Lisilimet 1:2 - Madak

² la neni naba tong asu mo lempanga axap ni ga ven i. La anai, ni levelinga boro at ne Moroa, la mumu bok mo levelinga ruturun ne Iesu Karisito ga vaase i.

Lisilimet 1:2 Iomraidhean Croise

Lagale Lavavang At Ne Iesu Karisito Jon Ga Malagan I 1:32

La ne Jon ga tong asu lavapaase axasep keretna, “Aga ven Loroonan Kaala ga rava si boro vana at laxalibet la gasga i, ga lok ngan lamno.

Lagale Lavavang At Ne Iesu Karisito Jon Ga Malagan I 12:17

La mo limixin diga nemen eburu mi ne Iesu ap mo laaleng neni ga roo asu ka ne Lasaro boro at lamaaut, la ga lox aroo amlong i basinge lanmet. Diga tong asu na lavanga ro Jerusalem.

Lagale Lavavang At Ne Iesu Karisito Jon Ga Malagan I 19:35

Lara laradi ga ven na levempanga, neni i paase asu i ri limixin la levelinga ren i ruturun. La iklen i do levelinga ren i ruturun la i tong asu i xusu nemi bok mina nuunu at ne Iesu.

Lagale Lavavang At Ne Iesu Karisito Jon Ga Malagan I 21:24

Mo laradi loklok ka anasa ga ven na lempanga la ga malagan levelinga at na lubuk, la maklen i do levelinga ren i ruturun.

Lagale Lavavang At Ne Iesu Karisito Jon Ga Malagan I 3:11

A tong tuturun i ru, nema ma paase mi lempanga makleklen i, la ma tong lempanga maga ven i, ketla kopmen tinotno tara atnimi limixin amgomgo, na lok do na siam ka levelinga atnama.

Leven Gugu 22:15

La nenu uba tong asu levelinga ri limixin axap mumu mo lempanga nenu uga ven i la ugang tonga i.

Leven Gugu 26:16

Ketla una xatu kaxat la una ru mi luxangkedek taram. Ana ara vot asaxaven pam tu xusu ri soxolik ka u, i ngan lasaxaruki rak; nenu uba tong asu na lavanga nenu u ven i rak lingina ri lentaba vetpes la lempanga bok aba lox ase u min melemu.

Leven Gugu 4:20

Kuren la nema ma noxo xap ti vaase asu mo lempanga nema maga ven i la maga ronga i.”

1 Korin 1:6

La kerepmo neni ga lox asuusu i rinimi do lavavang mumu ne Karisito maga tong asu i rinimi ga ruturun.

1 Korin 2:1

Luvutnetak mi luvurinuk. Nenia agat pas udo saparap nimi xusu ana vavang tinimi mi levelinga at ne Moroa, kopmen lavapaase rak goxo sixit nunuan ngan laradi vapaase, la lavavang tarak goxo umsu mi lakleklen at na lavatbung menemen.

1 Jon 1:1

Nema luvuttadi vavang ma malagan li na levelinga mumu mo laradi ga rooro avot ti luruntudum li at na lavatbung menemen. Nema maga ronga levelinga ren la maga ven i mi levengkatli atnema, maga reven kisip lugugu ren la maga long tu ren. Neni lavapaase im taba lorooro la ma vavang min tinimi.

1 Jon 4:14

La nema magara ven pam ne Nitna la ma tong asu i dola ne Temen dik ga riki ne Nitna ngan Laradi Loklox Arooro ri limixin at na lavatbung menemen.

3 Jon 1:12

Limixin axap di paase levelinga avukat mumu ne Demitrius la lorooro ren ik sixit epovo mi levelinga ruturun. Nema bok ma paase levelinga avukat mumu i, la nenu uklen i do na levelinga atnama i ruturun.

Lisilimet 1:11

La mo laxaka linga ga lok, “Una lok kaka lugun la una malagan asu na lempanga nenu uba ven i; la una lox aonon i uto at lavanuti leventaugu lotu, tara uto Epesas, la tara uto Smena, la tara uto Pegamam, la tara uto Taiataira, la tara uto Sadis, la tara uto Piladelpia, la tara bok uto Lodisia.”

Lisilimet 1:19

Kuren la una malagan asu lempanga salai u ven pam i la lempanga salai mo naba vot melemu.

Lisilimet 1:9

Nenia ne Jon, neton nemi limixin mi nuunu at ne Iesu. La nenia na ap kip levesongsongot eburu minimi, la nedik eburu lavaanat at Linintoo ren, la ata tu tuxuruxun at lunuunu atdik, do nedik ata ekip tangarang mi levesongsongot. Nenia agak lok at losoxan to Patimos, nia aga nemen go ngan laradi xokoxo mila nia aga tong asu Lagale Lavavang at ne Moroa mi levelinga ruturun at ne Iesu.

Lisilimet 12:11

La luvutneton nedik dira sak tup pam mi ne Satan mila diga nuunu at lada at Lanasip la at lempapaase ruturun at ne Moroa, mo levelinga diga tong asu i la di goxo marat mi lorooro atdi, diga gagas kusu dina met.

Lisilimet 12:17

La melemu mo lavattulaava ga musak teng aleng mumu nom latkin, la ni ga vas kaxat basinge i, la ga onon uto at lenep petpes kusu na esep eburu mi livipisik li at nom latkin; nedi mo ding tonga res at levelinga at ne Moroa la di nuunu at levempapaase ruturun at ne Iesu.

Lisilimet 20:4

La nia aga ven lengkonin at lavaorong silok, la nedi limixin digat kis teren, diga ruuna lololos kusu dina ila mumu loklok at limixin. La aga ven bok leventoonan atnedi limixin la limixin petpes diga ra korop lengkaka atdi mila diga tong asu lunuunu atdi keneng at ne Iesu, la diga nuunu bok at levelinga at ne Moroa. At lorooro atdi di goxo lotu parap lavatpanga sio la lavatpoovo vanga ren la di goxo lok ka loklok katling at lavatpanga sio to at lenmang atdi kopla levengkikngen di. Diga roo xat amlong la nedi eburu mi ne Karisito digam gomgo ri limixin at legesa abin sangsangaun kobot (1000) levenmaares.

Lisilimet 22:21

Letaba nabalamu at Leeme Silok ne Iesu nak lox eburu mi limixin at ne Moroa. I ruturun.

Lisilimet 6:9

La Lanasip ga ba kaxat kepe manga levelumlut sepsev avalimo. La aga ven uto saparap loxonin laplavang la maxopok teren aga ven labaroonan at limixin nuunu diga met gano. Limixin diga sev amet di mila diga tong asu levelinga at ne Moroa la levelinga ruturun at ne Iesu Karisito.