Lisilimet 12:9 - Madak

⁹ La ne Mikael eburu mi lubungangelo ren diga lu asi mi mo lavattulaava eburu mi lubungangelo ren. Neni lavattulaava me gaxatnak, luasen teren ne Devel la ne Satan, mo i sasar asoogong limixin axap ti laxapmek; nedi diga lu asi midi ude xopok at na lavatbung menemen.

Lisilimet 12:9 Iomraidhean Croise

Sam 109:6

O Moroa, una lok katling ka taradi sosolo arup, kusu ri lok li laradi munepen minia at lavapaase, la mo laradi sosolo arup naba sok taba i mi levelinga.

Metiu 13:39

La laradi munepen itlotlo lempivilis kapmek, neni ne Satan. Laaleng ti lok bubua limixin, i ru katling laaleng kavaxap at na lavatbung menemen; la luvuttadi gugu, nedi lubungangelo.

Metiu 24:24

Mila buaang nedi limixin babala diba lok do nedi mo lavanarong at ne Moroa la lavaeme vapaase alii ren; diba lok tempanga sangsangu kusu diba sar asoogong lavaanat soxolik at ne Moroa, mo do di epovo.

Metiu 25:41

Melemu nenia anaba lok tidi limixin to saparap lakngak kia, ‘Uto nimi basinge ia, nemi limixin, lasaxaek naba suxuna nimi; uto nimi at laxao i anan tos amisik, ne Moroa ga gagas min ti ne Satan la lubung angelo ren!

Metiu 4:1

Melemu Loroonan Kaala ga lam ka ne Iesu uto at lamatbin kusu ne Satan na lok tong i.

Metiu 4:10

La ne Iesu ga lok tin, “Satan! Pas kaxat basinge ia. Lovoang Kaala i tong i do, ‘Una lotu saparap ne Moroa, Leeme Silok taram la neni xusuk mun una mumu asu i.” Len 6:13

Metiu 4:5

Melemu ne Satan ga lok ka ne Iesu uto at lemenemen kaala, Jerusalem la ga vaxaru li i ro vana at langkut at loogu laplavang,

Metiu 4:8

Melemu ne Satan ga lok ka ne Iesu uto vana at lakaana ga nemen kasep pana la ga lox ase i mi laramenemen axap at na lavatbung menemen la lisisinang atdi.

Lagale Lavavang At Ne Iesu Karisito Luk Ga Malagan i 10:18

La ne Iesu ga vorang i ridi xeretna, “Aga ven lixitkis orong at ne Satan ga xap la ni ga subu soso boro vana at laxalibet ngan lavanga i mam.

Lagale Lavavang At Ne Iesu Karisito Luk Ga Malagan i 13:16

La kereva ba, ixo lox avukat ti lok tooro na latkin me Judaia at laaleng kaala, Satan ga lok kapmex i xerepmo at lasangaun mi lavanuan levenmaares?”

Lagale Lavavang At Ne Iesu Karisito Luk Ga Malagan i 22:3

Satan ga vubeles ukeneng at ne Judas, laasen bok teren ne Iskariot; neni lara atdi lasangaun mi legepura luvuttadi loklok ka anasa.

Lagale Lavavang At Ne Iesu Karisito Luk Ga Malagan i 22:31

La ne Iesu ga lok ti ne Simon, “Simon, Simon! Satan ira lok kaka vam lisisiam at ne Moroa xusu naba lok tong pen nemi axap, kerekngan laradi loklok tatao at laraamang i mangma asu levennit piao boro at lengkakan teren la i lok kepe leventuxu piao.

Lagale Lavavang At Ne Iesu Karisito Luk Ga Malagan i 8:12

Ti levenit ga subu ro at langas, i ru katling nedi ding tonga mo levelinga; ketla ne Satan i tupot la ik lok kepe nom levelinga basinge lebelen di, kusu ri lok pes lunuunu atdi la di noxo lok kaka lorooro.

Lagale Lavavang At Ne Iesu Karisito Jon Ga Malagan I 12:31

Mo nga loxonaleng kusu ne Moroa na ila mumu loklok at limixin at lavatbung menemen; la ne Moroa naba lox axap lololos at ne Satan, neni lamgomgo at na lavatbung menemen.

