Lisilimet 15:3 - Madak

³ la digak pixan mi loxompixan at ne Moses, lasaxaruki at ne Moroa la digak pixan bok mi loxompixan at Lanasip; diga lok keretna, “Moroa Leeme Silok, u lolos aleng. Lempanga axap nenu uk lox i, i silok la i lox avukat aleng. Leventaangas taram la leveloklok taram ik mokso la i ruturun aleng. Nenu Loorong Silok mavana at limixin axap at na lavatbung menemen.

Lisilimet 15:3 Iomraidhean Croise

Sam 100:5

Leeme Silok, neni i lox avukat; labalamu ren ik lok amisik la luruturun teren ti limixin naba nemen amisik la noxo xap.

Sam 105:5

Nemi livipisik li at ne Abaram, laradi gugu at ne Moroa, la nemi livipisik li at ne Jakop, mo laradi ne Moroa ga soxolik ka i. Minam doma aklen ti lempanga sangsangu ne Moroa ga lox i, la mo levesongsongot neni ga raba limixin munepen min.

Sam 111:2

Leven gugu at Leeme Silok i nunuan aleng, la limixin di ven peves teren dim doma solo i.

Sam 111:7

Leven gugu axap at lukngen i nunuan la ik mokso; la mo levelinga axap teren i epovo xusu nedik ata mumu asu i.

Sam 139:14

A emi asu minu atla nenu xusuk mun limixin axap dina marat (sangu, lingun) taram; la lempanga nenu uk lox i, i lok petpes la i nunuan aleng. Akleklen tino i mi lodoxoma axap tarak.

Sam 145:17

Loklok at Leeme Silok in manton tinotno keneng at levempanga axap neni ik lox i, leven gugu ren ik lox i, ik lox i eburu mi lebelemumu ren.

Sam 145:6

Limixin dinaba paase mumu leven gugu lolos nenu ugak lox i, la nia anaba paase asu luvukat taram.

Sam 18:30

Na ne Moroa, loklok teren i lox avukat tinotno. Dola ni na xaape mi tavanga, ni naba lox i; la neni i lok ngan lentupe tinedi di vot pasa i xusu na lok see atdi.

Sam 78:12

Ap mo levenaleng lavalabat atnedi diga reven tinotno ne Moroa gak lok lempanga sangsangu ro at lemelubu ro Soan ua ik lok keneng at lenep silok Isip.

Sam 92:5

Leeme Silok, mo leven gugu uga lox asuusu i, i silok aleng! La levendoxoma ram i si aleng!

Sam 99:4

Loorong Silok nenu Lanaraavuk, u vavara aleng leveloklok in manton; ugara vaxaru vam leventaangas manmanton kusu limixin diba mumu asu i ro xeneng Israel; ugara xip pot pam mi loklok mokmokso la levelinga rurutun.

Lagale Lavavang At Ne Iesu Karisito Jon Ga Malagan I 1:17

Moroa ga raba avolo ne Moses mi Lenavolo; ketla letaba nabalamu at ne Moroa mi levelinga ruturun ga ravasu at ne Iesu Karisito.

1 Timoti 1:17

Kuren la ata emi asu mi Loorong Silok naba rooro amisik, la kopmen noxo met la dik taxo epovo ri ven i; neni xusuk mun ne Moroa. Ata lox asuusu amisik loklok ngangao la leemi asu rin! Tuturun.

Ibru 3:5

Moses ga ruturun ngan laradi gugu ri lok tatao limixin at ne Moroa la neni ga paase asu levempanga ba vot melemu.

Lisilimet 1:8

Moroa Leeme Silok atdik ga lok keretna, “Nenia mun Lurutu Kaxat la Lumumupit at lempanga axap. Nia aga nemen gano, a nemen lingina, la anaba vot bok melemu. Nenia a lolos aleng.”

Lisilimet 11:17

Diga lok keretna, ‘Ma tong avukat tu, Leeme Silok, ne Moroa i lolos aleng, mo ga nemen gano la i nemen bok lingina, mila ura gu asu vam mi langsangan lololos taram la ura ru ka vam loklok tatao ram at na lavatbung menemen.

Lisilimet 14:3

La mo digak pixan mi loxompixan maxat to melamgo at loxonin orong at ne Moroa, la to melamgo at lavanuet levempanga rooro la to melamgo at loxongkulao amgomgo. Kopmen teta goxo epovo nak lok kaka mo loxompixan, ketla nedi na limixin kusuk mun, Moroa gara un ka amlong nedi kantubu at limixin at lavatbung menemen.

Lisilimet 14:8

La na laangelo avot ga onon la laangelo sepsev agepura ga rupot manga la ga lok, “Lemenemen silok Babilon ira xapmek pam, mo ga pu soso limixin at levengkot axap kusu dina vubeles at laxakapmek silok teren.”

Lisilimet 17:14

La na lavatpanga sio eburu mi lasangaun lavaorong silok diba esep eburu mi Lanasip. La Lanasip eburu minedi neni ga ro xaka di, la nedi bok neni ga soxolik ka di la nedi bok di mumu asu ruturun i, diba sak tup mi na lavatpanga sio eburu mi lasangaun lavaorong silok, mila Lanasip neni Leeme Silok mavana at lavaeme silok axap la neni Loorong Silok mavana at lavaorong silok.”

Lisilimet 19:16

La lara langas linga ik lok to at lisingsigaara ren la to bok at laaon teren; nom langas linga i lok keretna, “Loorong Silok mavana at lavaorong silok la Leeme Silok mavana at lavaeme silok.”

Lisilimet 19:2

mila lodoxoma ren ti raba limixin mi levesongsongot ik mokso aleng la i ruturun. Moroa ira lok li vam lumumuat at latkin ngarangat, mo ga lox abilinga limixin at na lavatbung menemen mi loklok ti elongka. La ne Moroa ira vorang pam laxakapmek ap mo latkin ga sev amet lavasaxaruki at ne Moroa.”

Lisilimet 4:8

Ti nom lavanuet levempanga rooro dik lox amisik, nedi getgesara diga ruuna lavanna levempapa, diga umsu mi levengkatli digak lok at lengkot axap la to bok maxopok at levempapa atdi. La at levenaleng kangking la kanimin kopmen dina xap ti tong na levelinga, ‘I melemelengan, i melemelengan, i melemelengan. Neni Leeme Silok ne Moroa i lolos aleng. Ni ga nemen ganoxa la i nemen mo, la naba vot bok melemu.’ Ais 6:3