Lisilimet 18:9 - Madak

⁹ La lavaorong silok at na lavatbung menemen, mo digang longka mo latkin la digak lok laxakapmek eburu min, dinabang teng la dina duudu, mo do dina ven lusuxa ap mo laxao na xotos asonao lemenemen Babilon.

Lisilimet 18:9 Iomraidhean Croise

Sam 58:10

Limixin mokmokso dinaba momo dola dina ven ne Moroa na lox asongot limixin kakapmek; la dinabat pas beles mi leveng kangkedek atdi ro xeneng at lada at limixin kakapmek, mo ne Moroa naba sev amet di.

1 Timoti 5:11

Ketla nemen uta lox abeles lovosono naa ukeneng ti leexes at lubungnaa, mila do levendoxoma atdi na ngaongao ri epot, dinaba repukus basinge ne Karisito;

Lisilimet 14:11

La mo losongsongot ba lok ngan lusuxa i urut amisik la kopmen noxo xap at levenaleng kangking la kanimin bok; tara naba ekip tangarang mi na losongsongot do neni ga lotu saparap lavatpanga sio la lavatpoovo ren, kopla neni ga ruuna loklok katling at laasen at lavatpanga sio.”

Lisilimet 17:2

Lavaorong silok axap at na lavatbung menemen digang longka i la limixin at na lavatbung menemen diga lok laxakapmek min, i lok ngan ta do diga inin tangtangku mi lavaen.”

Lisilimet 18:18

la diba ven lusuxa silok ap mo lemenemen, la dibap kup keretna, “Goxopmen temenemen at na lavatbung menemen kerekngan na lemenemen silok.”

Lisilimet 18:20

La lara laxaka linga ga lok bok, “Nemi axap mik lok to vana at laxalibet, mina momo. Nemi limixin at ne Moroa, la luvuttadi vavang la lavaeme vapaase alii, mina sosoro aleng, mila ne Moroa ira vorang taba vam i mi langsangan losongsongot mumu lempanga xapmek neni ga lox i rinimi.” Jer 51:48

Lisilimet 18:3

La limixin boro at levennep silok axap dira in pam laxandan vaen teren, mo i ru katling loklok ti elongka; la lavaorong silok axap at na lavatbung menemen diga elongka min, la nedi limixin diga sesep mi lempanga atdi digap novos aleng mila mo latkin, lebelen ga ngaongao aleng ti mo lempanga diga sesep min.”

Lisilimet 18:7

Mina raba i mi langsangan losongsongot aleng la lainbulu silok la naba silok kerekngan ni ga lox asilox i mi leemi asu axa min la lapnovos. La keneng at lebelen ni i lox asilox i xeretna, ‘Nenia loorong tixin; nenia kopmen lavatnaa, la nia xopmen noxo lok bukbulu at lorooro axap tarak.’

Lisilimet 19:3

La digap kup bok, “Ata emi asu mi ne Moroa. Neni ga sele utut lemenemen Babilon la lusuxa ren i urut uto vana la mo laxao noxo xap.” Ais 34:10

Lisilimet 2:22

Kuren la aba sev i mi levesongsongot silok, la nedi digang longka i, anaba lok li nedi at losongsongot silok do nedi di noxo leeng basinge leveloklok kakapmek ap mo latkin.