Lisilimet 13:6 - Madak

⁶ La ni ga ru ka i xusu na paase vupu ri ne Moroa, la ri laasen teren, la loxot kitkis teren, la tinedi bok dik lok to vana at laxalibet.

Lisilimet 13:6 Iomraidhean Croise

Sam 73:9

Di paase vupu ri ne Moroa mo at lemenemen teren, la di paase asu avut lemet ti limixin at lavatbung menemen.

Metiu 12:34

Nemi laxamdak at lempasii. Nemi xopmen mina epovo na tong asu levelinga avukat mila nemi mi umsu mi laxakapmek. Levenngusno nimi i paase asuusu lempanga lebelen nimi i umsu min.

Metiu 15:19

Na levempanga xapmek i ravasu boro at lorooro at laradi i lok keretna; levendoxoma xapmek, la loklok tip sep amet tadi, loklok ting longka, la leveloklok kakapmek maxamang at lixitkis epot, loklok tip kip pilo, la lavapaase xaxarang mu tara, la loklok ti lox asi tara.

Lagale Lavavang At Ne Iesu Karisito Jon Ga Malagan I 1:14

Lavapaase ga vee radi la ga nemen kantubu atnama. Maga ven lisisixam teren, la ni ga umsu mi letaba nabalamu la levelinga ruturun at ne Moroa. La mo lisisixam neni ga lok ka i ngan legesamdak at ne Temen.

Lovoang At Ne Pol Ti Limixin Nunu to Rom 3:13

Lorooro atdi i umsu mi laxakapmek ngan lempatmaaut; la laxaxarang ip tavasu at levenngusno atnedi, la levengkolinga sepsev amet ngan lempat sii angkang, ip tavasu at levenbulubun atnedi;

Kolosi 1:19

At lodoxoma axa at ne Moroa do ne Nitna, naba venaxa ka ren,

Kolosi 2:9

Lampenaxa at ne at Karisito i lok ngan mun ne Moroa; neni ga lox asuusu nom leveloklok de xopok at na lavatbung menemen ngan laradi.

Ibru 9:2

To xeneng teren diga xip lara loogu kadis. La keneng ap mo loogu kadis diga lok legepu xonnep gu; at loxonnep gu avot diga lok li loxot kusu lababao bak lok teren, la loxonin eburu mi levengkongkide gak lok bok teren, mo levengkongkide di etaba min ti ne Moroa. Na loxot diga soxor i do loxot kaala.

Ibru 9:24

Karisito goxo lok lugugu ren to xeneng at loxot kaala limixin diga lox i; mo loxot ni lampoovo mun ap mo loxot tuturun no vana at laxalibet. Ketla neni ga vubeles to vana at laxalibet kusu na tu ro at lemeren ne Moroa la na ngising i ri lok tooro dik.

Lisilimet 11:12

La na luradi vapaase duba ronga lara na vaase ridu boro vana at laxalibet la ba lok, “Ude numu vana.” La duba urut uto vana at laxalibet keneng at loxontakabu, la limixin munepen midu mo diba tu la diba reven du.

Lisilimet 12:12

Kuren la mina momo, nemi limixin mik lok de vana at laxalibet. Ketla naba lolos aleng tinedi limixin di nemen to xopok at lavatbung menemen la to saparap laras; mila ne Satan ira si vam saparap nimi la i musak aleng tinotno, mila ikleklen i do neni noxo nemen abao ro xopok.” Jop 1:9-11, Sam 96:11

Lisilimet 15:5

Melemu at na nia aga ven loogu laplavang ga rem suang to vana at laxalibet la aga ven mo lenep i xaala aleng to xeneng teren.

Lisilimet 18:20

La lara laxaka linga ga lok bok, “Nemi axap mik lok to vana at laxalibet, mina momo. Nemi limixin at ne Moroa, la luvuttadi vavang la lavaeme vapaase alii, mina sosoro aleng, mila ne Moroa ira vorang taba vam i mi langsangan losongsongot mumu lempanga xapmek neni ga lox i rinimi.” Jer 51:48

Lisilimet 21:3

La aga ronga luxupkup silok boro at loxonin orong at ne Moroa ga lok, “Mina ven ba i, lemenemen aulis at ne Moroa monga ira si vam la neni nak lok eburu mi limixin. La ne Moroa naba nemen eburu minedi, la nedi diba lok ngan limixin teren, la ni naba nemen ngan ne Moroa atdi.

Lisilimet 4:1

Melemu at na, aga ven manga lara lisilimet; maxeneng teren aga ven lara lumusaragu ga rem suang to vana at laxalibet. La aga ronga laxaka at lara xerekngan no avot nia aga ronga i, gang teng ngan luru; ga lok tia, ‘Ude vana u, la ana lox ase u mi lempanga naba rupot melemu at nai.’

Lisilimet 4:4

La legepu sangaun mi lavanuet bok lengkot kitkis orong gak lok kangkan mo loxonin orong la legepu sangaun mi lavanuet loxongkulao amgomgo digat kis teren. Diga sigaara mi levesingsiga bunbun la lempatbungorong i gol gak lok to at lempatlak atnedi.

Lisilimet 5:13

Melemu aga ronga leemi asu boro at lempanga axap ne Moroa ga rudum li di, nedi limixin eburu mi levempanga mi lavanuet kangkedek atdi, la nedi bok pana at laxalibet la nade xopok at lavatbung menemen la lempanga bok dik lok keneng at lebelen laxangka la lempanga dik lok at lebelen laras; diga lok, ‘Ti mo lara it kis at loxonin orong la ti Lanasip bok, ma raba numu mi leveloklox anarong, loklok ngangao, leemi asu la lololos ba nemen amisik la kopmen taxavaxap teren.’ 1 Let 29:11

Lisilimet 7:15

Kuren la di tu amisik to melamgo at loxonin orong at ne Moroa la di gugu amisik tin at lengkangking mi lengkanimin keneng ap mo loogu laplavang teren; la ne Moroa, mo it kis at nom loxonin orong, neni naba lok tatao avukat di ro xeneng at loogu ren.

Lisilimet 7:9

Melemu at nai aga ven buaang nedi limixin, ixo epovo do tara na us nedi. Nedi boro at lengkot axap at na lavatbung menemen, la at larabibinat axap la at levenasen bantuxu axap la boro at lempapaase axap, diga tu ro melamgo at loxonin orong la to melamgo bok at Lanasip. Diga sigaara mi levempanga singsiga bunbun. La digam tebeng lempavaxan bisi at levengkikngen di.