Lagale Lavavang At Ne Iesu Karisito Jon Ga Malagan I 14:30

Anoxo vaase babaalom eburu bok minimi mila laradi gomgo at na lavatbung menemen monga na vot. Kopmen tololos teren mavana rak.

Lagale Lavavang At Ne Iesu Karisito Jon Ga Malagan I 16:11

Neni naba lox ase di do laaleng ete at ne Moroa naba vot, mila laradi gomgo at na lavatbung menemen, ne Moroa ira lok li vam i at lavapaase la ira li lumumuat mavana ren.

Lagale Lavavang At Ne Iesu Karisito Jon Ga Malagan I 8:44

Nemi laxamdak at ne temen nimi, ne Satan. La mi vavara i do mina mumu asu lavavara at ne temen nimi. Ga ru ka i at lurutu kaxat neni laradi sepsev amet tadi. La neni xopmen na tu at luruturun, mila kopmen turuturun keneng teren. Do neni i vaase laxaxarang, neni ik lok mene levempanga i epovo rin, mila neni laradi xaxarang, la neni lavasuun at laxaxarang.

Leven Gugu 26:18

Nenu uba suang lodoxoma atnedi la uba sat kaka nedi basinge lamain at ne Satan uto at laxasep at ne Moroa, la basinge lolos at ne Satan uto saparap ne Moroa, kusu dina nuunu rak. La kerepmo ne Moroa naba doxoma xepe leveloklok kakapmek atnedi la dinaba ruuna ka loxot tidi xantubu ap mo limixin ne Moroa ga soxolik ka vam di.’

Leven Gugu 5:3

Pita ga lok tin, “Ananias, tila u siam abeles ne Satan ia umsu at lodoxoma ram? La ia lok u, ura xarang Loroonan Kaala, la ura ranga alis bok lenep pilas ap mo luunun uga lok ka i ap mo loxongkangka.

Lovoang At Ne Pol Ti Limixin Nunu to Rom 16:18

Leventaba dik lok mo leveloklok, kopmen dina gugu ri Leeme Silok atnedik, ne Karisito, ketla di gugu mun tinedi xa. Levempapaase atnedi ik lox avukat tinotno eburu mi levendoxoma atnedi; kerepmo dik lox atdan kaka limixin, lunuunu atdi xopmen na lolos, kusu dina sar asoogong di.

Lovoang At Ne Pol Ti Limixin Nunu to Rom 16:20

La ne Moroa laradi at lenmila, mo ma lixilik na but povorok ne Satan to maxopok at lengkangkedek atnimi. Letaba nabalamu at Leeme Silok atdik ne Iesu nak lox eburu minemi.

2 Korin 11:14

Nia axo rakdu bok, mila ne Satan ik lok poovo box i ngan laangelo at laxasep.

2 Korin 11:3

Ketla a marat do lavanga tara na sasar asoogong levendoxoma atnimi la mina ke xepe lunuunu lolos la lotu ruturun atnimi ri ne Karisito, kerekngan ne Iva; lisii ga xarang i mi lakleklen kapmek teren.

2 Korin 12:7

Ketla mumu mo levempanga nunuan aga ven i, nia aga ruuna ka losongsongot de at labantuxu rak, la na losongsongot i lok ngan lasaxaruki at ne Satan kusu na sev asongot tinotno ia la ti ru pe ia basinge loklox asilok.

2 Korin 2:11

Kerepmo la ne Satan noxo epovo na sar asoogong nedik, mila nedik diklen levendomdoma la leven gugu ren.

2 Korin 4:4

Dixo nuunu mila levendomdoma atdi, lomoroa at na lavatbung menemen iram tu kobot pe vam i. La neni i tu kobot pe mo laxasep at Lagale Lavavang kusu noxo soosoo axasep di, mo laxasep i susu boro at lisisixam at ne Karisito, neni lampenaxa at ne Moroa.

Epesas 4:14

Do lorooro atdik nak lok kuren, lunuunu atdik noxo lok ngan lunuunu at laxamdak lixilik, it los ekat ngan laras i repit la iap sep tang at lisim la ira onon taba ugo la ude to at lamaxat. Kerepmo lavaeme loklox ase xaxarang di lok tong i xusu dina sar asoogong lunuunu atdik basinge ne Karisito mi leveloklox ase xaxarang la levelinga babala arup.

