema mo map novos aleng la ma ruuna lempanga axap la maxok pakes bok ti tempanga.’ Ketla mixoklen i do nemi limixin etaba la mi baava. Nemi mi lok ngan limixin pakpakes, lengkatli atdi i main, la dik lok beleben.

Lisilimet 4:4

La legepu sangaun mi lavanuet bok lengkot kitkis orong gak lok kangkan mo loxonin orong la legepu sangaun mi lavanuet loxongkulao amgomgo digat kis teren. Diga sigaara mi levesingsiga bunbun la lempatbungorong i gol gak lok to at lempatlak atnedi.

Lisilimet 7:13

La lara atnedi loxongkulao amgomgo ga sue ia, “Nege di na limixin di sigaara mi levesingsiga bunbun, la di laa rinotno meva?”