Lisilimet 14:2 - Madak

² La aga ronga laxaka linga boro vana at laxalibet ga ninni ngan ladan silok i sesen lolos la ga ninni ngan bok lavanga i repaavat. Mo laxaka linga aga ronga i ga lok ngan bok luvuttadi diga sep levengkontaaleng.

Lisilimet 14:2 Iomraidhean Croise

Sam 147:7

Atak pixan lengkom pixan emi asu ri Leeme Silok; atak sak lerengteng avukat mi lempat gita ri ne Moroa atdik.

Sam 149:3

Mina tii momo ri emi asu mi laasen teren; mina pasa levengkuvu eburu mi leven gita ri emi asu min.

Sam 33:2

Mina tong loklok avukat ti Leeme Silok mi leven gita. Mina vixan tin mi leventaaleng.

Sam 43:4

Melemu nia anabat pas uto at loxonin laplavang taram, O Moroa. Nenu mun lavasuun at lomomo rak. Nia anabak pixan eburu mi ligita ti emi asu minu. O Moroa, Moroa rak.

Sam 57:8

Lodoxoma rak, una xatu kaxat. Loxontaaleng tarak mi ligita, muna gagas. Nia anaba sak aus laxangking at labara koxot mi loxompixan.

Sam 92:3

mana lox i na mi lerengteng at leven gita la mi lenaon at levengkon taaleng.

Sam 93:4

Leeme Silok it kis amgomgo toxun pana at laxalibet, la lolos teren i volo aleng, la i silok ti mo laaknuxup boro at laras main, la i lolos polo larapo paxanao at laras.

Sam 98:5

Minak pixan mi lengkompixan emi asu ri Leeme Silok! Minak sak lerengteng maraanu ro at lempat taaleng!

1 Korin 13:1

I epovo do ana paase mi levempapaase axap limixin di paase min at na lavatbung menemen kopok, la ana paase bok mi levempapaase at lubung angelo, ketla mo do axo ruuna labalamu, levempapaase rak naba lok ngan mun lanteng at laxavu mi lanteng at lagamit kopmen tavasuun teren.

Lisilimet 1:10

At lara laaleng, ni laaleng at Leeme Silok, Loroonan at ne Moroa ga suxuna ia, la aga silimet tang ka ne Iesu. La keneng at na lisilimet, aga ronga laxaka linga silok to melemu rak, gang teng ngan luru.

Lisilimet 1:15

La luxangkedek teren ga ngangao ngan loxonuat, no laxao i an amemeles i la laxaka linga ren ga reng ngan lenaonkaka at ladan it los ukopok.

Lisilimet 11:12

La na luradi vapaase duba ronga lara na vaase ridu boro vana at laxalibet la ba lok, “Ude numu vana.” La duba urut uto vana at laxalibet keneng at loxontakabu, la limixin munepen midu mo diba tu la diba reven du.

Lisilimet 11:15

La laangelo sepsev avanuti ga mas luru ren, la aga ronga laxaka linga silok at lentaba to vana at laxalibet ga lok keretna, ‘Amo nga Leeme Silok atdik eburu mi Lanarong teren du ru ka loklok tatao at na lavatbung menemen. La nedu dunaba lok tatao amisik la kopmen taxavaxap teren.’ Sam 145:13

Lisilimet 15:2

La aga ven lara lavanga ga milik ngan loxontas gan tanan eburu mi laxao. La aga ven bok nedi limixin diga sak tup mi mo lavatpanga sio la lavatpoovo vanga ren, la lexekexes at laasen teren; diga tu saparap mo loxontas gan tanan la digam tebeng levengkontaaleng to at levengkikngen di, ne Moroa ga raba di min;

Lisilimet 18:22

La teta noxo ronga ka bok ba lerengteng at levengkontaaleng, lerengteng kaka tadi, lerengteng kaatu eburu mi lerengteng at luru keneng teren. La taradi gugu noxo lok bok ba lugugu ren go, la kopmen bok ba tavaruat noxo sax amumus levempiao.

Lisilimet 5:8

Neni ga lok ka mo lugun linga, la nom lavanuet levempanga rooro eburu mi nom legepu sangaun mi lavanuet loxongkulao amgomgo diga xis tiktikbu mi lempatgulom atdi ro melamgo at Lanasip. Nedi getgesara digam tebeng lengkon taaleng eburu mi leventingtigon gol mo ga umsu mi levempavaxan una so mavak. Ni ga ru katling levesingising atnedi limixin at ne Moroa.

Lisilimet 6:1

Melemu aga ven Lanasip ga ba kaxat kepe lumlut avot at nom lavanuti levelumlut, la aga ronga lara atnedi lavanuet levempanga rooro ga vaase silok ngan leretepaavat ga lok ti lara, “Ude u.”

Lisilimet 8:7

Laangelo avot ga mas mo luru ren. La lengkos uat gan bun aleng eburu mi laxao ga subu ukopok ti laxangka eburu mi lada. La lenep sepsev avantun at laxangka ga an axap mi laxao la lenep sepsev avantun bok at larauna ga an axap mi laxao la lempivilis avukat ga an axap.