2 Tesalonia 2:3

Mi guta ke avolo tara na xarang nimi kerepmo, mila lekarakat silok naba rupot avot ti lovotpot at Leeme Silok. Ap mo levenaleng mumuat, buaang limixin dinaba lox abulubun kepe ne Moroa. La lara laradi kapmek naba ru asuvos. Ketla ne Moroa naba lok kapmex i ro at lemenemen songsongot.

1 Timoti 2:14

Lara lavasuun bok teren i lok keretna; kopmen ne Adam ga mu asu laxaxarang at ne Satan, nom latkin ga mu asu i la ga los polo levelinga at ne Moroa la ga lok laxakapmek.

2 Timoti 3:13

Ketla nedi limixin kapmek mi limixin pereven ka dinaba lok kapmek aleng, la diba xarang limixin la limixin petpes diba xarang nedi.

Ibru 2:14

I ruturun do nedi luvuttadi mun, la kerepmo ne Iesu ga vee radi xusu at lanmet teren neni naba sele utut kepe lololos at ne Satan, mo ik lok limixin kusu dinak marat at lanmet.

1 Pita 5:8

Mina lok tatao avukat lavatpas atnimi la mina reven avukat, atla laradi munepen atnemi neni ne Satan im booro saasaa ngan lavat laion mukmusak, la i puse ri tuvuttadi xusu neni nak lox epeseves nedi basinge ne Karisito.

1 Jon 5:19

Nedik takleklen i do nedik limixin at ne Moroa, la limixin at na lavatbung menemen kopmen dina nuunu at ne Iesu Karisito, di nemen maxopok at lololos at laradi xapmek, ne Satan.

Lovoang At Ne Jut 1:9

I ngan ganoxa laangelo gomgo ne Mikael ga etep mi levelinga eburu mi ne Satan; nedu ga etep mi levelinga do nege naba lok ka labantuxu at ne Moses. Mikael goxo sok taba ne Satan mi levelinga xapmek. Ni ga lok mene xeretna, “Satan. Moroa axa i vaase sox u.”

Lisilimet 12:12

Kuren la mina momo, nemi limixin mik lok de vana at laxalibet. Ketla naba lolos aleng tinedi limixin di nemen to xopok at lavatbung menemen la to saparap laras; mila ne Satan ira si vam saparap nimi la i musak aleng tinotno, mila ikleklen i do neni noxo nemen abao ro xopok.” Jop 1:9-11, Sam 96:11

Lisilimet 12:3

La lara loklok katling bok ga ravasu to vana at lamavangkap. Lara langsangan lavattulaava memele ga rupot. Ni ga ruuna lavanuti lempatlak la lasangaun lempatkom, la lavanuti lempatbungorong gak lok at nom lavanuti lempatlak teren.

Lisilimet 12:7

La lara leesep ga xatu kaxat to vana at laxalibet. Mikael, lara laangelo gomgo eburu mi lubungangelo teren diga esep eburu mi nom lavattulaava; la nom lavattulaava eburu mi lubungangelo ren diga esep tangarang di.

Lisilimet 12:8

Ketla ne Mikael eburu mi lubungangelo ren diga sak tup mi mo lavattulaava, la neni eburu mi lubungangelo ren goxopmen bok ba toxot tidi xusu tik lok to vana at laxalibet.

Lisilimet 13:14

La neni ga ruuna lololos ti lok levempanga sangsangu kusu na lox asilok lavatpanga sio avot, la kerepmo neni ga xarang arup limixin at na lavatbung menemen. Ni ga tong i ridi xusu dina lok lovoovo vanga ap mo lavatpanga sio avot, mo ga ruuna linin kooxing at lavarise sepsep, ketla kopmen goxo met teren.

Lisilimet 16:14

Nedi na leventoonan at lubunggas di ruuna lololos kusu dinak lok lempanga sangsangu. La diga epeseves ti lavatbung menemen axap, kusu dina lok bubua ka lavaorong silok eburu mi limixin esep atdi ri mo leesep ba vot ap mo langsangan laaleng silok at ne Moroa i lolos aleng.

