Lisilimet 19:6 - Madak

⁶ La aga ronga laxaka linga at limixin buaang ga ninni ngan ladan silok i sesen lolos la ga lok ngan bok leretepaavat boro vana at laxalibet i tit; la mo laxaka linga ga ravasu xeretna, “Ata emi asu mi ne Moroa, mila Leeme Silok atdik ne Moroa, neni i silok aleng la naba nemen amisik ngan lamgomgo at lempanga axap.

Lisilimet 19:6 Iomraidhean Croise

Sam 47:2

Leeme Silok, ni Leeme Avolo. Dik atana lok ngangao aleng teren; neni Loorong Silok, im gomgonga na lavatbung menemen axap.

Sam 47:7

Moroa ni Loorong Silok ti limixin axap at na lavatbung menemen, mina emi asu min mi livikpixan!

Sam 77:18

Lerete paavat at lengkon takabu ram ga teposok su, la lososo at lavanga ga mam ga soso axasep lavatbung menemen; la lavatbung menemen ga dede la gangne.

Sam 93:1

Leeme Silok ni Loorong Silok. Neni i ruuna laasen silok la lolos. La lavatbung menemen mo it kis atmatkun at loxot teren la ixo epovo ri repes meeve.

Sam 97:1

Leeme Silok neni Loorong Silok! Lavatbung menemen, unak lek! Nemi levesoxan kantubu at laras, mina sosoro!

Sam 97:12

Nemi limixin mokmokso minak lek ap mo lempanga Leeme Silok gara lok pam i! Mina doxoma aklen ti mo lempanga ne Moroa melemelengan gara lok pam i rinimi, la mina tong avukat tin.

Sam 99:1

Leeme Silok, neni Loorong Silok; la limixin di deede. Neni it kis at linin orong teren mavana at lempanga raptava (cherubim) la lavatbung menemen ing nengne.

Metiu 6:13

Nemen uta lok li nema ri leveloklok tong pen i lolos, ketla unang tanga amlong ka nema basinge ne Satan.’

Lisilimet 1:15

La luxangkedek teren ga ngangao ngan loxonuat, no laxao i an amemeles i la laxaka linga ren ga reng ngan lenaonkaka at ladan it los ukopok.

Lisilimet 1:8

Moroa Leeme Silok atdik ga lok keretna, “Nenia mun Lurutu Kaxat la Lumumupit at lempanga axap. Nia aga nemen gano, a nemen lingina, la anaba vot bok melemu. Nenia a lolos aleng.”

Lisilimet 12:10

La aga ronga laxaka linga silok to vana at laxalibet ga lok keretna, “Mo nga loklox arooro at ne Moroa la lololos teren eburu mi Linintoo ren naba ru asaxaven. La na nga Lanarong teren naba lox asuusu lololos teren to xopok at lavatbung menemen; mila ne Satan mo ga tu ro melamgo at ne Moroa xusu neni na babala raba luvutneton dik at levenaleng kangking la kanimin. La lubungangelo at ne Moroa digara lu asi vam min uto xopok.

Lisilimet 14:2

La aga ronga laxaka linga boro vana at laxalibet ga ninni ngan ladan silok i sesen lolos la ga ninni ngan bok lavanga i repaavat. Mo laxaka linga aga ronga i ga lok ngan bok luvuttadi diga sep levengkontaaleng.

Lisilimet 19:1

Melemu at nai, aga ronga laxaka linga atnedi buaang limixin to vana at laxalibet, digap kup lolos keretna, “Ata emi asu mi ne Moroa, neni Leeme Loklox Arooro atdik, la i ruuna lisisixam la lololos teren i silok aleng,

Lisilimet 19:4

La mo legepu sangaun mi lavanuet loxongkulao amgomgo la lavanuet levempanga rooro diga xis tiktikbu mi lempatgulom atdi la diga lotu parap ne Moroa. La diga lok, “I ruturun, ata emi asu mi ne Moroa.”

Lisilimet 21:22

La nia a goxo ven toogu laplavang go xeneng at nom lemenemen silok, mila ne Moroa xa Leeme Silok neni i lolos aleng la nedu eburu mi Lanasip duk lox amisik ap mo lemenemen silok; kuren la limixin dixok pakes ti toogu kusu dina lotu parap ne Moroa mi Lanasip go.

Lisilimet 4:5

Boro at nom loxonin orong, langangao at lavanga i mam ga ravasu; aga ronga leretepaavat ga on. La to melamgo at nom loxonin lavanuti levenbabao mo ga babao; nedi lavanuti leventoonan at ne Moroa.

Lisilimet 6:1

Melemu aga ven Lanasip ga ba kaxat kepe lumlut avot at nom lavanuti levelumlut, la aga ronga lara atnedi lavanuet levempanga rooro ga vaase silok ngan leretepaavat ga lok ti lara, “Ude u.”

Lisilimet 8:5

La laangelo ga lok ka lavattingtigon la ga suxa i mi laxao boro at loxonin laplavang la ga lu asi min uto at laxangka, la leretepaavat ga repat aoon mi lavanga ga mam eburu mi langne silok.