Lisilimet 12:4 - Madak

⁴ Latketke ren ga rev asi lenep sepsev avantun at larapenti boro vana at laxalibet la ga lu asi midi ude xopok at lavatkangka. La na lavattulaava ga tu to melamgo at nom latkin kusu neni na anan lamdak teren do ni na visik asu i.

Lisilimet 12:4 Iomraidhean Croise

Lagale Lavavang At Ne Iesu Karisito Jon Ga Malagan I 8:44

Nemi laxamdak at ne temen nimi, ne Satan. La mi vavara i do mina mumu asu lavavara at ne temen nimi. Ga ru ka i at lurutu kaxat neni laradi sepsev amet tadi. La neni xopmen na tu at luruturun, mila kopmen turuturun keneng teren. Do neni i vaase laxaxarang, neni ik lok mene levempanga i epovo rin, mila neni laradi xaxarang, la neni lavasuun at laxaxarang.

1 Pita 5:8

Mina lok tatao avukat lavatpas atnimi la mina reven avukat, atla laradi munepen atnemi neni ne Satan im booro saasaa ngan lavat laion mukmusak, la i puse ri tuvuttadi xusu neni nak lox epeseves nedi basinge ne Karisito.

Lisilimet 12:7

La lara leesep ga xatu kaxat to vana at laxalibet. Mikael, lara laangelo gomgo eburu mi lubungangelo teren diga esep eburu mi nom lavattulaava; la nom lavattulaava eburu mi lubungangelo ren diga esep tangarang di.

Lisilimet 12:9

La ne Mikael eburu mi lubungangelo ren diga lu asi mi mo lavattulaava eburu mi lubungangelo ren. Neni lavattulaava me gaxatnak, luasen teren ne Devel la ne Satan, mo i sasar asoogong limixin axap ti laxapmek; nedi diga lu asi midi ude xopok at na lavatbung menemen.

Lisilimet 13:2

La mo lavatpanga sio ga lok ngan lavatlepat, la lengkangkedek teren ga lok ngan at lavatbea, la lungusno ga lok ngan at lavat laion. La mo lavattulaava ga raba i mi lololos teren la lixitkis teren ti lok tatao limixin la lisisilok teren mavana at lempanga axap.

Lisilimet 13:4

La diga lotu parap nom lavattulaava mila neni ga raba lololos teren ti lavatpanga sio. La mo limixin diga lotu parap bok lavatpanga sio, diga lok keretna, “Kopmen tara i epovo mi na lavatpanga sio, la kopmen tara i epovo na sak tup min.”

Lisilimet 16:13

La nia aga ven lavantun lubunggas ga milik ngan laxarokrok, lara ga sixisu boro at lungusno at lavattulaava, la lara boro at lungusno at lavatpanga sio, la lara boro at lungusno at laradi vapaase alii xaxarang.

Lisilimet 17:18

La mo latkin ngarangat ura ven i, i ru katling mo lemenemen silok, ni imgomgo ri laramenemen silok at lavaorong silok at na lavatbung menemen.”

Lisilimet 20:2

La mo laangelo ga ranga alis lavattulaava la ga xoxo i kusu na nemen kuren at legesa abin sangsangaun kobot (1000) levenmaares. Mo lavattulaava ga nemen ganoxa, neni ne Devel la laasen bok teren ne Satan.

Lisilimet 8:10

La laangelo sepsev avantun ga mas luru ren la langsangan lavatpenti ga subu si boro vana at laxalibet ga ngangao lolos ngan loxonaros kao silok, la ga subu at lenep sepsev avantun at laratadan.

Lisilimet 8:11

Laasen ap mo lenti ne Laksoxobi. Lenep sepsev avantun at laradan axap ga so mamao; la buaang nedi limixin diga in ap mo laradan diga met, mila mo levendan ga rem gili la ga so mamao.

Lisilimet 8:12

La laangelo sepsev avanuet ga mas luru ren la laxangking la lagaaling la larapenti, lara ga sep di la lenep sepsev avantun at laxangking ga buxumin, la lenep sepsev avantun bok at lagaaling ga buxumin, la lenep sepsev avantun at larapenti goxo soosoo. Lenep sepsev avantun at levenaleng kangking, laxangking kopmen goxo soosoo; la lenep sepsev avantun at levenaleng kanimin, lagaaling kopmen goxo soosoo bok.

Lisilimet 8:7

Laangelo avot ga mas mo luru ren. La lengkos uat gan bun aleng eburu mi laxao ga subu ukopok ti laxangka eburu mi lada. La lenep sepsev avantun at laxangka ga an axap mi laxao la lenep sepsev avantun bok at larauna ga an axap mi laxao la lempivilis avukat ga an axap.

Lisilimet 8:8

La laangelo sepsev agepura ga mas luru ren, la mo lara lavanga ga lok ngan lavattaavut silok, laxao gak lok teren, lara ga lu asi min uto xopok at laras. La lenep sepsev avantun at laras ga vee da;

Lisilimet 8:9

la lenep sepsev avantun at lempanga axap di rooro at lebelen laras diga met. La lenep sepsev avantun at levempattaaxup diga lok kapmek.

Lisilimet 9:10

La diga ruuna bok levenatketke la ga soxobi ngan at levenaksoxomet; la mo lololos ti sev asongot gak lok at levenatketke atdi la diga epovo na lox asongot limixin keneng at nom lavalimo gaaling.

Lisilimet 9:19

Lololos ap mo laxanos gak lok to at levenngusno atdi, la to at levenatketke atdi. Mo levenatketke atdi ga lok ngan lempasii la diga ruuna lempatlak atdi kusu dina sev asongot bok limixin min.