Kolosi 1:6 - Madak

⁶ Na Lagale Lavavang i ruuna laxampipisik solo la i sat kaka limixin at na lavatbung menemen axap kusu dina nuunu at ne Iesu Karisito la dina lok leveloklok i nunuan. La kerepmo bok Lagale Lavavang i pisik kantubu atnimi, ga ru ka i ap mo laaleng miga ronga i la miga ven kibis letaba nabalamu at ne Moroa, mo letaba nabalamu i ruturun tinotno.

Kolosi 1:6 Iomraidhean Croise

Sam 110:3

At levenaleng at leesep limixin esep taram diba xulubi aleng kusu ri esep. La no mun at lenmaxantamak suubu, luvurau radi ram dibat pas posiga u ro vana at lakaana i xaala.

Sam 98:3

Neni ga lox epovo laxakaape ren ti limixin me Israel la i ruturun amisik tidi la ik lox asuusu labalamu lexen tidi. Limixin axap at lengkot axap digara ven pam ne Moroa atnedi ga sak tup mi lavamunepen teren.

Metiu 24:14

La dinaba tong asu Lagale Lavavang mumu Linintoo ngan lavapaase asu ri limixin at lengkot axap, la melemu ba ren laxavaxap at na lavatbung menemen naba vot.”

Metiu 28:19

Kuren la mina onon la mina lox ase limixin at lengkot axap kusu diba ravasu ngan luvuttadi loklok ka anasa rak; la mina sep susu di mi laasen at ne Temen dik la ne Nitna eburu bok mi Loroonan Kaala.

Lagale Lavavang At Ne Iesu Karisito Mak Ga Malagan I 16:15

La neni ga lok tidi xeretna, “Mina onon uto at levengkot axap at na lavatbung menemen la mina tong asu Lagale Lavavang tarak ti limixin axap.

Lagale Lavavang At Ne Iesu Karisito Mak Ga Malagan I 4:8

La lentaba ga subu ro at loxongkangka avukat la ga su xat, la ga susu avukat, la melemu ga visik laxampeven teren. Lentaba ga visik lavantun sangaun, lentaba ga visik lavanna sangaun, lentaba ga visik legesa sangaun kobot (100).”

Lagale Lavavang At Ne Iesu Karisito Jon Ga Malagan I 15:16

Nemi xopmen mi goxo soxolik ka ia; nenia xa aga soxolik ka nimi xusu mina lok lugugu rak la mina visik asu tevempeven una nunuan, nom lempeven una nunuan kopmen noxop sopso, ketla naba nemen amisik. Kuren la ne Tamak naba raba nimi mi tevempanga salai mina sing tin keneng at laasen tarak.

Lagale Lavavang At Ne Iesu Karisito Jon Ga Malagan I 17:19

La ana raba lorooro rak kusu ri lok tooro di la kusu nedi bok diba raba ruturun lorooro atnedi ri lugugu rak.”

Lagale Lavavang At Ne Iesu Karisito Jon Ga Malagan I 4:23

Ketla mo laaleng naba vot, nanga ira vot pam, la limixin lotu ruturun diba lotu parap ne Temen di mi lusumsuma at Loroonan Kaala la mi luruturun. Nedi mo limixin lotu ruturun, ne Temen di i vara di do dina lotu saparav i.

Leven Gugu 11:18

Diga ronga i na la lodoxoma atdi ga lok mulus la diga emi asu mi ne Moroa. Diga lok, “Moroa ira suang pam langas ti lorooro xusu limixin kopmen di me Judaia, dina leeng basinge laxakapmek atnedi la dina ruuna ka lorooro maxat.”

Leven Gugu 12:24

Ketla levelinga at ne Moroa ga epeseves uto at lengkot axap la buaang limixin diga nuunu ren.

Leven Gugu 16:14

Lara atdi mo digang tonga nama, laasen teren ne Lidia, neni boro Taiataira; neni ga sesep mi lempanga singsiga nunuan. Ni latkin ga lotu saparap ne Moroa; la Leeme Silok ga suang lebelen kusu ni na siam kaka mo lavapaase at ne Pol.

Leven Gugu 26:18

Nenu uba suang lodoxoma atnedi la uba sat kaka nedi basinge lamain at ne Satan uto at laxasep at ne Moroa, la basinge lolos at ne Satan uto saparap ne Moroa, kusu dina nuunu rak. La kerepmo ne Moroa naba doxoma xepe leveloklok kakapmek atnedi la dinaba ruuna ka loxot tidi xantubu ap mo limixin ne Moroa ga soxolik ka vam di.’

Lovoang At Ne Pol Ti Limixin Nunu to Rom 1:13

Luvutnetak mi luvurinuk. Nia a vara i do mina xasep nunuan; buaang laxanaleng nia agam doma i do anat pot pasa nimi, ketla lentaba lempanga ga tu pe ia. Nia a vara i xusu ana vavang dom atnemi xusu teventaba dinaba nuunu bok, kerekngan ia aga lox i ro at lengkot petpes kantubu at limixin kopmen me Judaia.

