Lisilimet 2:13 - Madak

¹³ Akleklen i do mik lok at lemenemen, ne Satan i nemen keneng teren ngan loorong silok. Ketla laasen tarak mim tebeng alolos i. La nemi xopmen mi goxo soxepe lunuunu atnimi ap mo levenaleng ne Antipas ga uu ren; neni ga nemen ngan laradi ruturun la laradi vapaase asu levelinga rak. Limixin at ne Satan diga sev i dom kantubu at lemenemen silok atnimi, nom ne Satan i nemen teren.

Lisilimet 2:13 Iomraidhean Croise

Metiu 10:23

Do dina lox asongot nimi at tara temenemen, mina sixiro uto at tara temenemen petpes. A tong tuturun i rinimi do nenia, Laradi Mevana, anaba vot la kovisi mi noxo lok axap lugugu atnimi ap mo laramenemen at lenep silok Israel.

Metiu 24:9

Melemu limixin diba ranga alis nimi la dina lox asongot nimi la lentaba atnimi diba sev amet di la limixin at lengkot axap diba belemamao nimi mila nemi limixin tarak.

Metiu 4:10

La ne Iesu ga lok tin, “Satan! Pas kaxat basinge ia. Lovoang Kaala i tong i do, ‘Una lotu saparap ne Moroa, Leeme Silok taram la neni xusuk mun una mumu asu i.” Len 6:13

Lagale Lavavang At Ne Iesu Karisito Luk Ga Malagan i 21:17

Limixin axap diba belemamao nimi mila nemi mi nuunu rak.

Leven Gugu 22:20

La at laaleng diga sev amet laradi vapaase ram ne Stiven, nenia mo aga tu saparap di, la nia aga siam ti mo laniu ren la agak lok tatao levempanga singsiga ap mo limixin diga sev i.’

Leven Gugu 9:14

La ni gat pas ude Damasko mi levelinga lolos at lavamaasa silok, kusu na xoxo ka nedi di mumu asu laasen taram.”

1 Tesalonia 5:21

La mina lok tong pen levempapaase maxat; minam tebeng lolos mo levelinga i lox avukat

1 Timoti 5:8

Ketla do tara xopmen na lok tatao avukat leventaba akmokso ren, neni ira sev apkap pam at lunuunu la neni i lok kakapmek tinotno ri laradi kopmen na nuunu.

2 Timoti 1:13

Unam tebeng alolos nom levelinga ruturun at ne Moroa, nia aga anasa u min gano. Ni lampoovo una mumu asu i, la una nemen alolos at lunuunu ram; la labalamu ram saparap ne Iesu Karisito na nemen lolos.

2 Timoti 2:12

Do dik tana tu lolos keneng at levesongsongot, dik tanaba lok tatao limixin eburu min. Do dik ata sev apkap kepe i, neni bok naba sev apkap kepe dik.

Ibru 10:23

Minam tebeng lolos lunuunu atnimi ri mo leveloklox anarong mo naba vot mila ne Moroa naba lox asorun levempapaase alii ren.

Ibru 3:6

Ketla ne Karisito i ruturun at lugugu ri lok tatao limixin at ne Moroa xerekngan lanarong i lok tatao libibinat teren. Do atam tebeng lolos lunuunu atdik la tana ngangais mi lomomo ri lomlong teren, i lox asuusu i do nedik limixin at ne Karisito.

Jems 2:7

La di paase kapmek ti laasen avukat at ne Iesu, mo ne Moroa ga lox anarong nimi min.

Lisilimet 1:5

la lavapaase momo bok boro at ne Iesu Karisito, neni laradi ruturun at lavapaase ruturun la neni lara avot mo ne Moroa ga lox axatu kaxat amlong i basinge lanmet, la ni lamgomgo at lavaorong silok at na lavatbung menemen. Ne Iesu ga balamu nedik la ga lox asepmus dik basinge laxakapmek mi mo lada ren.

Lisilimet 11:3

La ap mo levenaleng aba riki aonon luradi vapaase rak mi lololos kusu duna vavang mi levelinga rak ap mo legesa abin sangsangaun kobot mi legepu sangaun kobot mi lavanna sangaun aleng (1,260); la duba siga mun lengkontamon gurusek at limixin dik saxaanu.”

Lisilimet 12:11

La luvutneton nedik dira sak tup pam mi ne Satan mila diga nuunu at lada at Lanasip la at lempapaase ruturun at ne Moroa, mo levelinga diga tong asu i la di goxo marat mi lorooro atdi, diga gagas kusu dina met.

Lisilimet 13:2

La mo lavatpanga sio ga lok ngan lavatlepat, la lengkangkedek teren ga lok ngan at lavatbea, la lungusno ga lok ngan at lavat laion. La mo lavattulaava ga raba i mi lololos teren la lixitkis teren ti lok tatao limixin la lisisilok teren mavana at lempanga axap.

Lisilimet 14:12

Na lavanga naba rupot, kuren la nedi limixin nuunu at ne Moroa mo ding tonga res at levelinga ren la di tu tuxuruxun at lunuunu atdi saparap ne Iesu, i epovo xusu dina nemen mulus mo do levenmumuat ba rupot.

Lisilimet 17:14

La na lavatpanga sio eburu mi lasangaun lavaorong silok diba esep eburu mi Lanasip. La Lanasip eburu minedi neni ga ro xaka di, la nedi bok neni ga soxolik ka di la nedi bok di mumu asu ruturun i, diba sak tup mi na lavatpanga sio eburu mi lasangaun lavaorong silok, mila Lanasip neni Leeme Silok mavana at lavaeme silok axap la neni Loorong Silok mavana at lavaorong silok.”

Lisilimet 17:6

La nia aga ven mo latkin ga inin tangtangku mi lada at limixin at ne Moroa, la atnedi bok limixin diga met mila diga nuunu at ne Iesu. Se nia aga ven i, aga sangu aleng.

Lisilimet 2:2

Akleklen lorooro atnimi, la aklen bok leven gugu lolos atnimi la aklen i do mi tu lolos kantubu at levesongsongot mo nemi mip kiv i. Aklen box i do mixo esuxun mi limixin kapmek, la mira lok tong pen pam nedi di lok do nedi mo luvuttadi vavang, ketla mira long lenget ka i do nedi limixin kaxarang.

Lisilimet 3:11

Anaba vot soso mun; minam tebeng alolos mo lunuunu atnimi kusu tara noxo xip pilo ka mo lempatbungorong atnimi.

Lisilimet 3:3

Mina doxoma bilong ti mo levenanasa miga ronga ka vam i, la mina mu asu i. La mina leeng tinotno basinge mo leveloklok kakapmek atnimi. Mo do mi noxo xatu kaxat basinge mo lanmet, aba vot pasa nimi ngan laradi xipkip pilo, la nemi xa mi noxoklen loxonaleng potpot tarak.