Lisilimet 1:11 - Madak

¹¹ La mo laxaka linga ga lok, “Una lok kaka lugun la una malagan asu na lempanga nenu uba ven i; la una lox aonon i uto at lavanuti leventaugu lotu, tara uto Epesas, la tara uto Smena, la tara uto Pegamam, la tara uto Taiataira, la tara uto Sadis, la tara uto Piladelpia, la tara bok uto Lodisia.”

Lisilimet 1:11 Iomraidhean Croise

Leven Gugu 16:14

Lara atdi mo digang tonga nama, laasen teren ne Lidia, neni boro Taiataira; neni ga sesep mi lempanga singsiga nunuan. Ni latkin ga lotu saparap ne Moroa; la Leeme Silok ga suang lebelen kusu ni na siam kaka mo lavapaase at ne Pol.

Leven Gugu 18:24

Lara laradi me Judaia laasen teren ne Apolos, neni boro Aleksandria, gat pas uto Epesas. Ni laradi levelinga ren ga lok nunuan amisik la ni gakleklen avukat levelinga at Lovoang Kaala.

Leven Gugu 20:17

Pol ga riki lara laradi mi levelinga boro Mailitas uto Epesas, ga sing loxongkulao silok at lotu xusu dina ekip tangarang min.

1 Korin 15:32

La do xopmen taxakatu kaxat amlong, kopmen tavasuun teren do agara esep eburu vam mi levempanga esep mi lavanuet kangkedek atdi ro Epesas. La do labarongan di noxo roo xat amlong, nenia aba ke xepe lugugu at ne Moroa la aba mumu asu loklok di tong i xeretna, “Ata anan la ata inin mila dik ataba met soso mun.” Ais 22:13

1 Korin 16:8

Ketla nia aba nemen nade Epesas se at laaleng at la Pentikos,

Epesas 1:1

Nenia ne Pol, laradi vavang at ne Iesu Karisito; Moroa ga soxolik ka ia ri na lugugu. Nia a malagan na levelinga rinemi limixin nuunu boro Epesas, mi nuunu ruturun keneng at ne Iesu Karisito.

Kolosi 2:1

Ana tong axasep nimi do nia a gugu lolos ti lok tooro nimi eburu mi limixin nuunu boro Lodisia eburu minedi bok kovisi dina epen etang minia.

1 Timoti 1:3

Nia a vara i do una nemen go Epesas, kerekngan aga tong i ru ap mo laaleng nia aga vas kaxat uto Masadonia. Leventaba luvuttadi me go Epesas di vanasa limixin mi levenanasa xaxarang; kuren la una tong i ridi do dina xap ta ap mo loklok.

Lisilimet 1:17

Se nia aga ven i, aga subu saparap luxangkedek teren la nia aga met aroo. Ketla ni ga sogo tu rak mi lekngen tino, la ni ga lok tia, “Nemen gat uta marat. Nenia mun Lurutu Kaxat la Lumumupit.

Lisilimet 1:19

Kuren la una malagan asu lempanga salai u ven pam i la lempanga salai mo naba vot melemu.

Lisilimet 1:2

la neni naba tong asu mo lempanga axap ni ga ven i. La anai, ni levelinga boro at ne Moroa, la mumu bok mo levelinga ruturun ne Iesu Karisito ga vaase i.

Lisilimet 1:20

Levelinga alipe at lavasuun at lavanuti larapenti nenu u ven i de at lakngak tino, di lok katling lavanuti nedi lubung angelo dik lok tatao mo lavanuti leventaugu lotu. La lavanuti levenbabao gol, di ru katling nom lavanuti leventaugu lotu.”

Lisilimet 1:4

Nenia ne Jon, a malagan na levelinga tinemi lavanuti leventaugu lotu mik lok at lenep silok Asia. Letaba nabalamu la lenmila at ne Moroa nak lox eburu minimi. Neni ga nemen gano, i nemen lingina la naba vot bok melemu. La lavapaase momo bok tinemi boro at lavanuti leventoonan, mo di tu to melamgo at loxonin orong at ne Moroa,

Lisilimet 1:8

Moroa Leeme Silok atdik ga lok keretna, “Nenia mun Lurutu Kaxat la Lumumupit at lempanga axap. Nia aga nemen gano, a nemen lingina, la anaba vot bok melemu. Nenia a lolos aleng.”

Lisilimet 10:4

Aga gagas kusu ana malagan mo levelinga diga tong i, ketla aga ronga laxaka linga at lara ro vana at laxalibet ga lok tia, “Nemen uta malagan mo levelinga atdi, ni ba nemen alipe mun.”

