Lisilimet 19:11 - Madak

¹¹ La nia aga ven laxalibet ga rem suang la aga ven lara lavaros bunbun. La mo laradi gat kis go mavana ren, laasen teren, ne Luruturun. Lodoxoma ren ik mokso la kerepmo neni laradi ing tonga linga la ik paxaru kaxat levenesep.

Lisilimet 19:11 Iomraidhean Croise

Sam 50:6

Laxalibet i tong asuusu i do ne Moroa neni laradi mokmokso, la neni xa laradi rongtonga linga

Sam 96:13

at loxonaleng Leeme Silok na vot kusu rim gomgonga lavatbung menemen. Neni nabam gomgonga limixin at lavatbung menemen mi lodoxoma mokmokso la levelinga ruturun.

Sam 98:9

atla i vot kusu nam gomgonga lavatbung menemen. Neni nabam gomgonga limixin at lavatbung menemen mi lodoxoma mokmokso la levelinga ruturun.

Sam 99:4

Loorong Silok nenu Lanaraavuk, u vavara aleng leveloklok in manton; ugara vaxaru vam leventaangas manmanton kusu limixin diba mumu asu i ro xeneng Israel; ugara xip pot pam mi loklok mokmokso la levelinga rurutun.

Lagale Lavavang At Ne Iesu Karisito Jon Ga Malagan I 1:51

La ni ga lok bok tidu, “A tong tuturun i rinumu do muba ven laxalibet na rem suang la muba ven lubung angelo at ne Moroa dinat pas si la dinat pas urut uto saparav ia Laradi Mevana.”

Lagale Lavavang At Ne Iesu Karisito Jon Ga Malagan I 14:6

Iesu ga vorang i rin, “Nenia langas, luruturun mi lorooro. Kopmen teta naba vosiga ne Tamak at tangas petpes, ketla atarak kusuk mun.

Lisilimet 1:5

la lavapaase momo bok boro at ne Iesu Karisito, neni laradi ruturun at lavapaase ruturun la neni lara avot mo ne Moroa ga lox axatu kaxat amlong i basinge lanmet, la ni lamgomgo at lavaorong silok at na lavatbung menemen. Ne Iesu ga balamu nedik la ga lox asepmus dik basinge laxakapmek mi mo lada ren.

Lisilimet 11:19

Melemu at na, loogu laplavang at ne Moroa ga rem suang to vana at laxalibet, la limixin diga ven lobokis kaala, mo ga lok katling lekabus maxat at ne Moroa. La limixin diga ven lavanga ga mam etitit, la diga ronga leretepaavat gak lox epasum la diga suma lavarangne silok la lengkos uat gan bun aleng ga subu.

Lisilimet 19:19

La aga ven bok lavatpanga sio eburu mi lavaorong silok at na lavatbung menemen eburu mi limixin esep atdi, diga vot eburu xusu dina esep eburu mi nom laradi gat kis at lavaros bunbun la limixin esep teren.

Lisilimet 19:21

La mo lavarise sepsep ga sixisu boro at lungusno ap mo lara gat kis at lavaros bunbun, la ga sep kutkut axap limixin esep at lavatpanga sio. La lavapixa axap diga anan tino at levenbaaxin atdi.

Lisilimet 3:14

La Leeme Silok ga lok bok tia xeretna, “Una malagan na levelinga ti laangelo ik lok tatao limixin lotu ro Lodisia. ‘Ana levelinga boro at ne Luruturun, ni laradi ruturun i tong asu levelinga at ne Moroa la ni lamgomgo at luruntudum li at ne Moroa.

Lisilimet 3:7

Leeme Silok ga lok bok tia, “Una malagan na levelinga ti laangelo ik lok tatao limixin lotu dik lok ro Piladelpia. ‘Ana levelinga neni boro at laradi i melemelengan la i ruturun. La neni im tebeng lengki at ne Devit, loorong silok me gano; mo lengki i susuang lumusaragu at Linintoo at ne Moroa. Mo lumusaragu neni i susuang i, kopmen tara na epovo xusu na vi pe i, la mo lumusaragu neni i vi pe i, ixo epovo do tara na suang i.

Lisilimet 4:1

Melemu at na, aga ven manga lara lisilimet; maxeneng teren aga ven lara lumusaragu ga rem suang to vana at laxalibet. La aga ronga laxaka at lara xerekngan no avot nia aga ronga i, gang teng ngan luru; ga lok tia, ‘Ude vana u, la ana lox ase u mi lempanga naba rupot melemu at nai.’

Lisilimet 6:2

La nia aga milik kaxat la aga ven lavaros bunbun, la mo laradi gat kis teren, neni gam tebeng labanara; la ni ga lok ka lavatbungorong, la ni ga sixit kaxat uto at lengkot axap at na lavatbung menemen ngan ta laradi esep kusu na sev asi lavamunepen teren.