Lisilimet 16:10 - Madak

¹⁰ La laangelo sepsev avalimo ga soli asu manga lebelemamao at ne Moroa ro at loxot kitkis at lavatpanga sio, la mo lixitkis teren ga nemen at lamain bonot, la limixin diga atat aleng leven gam atdi mumu losongsongot silok atdi.

Lisilimet 16:10 Iomraidhean Croise

Sam 78:49

Ni ga lox abaava rinotno di at loxonaleng ni ga soobang asu lebelemamao sepsep teren, mo gat pot ngan ta luvuttadi vapaase axasep ti lanmet naba vot.

Metiu 13:42

La lubungangelo diba lu arup midi ro at lemenemen songsongot; ap mo loxot dibang teng la dina rungur ivivilis.

Metiu 13:50

la diba lu midi ro at lemenemen songsongot. Mo go dibang teng la dina rungur ivivilis.”

Metiu 22:13

La loorong silok ga tong i ri luvuttadi gugu ren keretna, ‘Mina xoxo lukngen mi luxangkedek teren la mina lu asu min uto xamang kusu neni na vubeles at lamain bonot no limixin dibang teng boron la diba rungur ivivilis.”

Metiu 24:51

Nom leeme silok naba sev asongot aleng nom lasaxaruki ren la ni naba riki i uto at lemenemen songsongot kusu na nemen eburu minedi lavapen aala. Mo go dibang teng la dina rungur ivivilis.”

Metiu 8:12

Ketla limixin me Judaia, avot be diga nemen ngan lavaanat at Linintoo, Moroa naba lu asu midi uto at lamain bonot la mo go dibang teng aleng la diba rungur ivivilis.”

Lagale Lavavang At Ne Iesu Karisito Luk Ga Malagan i 13:28

Miba lok lerengteng silok la miba rungur ivivilis ap mo laaleng miba ven ne Abaram, la ne Aisak, la ne Jakop la nedi lavaeme vapaase alii ro at Linintoo at ne Moroa, ketla nemi xa diba lu asu minimi.

1 Pita 2:17

Mina lok ngangao bok at limixin axap, la mina balamu limixin nuunu; la mina lok ngangao at ne Moroa la at loorong silok bok.

Lisilimet 11:10

La limixin axap at lavatbung menemen diba momo aleng mumu lanmet atdu. Diba lok larapeluxa silok la diba etaba ela mi leventamtaba atdi. Lavasuun teren do na luradi vapaase duba lok buaang levempanga songsongot mavana at limixin.

Lisilimet 11:2

Ketla nemen uta soxovo lemelua ik lok kangkan mo loogu laplavang, mila nom lemelua ik lok ti limixin kopmen di me Judaia. La nedi dibat pas axangka lemenemen kaala Jerusalem at lavanuet sangaun mi legepura leven gaaling.

Lisilimet 11:8

La lubantuxu atdu nabak midi ro at langas ap mo lemenemen silok, ap mo mun loxot Leeme Silok atdu ga met at laxaba ve. Luasen poovo ap mo lemenemen ne Sodom la ne Isip.

Lisilimet 17:17

Diba lox i na mila ne Moroa ira lok pam di xusu dina mumu asu lodoxoma at ne Moroa. Kuren la diba mulus kusu dina raba axap lololos atdi ri lavatpanga sio la neni naba lok lugugu ren min, ba se at levelinga at ne Moroa mumu na levesongsongot naba sorun.

Lisilimet 17:9

Do tara i vara na xasep at na, neni na doma mumu avukar i. Mo lavanuti lempatlak i ru katling lavanuti lengkongkaana la latkin ngarangat it kis to mavana atdi. La mo lavanuti levempatlak i ru katling bok lavanuti lavaorong silok.

Lisilimet 18:2

La ni ga xup lolos keretna, “Lemenemen silok Babilon ira xapmek pam. La na nga ira lok ngan pam lemenemen aulis ti lubunggas mi laxantoonan kapmek; la lavapixa axap di bilingot la di lok kapmek dik lok teren.

Lisilimet 18:21

La lara laangelo lolos ga ranga ka lara langsangan lavaruat la ga lu arup min to at laras la ga lok keretna, “Lemenemen silok Babilon; at na mun langas lara ba lu asi mi na lemenemen kerekngan na lavaruat, la kopmen tara noxo vuse ka bok ba i.

Lisilimet 18:23

Di noxo ven kaka bok ba losoosoo at lababao do xeneng at nom lemenemen, la di noxo ronga bok ba teepang amomo at teloklox epot maxat. La luvuttadi apnovos me go nedi diga lolos aleng keneng at lavatbung menemen axap, la diga sak tup mi lara nep silok axap mumu mun lengkot at lemenemen digak lox i.

Lisilimet 8:12

La laangelo sepsev avanuet ga mas luru ren la laxangking la lagaaling la larapenti, lara ga sep di la lenep sepsev avantun at laxangking ga buxumin, la lenep sepsev avantun bok at lagaaling ga buxumin, la lenep sepsev avantun at larapenti goxo soosoo. Lenep sepsev avantun at levenaleng kangking, laxangking kopmen goxo soosoo; la lenep sepsev avantun at levenaleng kanimin, lagaaling kopmen goxo soosoo bok.

Lisilimet 9:2

La ni ga suang lumusaragu at lemeroon la lusuxa ga ravasu ngan lusuxa at langsangan laxao. La mo lusuxa ga vula pe laxangking eburu mi lamavangkap la laxangking goxo epovo ri soosoo.