Lisilimet 14:13

La aga ronga levelinga ga si boro vana at laxalibet ga lok tia, “Una malagan i na. Luvukat tinedi dinaba met mi lunuunu atdi keneng at Leeme Silok ne Iesu, i ru ka nga i mo.” La Loroonan Kaala ga lok bok keretna, “I ruturun aleng. Diba ruuna loklox amas basinge levenmumuat la levesongsongot atdi, mila diba ruuna ka luunun avukat at lorooro melemu ti mo leveloklok nunuan digara lok pam i.”

Lisilimet 19:9

La mo laangelo ga lok tia, “Una malagan i na, ‘Luvukat tinedi limixin ne Moroa ba xup ka di ri leluxa at loklox epot at Lanasip.” La ni ga lok bok tia, “Anai, ni levelinga ruturun boro at ne Moroa.”

Lisilimet 2:1

Leeme Silok ga lok bok tia, “Una malagan na levelinga ti laangelo ik lok tatao limixin lotu ro Epesas. ‘Na levelinga boro ap mo lara im tebeng lavanuti larapenti at lekngen tino la neni it pas kantubu at lavanuti levenbabao gol.

Lisilimet 2:12

La Leeme Silok ga lok bok tia, “Una malagan na levelinga ri laangelo ik lok tatao limixin lotu ro Pegamam. ‘Anai levelinga boro ap mo laradi i ruuna lavarise sepsep i anan evan.

Lisilimet 2:18

La Leeme Silok ga lok bok, “Una malagan bok na levelinga ti laangelo ik lok tatao limixin lotu to Taiataira. ‘Anai levelinga boro at ne Nitna ne Moroa, luxatli ren i babao ngan laxao bokbolot, la luxangkedek teren i ngangao ngan loxonuat, laxao i an amemeles i.

Lisilimet 2:24

Ketla lentaba limixin nuunu atnimi dom Taiataira mixo lok momo at nom laanasa at ne Jesebel. Mixo siam ka laanasa ren la miga ke xepe bok mo levenanasa mumuat di tong i do levendomdoma alipe at ne Satan. Nenia a noxo tong bok tevelinga lolos tinimi xusu mina mu asu i;

Lisilimet 2:8

Leeme Silok ga lok bok tia, “Una malagan na levelinga ri laangelo ik lok tatao limixin lotu to Smena. ‘Anai ni levelinga ap mo lara neni Lurutu Kaxat la Lumumupit, mo ga met ketla gara roo xat amlong pam.

Lisilimet 21:5

La mo Laradi gat kis at loxot kitkis teren ga lok, “Monga ana lox amaxat lempanga axap.” La ni ga lok bok tia xeretna, “Una malagan i na mila na levelinga i ruturun la i epovo do limixin dina nuunu ren.”

Lisilimet 22:10

La ni ga lok tia, “Nemen uta lipe levelinga vapaase alii at na lubuk, mila loxonaleng monga i auret kusu na levelinga na sorun.

Lisilimet 22:16

Nenia ne Iesu. Ara riki vam laangelo rak tinemi limixin at lotu xusu ni na vaase axasep nimi mi na levelinga. Nenia lavatturunen la livisik li at ne Devit; la nenia lentian i soosoo aleng.

Lisilimet 3:1

La Leeme Silok ga lok bok tia, “Una malagan i na levelinga ti laangelo ik lok tatao limixin lotu ro Sadis. ‘Anai levelinga boro ap mo laradi i ruuna lavanuti leventoonan dik lok to melamgo at ne Moroa, la im tebeng lavanuti larapenti. Akleklen leveloklok atnimi; limixin di lok do mi ruuna lorooro, ketla kopmen, mi ruuna mun lanmet.

Lisilimet 3:14

La Leeme Silok ga lok bok tia xeretna, “Una malagan na levelinga ti laangelo ik lok tatao limixin lotu ro Lodisia. ‘Ana levelinga boro at ne Luruturun, ni laradi ruturun i tong asu levelinga at ne Moroa la ni lamgomgo at luruntudum li at ne Moroa.

Lisilimet 3:4

Ketla lentaba mun atnimi ro Sadis kopmen di goxo lok laxakapmek. Nedi mo diba sigaara mi levesingsiga bunbun la dinaba emu minia mila nedi mo di epovo rinotno.

Lisilimet 3:7

Leeme Silok ga lok bok tia, “Una malagan na levelinga ti laangelo ik lok tatao limixin lotu dik lok ro Piladelpia. ‘Ana levelinga neni boro at laradi i melemelengan la i ruturun. La neni im tebeng lengki at ne Devit, loorong silok me gano; mo lengki i susuang lumusaragu at Linintoo at ne Moroa. Mo lumusaragu neni i susuang i, kopmen tara na epovo xusu na vi pe i, la mo lumusaragu neni i vi pe i, ixo epovo do tara na suang i.