Lisilimet 18:2

La ni ga xup lolos keretna, “Lemenemen silok Babilon ira xapmek pam. La na nga ira lok ngan pam lemenemen aulis ti lubunggas mi laxantoonan kapmek; la lavapixa axap di bilingot la di lok kapmek dik lok teren.

Lisilimet 18:23

Di noxo ven kaka bok ba losoosoo at lababao do xeneng at nom lemenemen, la di noxo ronga bok ba teepang amomo at teloklox epot maxat. La luvuttadi apnovos me go nedi diga lolos aleng keneng at lavatbung menemen axap, la diga sak tup mi lara nep silok axap mumu mun lengkot at lemenemen digak lox i.

Lisilimet 19:20

La nedi diga ranga alis lavatpanga sio eburu mi leeme vapaase alii xaxarang, mo gak lok lempanga sangsangu ri sar asoogong limixin kusu dina lox asilok laasen at lavatpanga sio. Ni ga lok mo lempanga sangsangu xusu na bala arup buaang nedi limixin la diga ruuna ka loklok katling at lavatpanga sio la diga lotu parap lavatpoovo vanga ren. La diga lu arup mi lavatpanga sio la leeme vapaase alii xaxarang, move duga rooro, ro at lemet kao, mo i tos amisik mi lasalpa.

Lisilimet 2:13

Akleklen i do mik lok at lemenemen, ne Satan i nemen keneng teren ngan loorong silok. Ketla laasen tarak mim tebeng alolos i. La nemi xopmen mi goxo soxepe lunuunu atnimi ap mo levenaleng ne Antipas ga uu ren; neni ga nemen ngan laradi ruturun la laradi vapaase asu levelinga rak. Limixin at ne Satan diga sev i dom kantubu at lemenemen silok atnimi, nom ne Satan i nemen teren.

Lisilimet 2:24

Ketla lentaba limixin nuunu atnimi dom Taiataira mixo lok momo at nom laanasa at ne Jesebel. Mixo siam ka laanasa ren la miga ke xepe bok mo levenanasa mumuat di tong i do levendomdoma alipe at ne Satan. Nenia a noxo tong bok tevelinga lolos tinimi xusu mina mu asu i;

Lisilimet 2:9

Aklen levesongsongot nemi mip kiv i, la aklen i do mit kis pakpakes, ketla nemi mip novos aleng mi lempanga boro vana at laxalibet. Aklen levelinga xaxarang atnedi limixin di tong i rinimi do nedi me Judaia, ketla kopmen, nedi mun limixin lotu at ne Satan.

Lisilimet 20:10

La mo laradi babala arup, ne Satan, Moroa naba lu arup min uto at lemet kao at lasalpa; mo lemet kao lavatpanga sio eburu mi laradi vapaase alii xaxarang dubak lox e, la go nedi lavantun dinaba ruuna ka losongsongot silok at levenaleng kangking la kanimin la kopmen taxavaxap teren.

Lisilimet 20:8

La ni naba vasu ri bala limixin at lengkot axap at na lavatbung menemen. La nedi lubungmixin me Gok la Magok, Satan naba lok bubua ka di kusu ri leesep, la luutus atdi naba umsu aleng kerekngan laxangkaneng to loxon.

Lisilimet 3:9

Lentaba limixin mo di tong i do nedi me Judaia, ketla kopmen, nedi lavaanat babala la nedi limixin lotu at ne Satan. Anaba lok nedi la dina vot pasa nimi la dina xis tiktikbu mi lempatgulom atdi dom melamgo atnimi la diba tong asu i do nenia a balamu aleng tinotno nimi.

Lisilimet 9:1

La laangelo sepsev avalimo ga mas mo luru ren la aga ven lenti no xopok at laxangka ga subu si boro vana lamavangkap. La mo lenti ga lok ka lengki ri suang lumusaragu at lemeroon.

Lisilimet 9:20

La nedi limixin di goxo met ap mo levesongsongot, di goxo leeng basinge leveloklok kakapmek atdi. La move di goxo xap ti lotu saparap lubunggas la lempoovo moroa diga lox i mi levenuat ngan logol, la siliva la borons la levenuat petpes bok la levengkonuna, mo lempanga dixo epovo do dina reven la dinang tonga la dinat pas.