Lisilimet 14:1 - Madak

¹ La nia aga milik kaxat la aga ven Lanasip ga tu to at lakaana Saion. La aga ven bok buaang limixin eburu min, mo diga epovo at legesa sangaun kobot mi lavanuet sangaun mi lavanuet larabin sangsangaun kobot (144,000) la diga ruuna laasen at ne Iesu eburu mi laasen at ne Temen to at levenmang atdi.

Lisilimet 14:1 Iomraidhean Croise

Sam 2:6

Ni i lok tidi, “To Saion at lakaana xaala rak, ara vaxaxis aulis li vam Loorong Silok tarax e.”

Lagale Lavavang At Ne Iesu Karisito Luk Ga Malagan i 12:8

A tong tuturun i rinimi; do nege i tong asu i do neni atarak to melamgo at limixin axap, nenia, Laradi Mevana, anaba tong box i do neni atarak to melamgo at lubung angelo at ne Moroa.

Lovoang At Ne Pol Ti Limixin Nunu to Rom 9:33

no Lovoang Kaala i paase min keretna, “Mina ven ba i, a lok li luat to xeneng at lemenemen Saion ti lok limixin dinaba sak kikixin teren. Mo luat naba lok nedi dina subu. Ketla nege do i nuunu ren, neni noxo doma saasaa.” Ais 8:14, 28:16

Lisilimet 14:14

La nia aga milik kaxat, la aga ven loxontakabu bunbun, la to mavana ap mo loxontakabu aga ven lara gat kis teren, ga milik ngan Laradi Mevana, la lavatbungorong gol gak lok at lavatlak teren, la neni gam tebeng lavarise sengsen.

Lisilimet 14:3

La mo digak pixan mi loxompixan maxat to melamgo at loxonin orong at ne Moroa, la to melamgo at lavanuet levempanga rooro la to melamgo at loxongkulao amgomgo. Kopmen teta goxo epovo nak lok kaka mo loxompixan, ketla nedi na limixin kusuk mun, Moroa gara un ka amlong nedi kantubu at limixin at lavatbung menemen.

Lisilimet 15:5

Melemu at na nia aga ven loogu laplavang ga rem suang to vana at laxalibet la aga ven mo lenep i xaala aleng to xeneng teren.

Lisilimet 22:4

La diba epen etang mi ne Moroa, la laasen teren nabak lok to at lenmang atdi.

Lisilimet 3:12

Do tara na tu lolos, aba lox i ngan luxus una at loogu laplavang at ne Moroa rak, la ixo epovo rinotno do neni naba vas su basinge i. Aba malagan li laasen at ne Moroa rak teren la laasen orong bok at lemenemen silok at ne Moroa rak. Mo lemenemen silok, ni Jerusalem maxat mo naba ravasi boro vana at laxalibet basinge ne Moroa rak. La aba malagan bok laasen maxat tarak go ren.

Lisilimet 4:1

Melemu at na, aga ven manga lara lisilimet; maxeneng teren aga ven lara lumusaragu ga rem suang to vana at laxalibet. La aga ronga laxaka at lara xerekngan no avot nia aga ronga i, gang teng ngan luru; ga lok tia, ‘Ude vana u, la ana lox ase u mi lempanga naba rupot melemu at nai.’

Lisilimet 6:8

La nia aga milik kaxat, la aga ven lara lavaros ga ngangan la mo laradi gat kis teren, laasen teren ne Lanmet; la lara ga mumu ro melemu, laasen teren ne Edesa. La duga lok ka lololos mavana at lenep i sepsev avanuet at limixin axap at na lavatbung menemen, kusu duna sev amet di keneng at levenesep silok; la loroxo la levenanmeres silok la levempanga mi lavanuet kangkedek atdi diba sev amet bok limixin.