Kolosi 2:3 - Madak

³ Neni mun lengki ti suang mo lodomdoma lipe, kusu limixin diba epovo dinaklen ka mo lodoxoma la lakleklen silok at ne Moroa.

Kolosi 2:3 Iomraidhean Croise

Metiu 10:26

La ne Iesu ga lok bok keretna, “Nemen gat mita marat at limixin di munepen minimi; mila levenai mo nga di se bopbop li i, naba men at lasaxaven, la lempanga sai mo dik lox alipe, naba ravasu at lasaxaven la limixin axap dibaklen i at laaleng ete.

Lagale Lavavang At Ne Iesu Karisito Luk Ga Malagan i 11:49

Kuren la ne Moroa mi lakleklen silok teren ga lok, ‘Aba riki lavaeme vapaase alii la luvuttadi vavang, la lentaba atdi diba sev amet di la lentaba diba lox asongot di.’

Lovoang At Ne Pol Ti Limixin Nunu to Rom 11:33

“Lapnovos at ne Moroa i silok aleng. Lodoxoma ren la lakleklen teren i si aleng. Nege i epovo xusu na soxomus lavasuun at lodoxoma ren? Nege i epovo xusu naklen avukat leventaangas teren?

1 Korin 1:24

Ketla ne Moroa ga soxolik ka leventaba atnedi leme Judaia la leme Grik. Ma vavang mi laasen at ne Karisito, neni i lox asuusu lololos la lakleklen at ne Moroa rinedi.

1 Korin 1:30

Ketla ne Moroa gara lok ka vam nimi ri lixitkis etangas eburu mi ne Iesu Karisito la ne Moroa ga lok katling pam ne Karisito ngan laxasep tidik; keneng mun at ne Iesu Karisito, ne Moroa ga vaxaxis buru dik min, la ga lok dik ngan limixin dadat teren, la gara lox asepmus nedik basinge laxakapmek atdik.

Epesas 1:8

mo ni ga lox aumsu dik min eburu mi lodoxoma avukat la lakleklen teren.

Kolosi 1:19

At lodoxoma axa at ne Moroa do ne Nitna, naba venaxa ka ren,

Kolosi 1:28

Nema ma vavang mi ne Karisito ri limixin; ma vaase aronga di la ma anasa di mi lakleklen at ne Moroa kusu nedi axap diba ruuna ka luruptuvuk mokmokso kerekngan ne Karisito la kopmen taxakapmek atdi. La diba nemen kuren se ap mo laaleng diba tu ro melamgo at ne Moroa.

Kolosi 1:9

Maga ronga i nom, kuren la kopmen mana xap mi lisingising tinimi. Ma sing ne Moroa, kusu na suxa aumsu nimi mi lakleklen at lavavara ren, la kerepmo miba ruuna ka lodoxoma avukat keneng at lorooro atnimi, mo lodoxoma i ravasu boro at Loroonan Kaala.

Kolosi 3:16

La mina ke levelinga at ne Karisito na nemen atmatkun keneng at lorooro atnimi. Mina umsu min mo do mina lox ase la mina vaase axasep ela nimi mi lakleklen at ne Moroa. La minak pixan ti ne Moroa mi lengkompixan at ne Devit la lengkompixan at lotu la lengkompixan emi asu; la lorooro atnimi na umsu mi loklok ti tong avukat saparap ne Moroa.

Kolosi 3:3

Mila lorooro maut atnimi gara met pam, la lorooro maxat atnemi i nemen avukat mi ne Karisito saparap ne Moroa.

2 Pita 1:5

Neni lavasuun ba ren la mina lolos tinotno xusu minak lox epasum luvukat ukeneng ti lunuunu atnemi; la minak lok epasum lakleklen ukeneng at luvukat atnemi;

Lisilimet 2:17

Do tara i ruuna lubaalung, i lox avukat kusu neni na ronga na levelinga Loroonan at ne Moroa i tong asu i ri limixin lotu. Ti mo lara do i tu lolos la it pas asi amisik laxapmek, aba raba i mi leveluxa boro vana at laxalibet, laasen teren lamaana, no i nemen alipe. La aba raba box i mi luat bunbun, eburu mi laasen maxat, mo bak lok at luat bunbun. Kopmen teta naklen mo laasen, ketla mo laradi xusuk mun naba ruuna ka mo luat nabaklen i.”