Lisilimet 21:4 - Madak

⁴ Neni naba ves kepe lengkabili dan basinge lengkatli atnedi. La limixin kopmen di noxo met bok ba, la di noxo saxaanu bok ba kopla dinang teng la di noxo songot bok ba; mila lavatkangka avot ga sonao vam eburu mi lempanga axap gak lok keneng teren.”

Lisilimet 21:4 Iomraidhean Croise

Sam 144:4

Nedi di lok ngan mun lamanman i rava polo; la levenaleng atdi i lok ngan mun lamamau i sonao.

Metiu 24:35

Laxalibet mi lavatbung menemen naba sonao, ketla levelinga rak noxo xap.”

1 Korin 15:26

Moroa naba lok kepe be nedi axap la melemu ni na lok kepe axap ba lanmet.

1 Korin 7:31

La nedi dik lox arangtang mi lempanga at na lorooro, dina xasep do nom loklok kopmen lavanga i silok aleng. Lavasuun at na levelinga rak keretna; leveloklok at na lavatbung menemen ik lok ningina naba xap asonao.

2 Korin 5:17

Do tara i nuunu at ne Karisito, neni i ngan laradi maxat at loroonan teren; levempanga xapmek at lorooro maut ira xap pam, la lorooro maxat mo ira vot ta.

2 Korin 6:17

Kuren la mina vas su basinge limixin kapmek la mina nemen petpes basinge di. Nenia Leeme Silok ne Moroa a tong i na.” Moroa ga tong box i xeretna, “La nemen mita vubeles at laxapmek, kusu nia aba siam ka nimi.

Ibru 12:27

Na levelinga do “gesara bok,” i lox asuusu i do ne Moroa naba sele utut kepe axap levempanga neni ga rudum li di at na lavatbung menemen la laxalibet bok, kusu mo levempanga neni i vara i do nak lok, naba nemen amisik.

2 Pita 3:10

Ketla laaleng at Leeme Silok naba vot ngan laradi xipkip pilo. Ap mo laaleng, laxalibet naba sonao eburu mi leretepaavat lolos, la levempanga axap to vana at lamavangkap naba an la na lok kapmek axap; la lavatkangka eburu mi levempanga dik lok keneng teren naba sonao axap at laxao.

1 Jon 2:17

La na lavatkangka eburu mi leveloklok kakapmek teren, naba xap. Ketla laradi do i mumu asu lavavara at ne Moroa, neni naba rooro avolo.

Lisilimet 20:13

La nedi limixin diga met to at laras la nedi bok limixin diga met la diga nemen to Edesa, la limixin axap diga met, diga tu ro melamgo at ne Moroa la neni ga ila mumu loklok atdi la diga lok ka luunun ga epovo mi leveloklok digara lok pam i.

Lisilimet 20:14

La ne Moroa ga lu arup axap tino nga mi lanmet eburu mi lenep Edesa uto at lemet kao. Mo lemet kao, ni lanmet sepsev agepura.

Lisilimet 21:1

La nia aga ven laxalibet maxat la lavatkangka maxat, mila laxalibet avot mi lavatkangka avot ga xap la laras ga sonao.

Lisilimet 22:3

La mo lasaxaek ik lok mavana at na lavatbung menemen noxok lox ap moi lemenemen silok. Loxonin orong at ne Moroa eburu mi Lanasip naba nemen go la lavasaxaruki ren diba lotu parav i.

Lisilimet 7:17

mila Lanasip mo ik lok kantubu at loxonin orong, neni naba lok tatao di kerekngan laradi ik lok tatao levesipsip teren, la neni ba sat kaka nedi uto at levendan tooro i puvut su la ne Moroa naba lok kepe axap levengkamkabili dan basinge lengkatli atnedi.”