Lisilimet 17:1 - Madak

¹ La lara atdi na lavanuti lubungangelo, mo digam tebeng mo lavanuti leventingtigon, ga vot pasa ia la ga lok, “Pen ba i na, la ana lox ase u mi losongsongot silok, ne Moroa naba sep mo latkin ngarangat min, mo it kis saparap laxan taadan solo.

Lisilimet 17:1 Iomraidhean Croise

Lagale Lavavang At Ne Iesu Karisito Luk Ga Malagan i 24:32

La duga lok tidu xa, “Lebelen da iplivi aleng at loxonaleng neda ta ronga levelinga ren to at langas la ira soxomus Lovoang Kaala rida.”

Lagale Lavavang At Ne Iesu Karisito Luk Ga Malagan i 9:30

La ne Moses mi ne Elaisa duga rupot boro vana at laxalibet eburu mi lisisixam silok ga vung pavaa du.

Lisilimet 1:1

Ana lovoang, ni lisilimet boro at ne Iesu Karisito, ne Moroa ga raba i min, kusu na lox ase lavasaxaruki ren mi lempanga salai mo naba vot soso mun. La ne Iesu ga riki laangelo ren kusu na vaase axasev i ri ne Jon, lasaxaruki ren,

Lisilimet 15:1

La nia aga ven manga lara loklok katling to vana at laxalibet, ga silok aleng la ga ven nunuan. Lavanuti lubungangelo mi lavanuti levesongsongot mo, nedi lumumupit ti leveloklox asongot axap, la di ru katling laxavaxap at lebelemamao at ne Moroa, mo ni naba lox asuusu i.

Lisilimet 16:19

La mo lemenemen silok ga epeseves ti lavantun levengkot la mo levenmenemen silok at na lavatbung menemen ga rem utut axap. La ne Moroa ga doma asu laxapmek at limixin to at lemenemen silok, Babilon, la neni ga lox asuusu lebelemamao silok teren ti mo limixin.

Lisilimet 18:1

Melemu at nai aga ven lara laangelo vetpes manga ga si boro vana at laxalibet, mi langsangan lololos teren; la na lavatbung menemen axap ga xasep mi losoosoo ap mo laangelo.

Lisilimet 19:2

mila lodoxoma ren ti raba limixin mi levesongsongot ik mokso aleng la i ruturun. Moroa ira lok li vam lumumuat at latkin ngarangat, mo ga lox abilinga limixin at na lavatbung menemen mi loklok ti elongka. La ne Moroa ira vorang pam laxakapmek ap mo latkin ga sev amet lavasaxaruki at ne Moroa.”

Lisilimet 19:9

La mo laangelo ga lok tia, “Una malagan i na, ‘Luvukat tinedi limixin ne Moroa ba xup ka di ri leluxa at loklox epot at Lanasip.” La ni ga lok bok tia, “Anai, ni levelinga ruturun boro at ne Moroa.”

Lisilimet 21:15

La mo laangelo ga paase tia, ni ga ruuna losoxovo i gol, kusu na soxovo mo lemenemen silok eburu mi laramusaragu ren la larangas uat teren.

Lisilimet 21:9

La lara at nom lavanuti lubungangelo mo gam tebeng lavanuti lempattingtigon ga umsu mi lavanuti levesongsongot, ni ga lok tia, “Ude u, la ana lox ase u mi mo loono maxat, neni latkin ti Lanasip.”

Lisilimet 4:1

Melemu at na, aga ven manga lara lisilimet; maxeneng teren aga ven lara lumusaragu ga rem suang to vana at laxalibet. La aga ronga laxaka at lara xerekngan no avot nia aga ronga i, gang teng ngan luru; ga lok tia, ‘Ude vana u, la ana lox ase u mi lempanga naba rupot melemu at nai.’