Lisilimet 20:5 - Madak

⁵ La nedi limixin petpes diga met pam, kopmen di goxo roo xat amlong se at laxavaxap ap mo legesa abin sangsangaun kobot (1000) levenmaares. Anai, ni laxakatu kaxat amlong avot at labarongan.

Lisilimet 20:5 Iomraidhean Croise

Lagale Lavavang At Ne Iesu Karisito Luk Ga Malagan i 14:14

la ne Moroa naba lox anarong u, mila kopmen dina epovo xusu dina vorang lempanga ram. Ketla ne Moroa axa naba raba u mi luunun at laaleng limixin mokmokso diba xatu kaxat basinge lanmet.”

Lovoang At Ne Pol Ti Limixin Nunu to Rom 11:15

At levenaleng ne Moroa ga lok kepe nedi, neni ga vaxat ka limixin at na lavatbung menemen saparav i. Naba lok avukat tinotno do ne Moroa na lox amlong ka leme Judaia. Naba lok ngan ta do luvuttadi met di roo xat amlong ti lorooro.

Pilipai 3:11

La nia am doma voovo do anaba roo xat bok basinge lanmet la ana rooro.

1 Tesalonia 4:16

Ap mo laaleng limixin dinaba ronga luxupkup lolos la laangelo gomgo naba toro, la luru at ne Moroa nabang teng, la Leeme Silok naba si ukopok boro vana at laxalibet. La nedi limixin nuunu diga met pam, dinaba roo xat amlong la dinaba urut avot.

Lisilimet 11:11

Ketla melemu at lavantun mi loxon atat levenaleng, Moroa ba raba mamas du, la duba xatu kaxat, la nedi limixin diba ven du, diba marat aleng.

Lisilimet 11:15

La laangelo sepsev avanuti ga mas luru ren, la aga ronga laxaka linga silok at lentaba to vana at laxalibet ga lok keretna, ‘Amo nga Leeme Silok atdik eburu mi Lanarong teren du ru ka loklok tatao at na lavatbung menemen. La nedu dunaba lok tatao amisik la kopmen taxavaxap teren.’ Sam 145:13