Lisilimet 20:12 - Madak

¹² La aga ven nedi diga met pam, limixin silok la limixin gamasa, diga tu ro melamgo at loxonin orong at ne Moroa. Lentaba lempatbuk mo ga repalas. La lara lubuk ap mo levenbuk diga suang i, ni lubuk at lorooro. La ne Moroa ga ila mumu loklok atnedi limixin, la mo leveloklok atdi gak lok ap mo levenbuk.

Lisilimet 20:12 Iomraidhean Croise

Sam 28:4

Una lox asongot nedi mumu leveloklok kakapmek atnedi eburu mi lempanga bilinga digara lok pam i. Una lox asongot nedi mumu xa leveloklok atnedi, la una raba bok nedi mi luunun i epovo at loklok atdi.

Sam 62:12

la labalamu ren i tu amisik. O Leeme Silok, nenu xusuk mun, um taba luunun ti legetgesa radi i epovo xa at leven gugu mi leveloklok teren.

Sam 69:28

Una lok pes levenasen atnedi ro at lubuk at lorooro; uguta malagan li gat levenasen atdi eburu mi levenasen at limixin taram.

Metiu 11:22

Ketla ana tong i rinimi do at laaleng ete, ne Moroa naba lox asuusu lumumuat uto ri limixin at lumenemen Taia la Sidon, ketla langsangan lumumuat naba nemen mavana atnimi.

Metiu 16:27

Nenia, Laradi Mevana, mo anaba vot mi lisisixam silok at ne Tamak la eburu mi lubungangelo, la ap mo laaleng limixin axap dinaba lok kaka luunun i epovo mi leveloklok diga lox i.

Lagale Lavavang At Ne Iesu Karisito Luk Ga Malagan i 10:20

Ketla nemen mita momo mumu i do lubunggas di ronga res atnimi; ketla mina momo mila levenasen atnimi, Moroa ira malagan pam i ro at laxalibet.”

Leven Gugu 24:15

Nia a doxoma voovo ri ne Moroa xerekngan bok di, di nuunu do limixin axap, limixin avukat la limixin kapmek, diba roo xat amlong basinge lanmet.

Lovoang At Ne Pol Ti Limixin Nunu to Rom 2:6

“Moroa naba raba unun ti legetgesara mumu xa levempanga ni ga lox i.” Sam 62:12

1 Korin 4:5

Kuren la nemen mita ila mumu avot tara ri mo laaleng do naba vot. Laaleng ti ila mumu loklok at limixin noxo vot se Leeme Silok nabamlong; la neni naba lok li lempanga mo nga ik lok at lamain bonot ti laxasep, la naba lox asaxaven levendoxoma i nemen alipe ro xeneng at lorooro at limixin. Ap mo laaleng Moroa naba lox asuusu leemi asu ri limixin.

2 Korin 5:10

mila nedik getgesara ataba ru asuvos to melamgo at lenep tongtonga linga at ne Karisito; kusu nedik getgesara ataba lok ka luunun, i nunuan kopla i lok kapmek; la neni ba raba i na i epovo at loklok atnedik at na lorooro at labantuxu.

Pilipai 4:3

Laa vaase bok tu, lagale laradi; uga gugu nunuan eburu minia. Una lok tooro na lutkin, la una lok lumulum kantubu atdu kusu duba xis eburu, atla gano nedu duga gugu lolos ti tong asu Lagale Lavavang, eburu bok mi ne Klemen, la nedi vetpes bok digara gugu vam eburu minia, nom levenasen atnedi ira nemen pam at lubuk at lorooro at ne Moroa.

Lisilimet 11:18

Nedi lavamolon diga musak teng tino, ketla laaleng ira vot pam kusu una lox asuusu lebelemamao ram, la uba lok li limixin digara met pam at lavapaase. Ni laaleng bok kusu uba raba luunun avukat ti lavaeme vapaase alii ram, nedi lavasaxaruki ram la tinedi limixin nuunu la nedi bok dik lok ngangao at laasen taram; nedi limixin gamasa la nedi bok di ruuna laasen silok. La laaleng ira vot pam kusu uba sele utut kepe nedi limixin diga lok kapmek lixitkis nunuan at na lavatbung menemen.’ Sam 2:1

Lisilimet 13:8

La limixin axap at na lavatbung menemen diba lotu parav i; nedi limixin kopmen levenasen atdi ik lok at lubuk at lorooro, mo lubuk ga nemen avot ti luruntudum li at na lavatbung menemen, la ni lubuk at Lanasip, mo ga uu at laxaba.

Lisilimet 17:8

Mo lavatpanga sio ga rooro gano, kopmen na rooro lingina, ketla melemu naba vasu boro at lemeroon la ba seeve to at lemenemen songsongot. La nedi limixin at na lavatbung menemen, kopmen levenasen atnedi goxok lok keneng at lubuk at lorooro, ga ru ka i at lurutu kaxat at na lavatbung menemen, dinaba sangu aleng do dina ven na lavatpanga sio. Neni ga rooro be, ketla monga neni kopmen na rooro, ketla naba rupot melemu.

Lisilimet 19:5

La nia aga ronga laxaka linga ga laa boro at loxonin orong at ne Moroa la ga lok keretna, “Ata emi asu mi ne Moroa. Nemi lavasaxaruki ren, la nemi mi lok ngangao ren la nemi limixin gamasa la nemi limixin silok, mina emi asu mi ne Moroa.” Sam 115:13, 134:1

Lisilimet 2:23

La aba sev amet bok laxamdak teren. La limixin axap di nuunu dibaklen i do nenia ne Penasiak, aklen lorooro at limixin axap la aba vorang laxakapmek atnemi mi levesongsongot i epovo at loklok at legetgesa radi.

Lisilimet 20:11

La nia aga ven langsangan loxonin orong bunbun la mo Laradi gat kis teren; la lavatkangka eburu mi laxalibet duga sixiro basinge i la duga sonao nga.

Lisilimet 20:13

La nedi limixin diga met to at laras la nedi bok limixin diga met la diga nemen to Edesa, la limixin axap diga met, diga tu ro melamgo at ne Moroa la neni ga ila mumu loklok atdi la diga lok ka luunun ga epovo mi leveloklok digara lok pam i.

Lisilimet 20:15

La nedi limixin levenasen atdi goxok lok at lubuk at lorooro, Moroa ga lu arup bok midi uto at lemet kao.

Lisilimet 21:27

Ketla kopmen tinotno taxakapmek naba beles keneng teren, nedi dik lok lengkot mamangan kopla di xaxarang, di noxo vubeles teren. Nedi xusuk mene levenasen atdi ik lok to at lubuk at lorooro at Lanasip diba beles keneng teren.

Lisilimet 22:12

La ne Iesu ga lok, “Mina ronga ia. Nenia anabamlong soso mun! Nia aba xip ka luunun eburu minia, kusu anaba raba limixin getgesara mi luunun naba epovo mi lempanga salai diga lox i.

Lisilimet 3:5

La nedi di tu lolos at lunuunu atdi, nedi bok diba sigaara mi levesingsiga bunbun. Nia xopmen tinotno a noxo lok kepe levenasen atdi ro at lubuk at lorooro, ketla nia aba tong i ri ne Tamak eburu mi lubung angelo ren do nedi limixin tarak.