Lisilimet 15:4 - Madak

⁴ Leeme Silok. Limixin axap dinaba lok ngangao ram la di naba emi asu mi laasen taram, mila nenu xusuk mun u melemelengan. Limixin axap at na lavatbung menemen dinaba vosiga u la dinaba lotu parav u, mila levendomdoma mokmokso ram ga ravasu at lasaxaven.” Sam 111:2; 145:7; Jer 10:7 Sam 86:9

Lisilimet 15:4 Iomraidhean Croise

Sam 105:7

Leeme Silok neni ne Moroa atdik; la mo levempapaase matmatkun teren ti limixin axap at na lavatbung menemen.

Sam 111:9

Neni xusuk mun laradi loklok asepmus ti limixin teren, la ga vaxaxis aulis mo lekabus teren kusu naba nemen amisik; la laasen mun teren i melemelengan la dira pavanga i.

Sam 22:23

Nemi livisik li at ne Jakop me Israel, mi lok ngan lavasaxaruki at Leeme Silok, mina vemi asu amisik min. Minak lok ngangao ren la mina lotu saparap amisix i!

Sam 22:27

Limixin boro at larabung mixin axap dinabam domasu amisik at Leeme Silok. Boro at lengkot axap at lavatbung menemen, dinaba repukus taba i, la levenasen bantuxu axap dinaba lotu saparav i.

Sam 22:3

Ketla nenu ut kis at loxot kitkis orong taram ngan Laradi Melemelengan, nenu mun limixin me Israel di emi asu minu.

Sam 86:9

Mo laranep silok ua nenu uga rudum li di, dinaba xis tintiding to melamgo ram; la dinaba emi asu mi laasen taram.

Sam 89:7

Keneng at lixitkis buru at limixin kaala, dik marat taram; la nedi axap di tu eburu mi loklok ngangao silok aleng tu.

Sam 97:8

O Leeme Silok, limixin me Saion dik lek, la laramenemen silok at leme Juda di sosoro mumu lodoxoma mokmokso ram.

Sam 99:5

Leemi asu ri Leeme Silok ne Moroa atnedik. Mina ngising tin to melamgo at loxot kitkis teren! Neni i melemelengan!

Sam 99:9

Leemi asu ri Leeme Silok ne Moroa atnedik, la ata ngising tin to at loxongkaana xaala Saion! Leeme Silok ne Moroa atnedik i melemelengan.

Lovoang At Ne Pol Ti Limixin Nunu to Rom 15:9

la ti lox avolo limixin kopmen nedi me Judaia xusu dina epovo ri emi asu mi laasen at ne Moroa mumu lebelemumu ren. I ngan Lovoang Kaala i vaase i xeretna, “Ni lavasuun teren la anaba tong loklox avukat tu xantubu at limixin kopmen di me Judaia, la anak pixan ti emi asu mi laasen taram.” Sam 18:49

1 Pita 1:16

I ngan Lovoang Kaala i vaase xeretna, “Mina lok ka loklok in manton mila nenia an manton.”

Lisilimet 11:15

La laangelo sepsev avanuti ga mas luru ren, la aga ronga laxaka linga silok at lentaba to vana at laxalibet ga lok keretna, ‘Amo nga Leeme Silok atdik eburu mi Lanarong teren du ru ka loklok tatao at na lavatbung menemen. La nedu dunaba lok tatao amisik la kopmen taxavaxap teren.’ Sam 145:13

Lisilimet 14:7

Ni ga vaase silok keretna, “Mina lok ngangao aleng at ne Moroa la mina emi asu min, mila loxonaleng i auret kusu neni na ronga linga at limixin axap. Mina lotu parap ne Moroa, mo ga rudum li laxalibet, lavatkangka, laras, la laradan axap.”

Lisilimet 16:5

La aga ronga laangelo ik lok tatao laradan ga lok ti ne Moroa, “Lodoxoma ram ti lok li na losongsongot ura lok li vam i at lavatbung menemen ik mokso aleng. Kuren la ne Moroa, nenu u melemelengan lingina la gano bok,

Lisilimet 16:7

La melemu aga ronga lempapaase boro at loxonin laplavang ga lok keretna, “I ruturun aleng. Nenu ne Moroa, Leeme Silok, u lolos aleng. La lodoxoma ram ti lox asuusu mo levesongsongot, ik mokso la i epovo rinotno at loklok, mo limixin diga lox i.”

Lisilimet 19:2

mila lodoxoma ren ti raba limixin mi levesongsongot ik mokso aleng la i ruturun. Moroa ira lok li vam lumumuat at latkin ngarangat, mo ga lox abilinga limixin at na lavatbung menemen mi loklok ti elongka. La ne Moroa ira vorang pam laxakapmek ap mo latkin ga sev amet lavasaxaruki at ne Moroa.”

Lisilimet 19:8

La ni ira lok ka vam labantamon avukat in bun aleng, in tanan la im games aleng.” Na labantamon bunbun i ru katling leveloklok nunuan at limixin at ne Moroa.

Lisilimet 3:7

Leeme Silok ga lok bok tia, “Una malagan na levelinga ti laangelo ik lok tatao limixin lotu dik lok ro Piladelpia. ‘Ana levelinga neni boro at laradi i melemelengan la i ruturun. La neni im tebeng lengki at ne Devit, loorong silok me gano; mo lengki i susuang lumusaragu at Linintoo at ne Moroa. Mo lumusaragu neni i susuang i, kopmen tara na epovo xusu na vi pe i, la mo lumusaragu neni i vi pe i, ixo epovo do tara na suang i.

Lisilimet 4:8

Ti nom lavanuet levempanga rooro dik lox amisik, nedi getgesara diga ruuna lavanna levempapa, diga umsu mi levengkatli digak lok at lengkot axap la to bok maxopok at levempapa atdi. La at levenaleng kangking la kanimin kopmen dina xap ti tong na levelinga, ‘I melemelengan, i melemelengan, i melemelengan. Neni Leeme Silok ne Moroa i lolos aleng. Ni ga nemen ganoxa la i nemen mo, la naba vot bok melemu.’ Ais 6:3

Lisilimet 6:10

Digap kup lolos mi laxaka linga xeretna, “Moroa lolos aleng, nenu u melemelengan la u ruturun aleng. Lingisa ba uba vaxaru li limixin at lavapaase la una sev amet di ri vorang laniu nema maga ekip tangarang min?”