Lisilimet 10:1 - Madak

¹ Melemu aga ven manga lara laangelo lolos ga si boro vana at laxalibet. La loxontakabu ga itis i ngan lavanga singsigaara, la laxaburi gak lok to mavana at lavatlak teren. La lemeren ga soosoo ngan laxangking la luxangkedek teren ga lok ngan legepu xus una, laxao gak lok teren.

Lisilimet 10:1 Iomraidhean Croise

Sam 104:3

la uga vaxaru loogu silok tu ro mavana at ladan ik lok tovana. La ut kis to mavana at lengkon takabu ngan lagengen taram la lamanman it mas aonon u.

Sam 97:2

Lengkon takabu mi lubuxumin dung kan i; neni im gomgonga limixin mi levelinga mokmokso la lodoxoma avukat.

Metiu 17:2

Ap mo loxot Moroa ga lox arepukus ne Iesu to melamgo at lavantun luvuttadi loklok ka anasa ren. Lemeren ga soosoo ngan laxangking la lempanga singsiga ren gan bun kerekngan lovottas i sovosok.

Lagale Lavavang At Ne Iesu Karisito Luk Ga Malagan i 21:27

Ap mo levenaleng limixin diba ven ia, Laradi Mevana, anaba vot at loxontakabu mi langsangan lololos mi lisisixam.

Leven Gugu 26:13

Mo go mun ap mo langas ga xanangking tubu, aga ven lababao gamgames aleng, ga soso boro vana at laxalibet; laxasep teren ga volo laxasep at laxangking la ga ngao pavaa ia eburu minedi luvuttadi diga emu minia.

Lisilimet 1:7

Mina ven avukat tin. Neni mo naba vot eburu mi loxontakabu, la larabung mixin axap eburu minedi diga vaxarem i at laxaba, dinaba ven i. La limixin axap at na lavatbung menemen dinaba saxaanu mu bok ba i. La nai naba ravasu ruturun kuren. I ruturun.

Lisilimet 18:1

Melemu at nai aga ven lara laangelo vetpes manga ga si boro vana at laxalibet, mi langsangan lololos teren; la na lavatbung menemen axap ga xasep mi losoosoo ap mo laangelo.

Lisilimet 18:21

La lara laangelo lolos ga ranga ka lara langsangan lavaruat la ga lu arup min to at laras la ga lok keretna, “Lemenemen silok Babilon; at na mun langas lara ba lu asi mi na lemenemen kerekngan na lavaruat, la kopmen tara noxo vuse ka bok ba i.

Lisilimet 20:1

La nia aga ven lara laangelo ga si boro vana at laxalibet, neni gam tebeng lengki at lemeroon la gam tebeng bok lavaroos sen silok.

Lisilimet 4:3

La mo laradi gat kis teren, neni ga milik ngan tinotno limikmilik at la jespa, loxonuat gamgames i memele la ga milik bok ngan lakanilian, loxonuat gamgames i memele aleng ngan lada; la laxaburi gak lok kangkan mo loxonin orong ga milik ngan la emaral, loxonuat gamgames i mamaxa.

Lisilimet 5:2

La nia aga ven laangelo lolos gap kup lolos mi lususue xeretna, ‘Nege i epovo do na ba kaxat na levelumlut la na obes na lugun linga?’

Lisilimet 8:13

Nia aga reven i na, la aga ronga lamalom, gang teng lolos to vana at lamavangkap la ni gang teng keretna, “Naba lok kapmek aleng, naba lok kapmek aleng tinedi limixin di rooro at na lavatbung menemen, mila levenmumuat lolos naba vot at loxonaleng mo lavantun lubungangelo dina mas laratu atdi la mo loxonaleng ira auret ta.”