Lisilimet 11:12 - Madak

¹² La na luradi vapaase duba ronga lara na vaase ridu boro vana at laxalibet la ba lok, “Ude numu vana.” La duba urut uto vana at laxalibet keneng at loxontakabu, la limixin munepen midu mo diba tu la diba reven du.

Lisilimet 11:12 Iomraidhean Croise

Sam 112:10

La limixin kapmek diba ven i la dina musak, la dinabak milik angtungun tin; ketla levenasen silok atdi ba si aleng tino la mo levendoxoma agagas atdi kopmen noxo soorun.

Sam 15:1

Leeme Silok, nege i epovo na vubeles at loogu xaala ram? Nege i epovo na nemen eburu minu ro Saion at lakaana xaala ram?

Sam 24:3

Loklok atnege i lox avukat kusu neni ba epovo na vas urut uto vana at lakaana at Leeme Silok ti lotu saparav i? Loklok atnege i lox avukat kusu neni ba epovo na vubeles uto xeneng at loogu laplavang teren i xaala?

Sam 86:17

Leeme Silok, una lox asuusu mo luvukat taram tia, kusu nedi ua dingolong angtungun tia, dinaba mangan at loxonaleng dina ven i do ura lox aratao xaka ia la ura lok tooro ia.

Lagale Lavavang At Ne Iesu Karisito Luk Ga Malagan i 16:23

Neni ga suma aleng langsangan losongsongot to Edesa, la ni ga milik aurut la ga ven ne Abaram gak lok paxalom tinotno, eburu mi ne Lasaro go saparav i.

Leven Gugu 1:9

Melemu at na levelinga ren, Moroa ga lam kaka i upana la loxontakabu ga lok pe i basinge levereven atnedi.

1 Tesalonia 4:17

La nedi limixin nuunu move di rooro ap mo laaleng, dinaba urut la dinaba vot pasa nedi digamgo vam at labantakabu; la dinaba ekip tangarang mi Leeme Silok to at lamavangkap la nedik tanaba nemen amisik eburu min.

Lisilimet 12:5

La neni ga visik lamdak temes, mo naba lok tatao limixin axap at na lavatbung menemen la loklok tatao ren naba lolos aleng. Ketla ne Moroa ga lok ka mo lamdak uto vana at loxonin orong teren.

Lisilimet 3:21

Do tara na tu lolos at lunuunu ren la it pas asi lololos laxapmek, aba mulus ka i xusu ni nabat kis eburu minia ro at lixitkis orong tarak, kerekngan ia aga sak tup mi lavamunepen tarak la na nga nia at kis eburu mi ne Tamak to at loxonin orong teren.

Lisilimet 4:1

Melemu at na, aga ven manga lara lisilimet; maxeneng teren aga ven lara lumusaragu ga rem suang to vana at laxalibet. La aga ronga laxaka at lara xerekngan no avot nia aga ronga i, gang teng ngan luru; ga lok tia, ‘Ude vana u, la ana lox ase u mi lempanga naba rupot melemu at nai.’