Lisilimet 16:7 - Madak

⁷ La melemu aga ronga lempapaase boro at loxonin laplavang ga lok keretna, “I ruturun aleng. Nenu ne Moroa, Leeme Silok, u lolos aleng. La lodoxoma ram ti lox asuusu mo levesongsongot, ik mokso la i epovo rinotno at loklok, mo limixin diga lox i.”

Lisilimet 16:7 Iomraidhean Croise

Lisilimet 1:8

Moroa Leeme Silok atdik ga lok keretna, “Nenia mun Lurutu Kaxat la Lumumupit at lempanga axap. Nia aga nemen gano, a nemen lingina, la anaba vot bok melemu. Nenia a lolos aleng.”

Lisilimet 13:10

‘Do ne Moroa gara tong li vam i do tara nabat pas ti loxokoxo, neni naba vubeles ti loxokoxo; la do ne Moroa gara tong li vam i do diba sep tara mi lavarise sepsep, neni naba uu at leesep mi lavarise sepsep.’ Jer 15:2, 43:11 Kuren la limixin at ne Moroa dina tu tuxuruxun at lunuunu atdi la dina ngangais mi lomomo keneng ap mo levenmumuat.

Lisilimet 14:10

neni bok naba suma ka lebelemamao at ne Moroa i lolos aleng; la neni nabang songot aleng to xeneng at laxao at lasalpa to melamgo at lubungangelo at ne Moroa la to melamgo bok at Lanasip.

Lisilimet 14:18

La lara laangelo vetpes mo gak lok tatao laxao, ga laa boro at loxonin laplavang. La ni ga xup lolos ti mo laangelo gam tebeng lavarise sengsen; la ni ga lok keretna, “Una gugu mi nom lavarise sengsen taram la una lok bubua ka levempipisik at lavaen at na lavatbung menemen, mila lempeven teren ira mukun pam.”

Lisilimet 19:2

mila lodoxoma ren ti raba limixin mi levesongsongot ik mokso aleng la i ruturun. Moroa ira lok li vam lumumuat at latkin ngarangat, mo ga lox abilinga limixin at na lavatbung menemen mi loklok ti elongka. La ne Moroa ira vorang pam laxakapmek ap mo latkin ga sev amet lavasaxaruki at ne Moroa.”

Lisilimet 6:9

La Lanasip ga ba kaxat kepe manga levelumlut sepsev avalimo. La aga ven uto saparap loxonin laplavang la maxopok teren aga ven labaroonan at limixin nuunu diga met gano. Limixin diga sev amet di mila diga tong asu levelinga at ne Moroa la levelinga ruturun at ne Iesu Karisito.