Lovoang At Ne Pol Ti Limixin Nunu to Rom 15:19

la keneng bok at lolos at leveloklok katling la levempanga sangsangu, la at lolos at Loroonan Kaala. La at lempatpas tarak boro Jerusalem uto Ilirikam la mo levenmenemen kantubu, agara vaase asu avukat pam Lagale Lavavang at ne Karisito.

Lovoang At Ne Pol Ti Limixin Nunu to Rom 15:28

Do ana lox epovo axav i na la ana raba axap levempilas diga gagas li i xusu rinedi, ana gagas ba rit pas uto Spein, la ap mo lavatpas tarak uto, anaba ven ba nemi.

Lovoang At Ne Pol Ti Limixin Nunu to Rom 16:26

Ketla amo nga, mo levelinga ruturun gara ru asuvos pam ti laxasep, keneng at levenmamalagan at luvuttadi vapaase alii; ne Moroa laradi xopmen taxavaxap teren ga vaase asu i xusu limixin at laranep silok axap dinabaklen i, la nedi axap dinaba nuunu ren la dinang tonga res teren.

2 Korin 10:14

Nema ma epovo na lox aru nema mumu nimi, mila nema maga vot dom atnimi xusu mana tong asu Lagale Lavavang at ne Karisito rinimi.

2 Korin 6:1

At leven gugu atnema eburu mi ne Moroa, ma sing nemi do nemen mita siam ka mo letaba nabalamu at ne Moroa mi lumun pipisik mun.

Epesas 3:2

Nia a doxoma i dola nemi miga ronga vam i do ne Moroa ga raba ia mi lugugu ti paase asu mo levelinga mumu letaba nabalamu ren tinimi.

Epesas 4:21

Nemi migara ronga xaka vam levelinga ren la diga lox ase nimi min, ik sixit emu mi levenanasa ruturun at ne Iesu.

Epesas 4:23

La miga lox ase kusu levendoxoma atnemi na maxat.

Epesas 5:9

Mo laradi i ruuna laxasep at lorooro ren i lox asuusu luvukat, loklok mokmokso la loklok at lavapaase i ruturun.

Pilipai 1:11

la lorooro atnimi nabak mokso xusu minaba visik asu levempipisik nunuan, ne Iesu Karisito naba lox asuusu i at lorooro atnimi; kerepmo lisisixam eburu mi leemi asu nabat pas ti ne Moroa.

Pilipai 4:17

At lorooro rak nia axo doma solo ri ruuna ka leventamtaba, ketla a vara i do ana ven bok tuunun tinimi mavana ap mo luunun mo i ngangais nimi ro vana.

Kolosi 1:10

Ma lok levesingising keretnom kusu lorooro atnimi ba epovo mi lavavara at Leeme Silok la kusu mina lok lempanga naba lox amomo i. Nom lempanga i lok keretna, lorooro atnimi naba pisik asu leveloklok nunuan solo, la nemi minaba lok kaka lakleklen at ne Moroa,

Kolosi 1:23

Naba lok kuren mo do mina tu tuxuruxun at lunuunu atnimi la kopmen tara na sat kaka nimi basinge lunuunu atnimi saparap Lagale Lavavang. At nom mun Lagale Lavavang la nia ne Pol a tong asu i ngan lasaxaruki at ne Moroa, la na Lagale Lavavang mo di vavang min ti limixin axap at na lavatbung menemen, ni levelinga nemi miga ronga i.

1 Tesalonia 1:5

Maklen i na mila ap mo levenaleng nema maga tong asu Lagale Lavavang tinimi, goxopmen levelinga mene nga, ketla levelinga ga lolos la maga lok bok levempanga sangsangu mi lololos at Loroonan Kaala; la miga ven i do nema maga nuunu ruturun at Lagale Lavavang. La luruptuvuk atnama ga lox avukat kusu mana lok tooro nimi.

1 Tesalonia 2:13

La nema ma tong avukat amisik ti ne Moroa mumu nimi. Ap mo laaleng miga siam kaka levelinga at ne Moroa maga tong asu i rinimi, miga doma i do mo levelinga boro at ne Moroa, la goxopmen levelinga at luvuttadi gamasa. Mo levelinga i gugu xeneng at lorooro atnemi limixin mi nuunu.

2 Tesalonia 2:13

Luvutnetak mi luvurinuk. Leeme Silok i balamu nimi. La ik mokso do mana tong avukat amisik ti ne Moroa mumu nimi, mila ne Moroa gara soxolik ka vam nimi ganoxa at lereot kusu neni na lox arooro nimi. Na loklox arooro ga ravasu keretna; miga nuunu at levelinga ruturun at ne Moroa, la Loroonan Kaala ga lox adadat lorooro atnimi.

1 Pita 5:12

Ne Sailas ga lok tooro ia xusu ri malagan na lovoang mutmut tinemi, la neni netak at laasen at ne Karisito. A vara i xusu ana lox alolos nemi mi levelinga at na lovoang, anai neni letaba nabalamu rinotno at ne Moroa. Kuren la mina tu lolos keneng teren.