Lisilimet 21:3 - Madak

³ La aga ronga luxupkup silok boro at loxonin orong at ne Moroa ga lok, “Mina ven ba i, lemenemen aulis at ne Moroa monga ira si vam la neni nak lok eburu mi limixin. La ne Moroa naba nemen eburu minedi, la nedi diba lok ngan limixin teren, la ni naba nemen ngan ne Moroa atdi.

Lisilimet 21:3 Iomraidhean Croise

Lagale Lavavang At Ne Iesu Karisito Jon Ga Malagan I 1:14

Lavapaase ga vee radi la ga nemen kantubu atnama. Maga ven lisisixam teren, la ni ga umsu mi letaba nabalamu la levelinga ruturun at ne Moroa. La mo lisisixam neni ga lok ka i ngan legesamdak at ne Temen.

Lagale Lavavang At Ne Iesu Karisito Jon Ga Malagan I 14:23

Iesu ga vorang i rin keretna, “Do nege i balamu ia, neni naba ronga res at levenanasa rak. Ne Tamak naba balamu i, la nema’ mi ne Tamak, maba esuxun min la mana nemen eburu min.

2 Korin 6:16

Lumukmulus naba vot kereva at loogu laplavang at ne Moroa eburu mi laxampoovo vanga? Mila nedik axa laraugu laplavang at ne Moroa, neni i rooro; la ne Moroa xa ga tong i xeretna, “Abak lox eburu midi la anat pas kantubu atdi, la nenia ba ngan ne Moroa atdi la diba lok ngan limixin tarak.

2 Korin 6:18

La nia aba ngan ne Temen nimi, la nemi miba lok ngan luvutnuruk; nenia Leeme Silok ne Moroa a lolos aleng la a tong na levelinga.”

1 Tesalonia 3:11

Lisingising atnama keretna; Moroa Temen dik eburu mi ne Iesu, Leeme Silok atdik duna lok tangas tinama xusu manaba vot pasa nimi.

Ibru 11:16

Ketla lodoxoma atdi move ga vara ri temenemen avukat tinotno, mo lemenemen ik lok to vana at laxalibet. Kuren la ne Moroa i lok momo xusu dina soxor i do ne Moroa atdi mila neni ga lox agagas lemenemen tidi.

Ibru 8:10

Nenia ne Moroa, mina ronga na levelinga. Melemu nia anaba lok lekabus maxat mi limixin me Israel. Mo lekabus naba lok keretna; nia anaba lox adoxoma di mi levelinga rak, la anaba buradong levelinga rak keneng at lebelen di. Nia anabat kis esogo midi la anabak lok tatao di ngan limixin tarak.

Ibru 8:2

Neni ik lok lugugu at ne Moroa ro xeneng at loxot i xaala aleng mo ik lok at loogu ruturun, kopmen limixin di goxo lox i, ketla ne Moroa xa ga lox i.

Lisilimet 10:4

Aga gagas kusu ana malagan mo levelinga diga tong i, ketla aga ronga laxaka linga at lara ro vana at laxalibet ga lok tia, “Nemen uta malagan mo levelinga atdi, ni ba nemen alipe mun.”

Lisilimet 10:8

La mo laxaka linga nia aga ronga avor i, ga paase ria boro vana at laxalibet, ga lok manga ria, “Unat pas la una lok ka lugun linga mo i repalas pam la mo ik lok at lekngen laangelo mo i tu ro at laras la laxangka.”

Lisilimet 12:10

La aga ronga laxaka linga silok to vana at laxalibet ga lok keretna, “Mo nga loklox arooro at ne Moroa la lololos teren eburu mi Linintoo ren naba ru asaxaven. La na nga Lanarong teren naba lox asuusu lololos teren to xopok at lavatbung menemen; mila ne Satan mo ga tu ro melamgo at ne Moroa xusu neni na babala raba luvutneton dik at levenaleng kangking la kanimin. La lubungangelo at ne Moroa digara lu asi vam min uto xopok.

Lisilimet 21:7

Dola nege na vas asi lololos at laxakapmek, neni naba ruuna na leveloklox anarong keretna; nenia aba nemen ngan ne Moroa ren la neni naba nemen ngan ne nuruk.

Lisilimet 22:3

La mo lasaxaek ik lok mavana at na lavatbung menemen noxok lox ap moi lemenemen silok. Loxonin orong at ne Moroa eburu mi Lanasip naba nemen go la lavasaxaruki ren diba lotu parav i.

Lisilimet 7:15

Kuren la di tu amisik to melamgo at loxonin orong at ne Moroa la di gugu amisik tin at lengkangking mi lengkanimin keneng ap mo loogu laplavang teren; la ne Moroa, mo it kis at nom loxonin orong, neni naba lok tatao avukat di ro xeneng at loogu ren.