Kolosi 1:4 - Madak

⁴ mila maga ronga i do lunuunu atnimi saparap ne Iesu Karisito i tu tuxuruxun, la lorooro atnimi i umsu mi labalamu saparap limixin nuunu.

Kolosi 1:4 Iomraidhean Croise

2 Korin 7:7

Kopmen at lovotpot mene ren, ketla at levempapaase axasep bok teren mumu levempapaase loklox alolos atnimi rin. Ga tong i rinama do mi vara aleng i do mina ven ia, la mi bulu mu box ia. La mi gagas kusu mina su auru ia; kuren la a momo aleng tinotno.

Galesia 3:26

Nemi axap luvutnitna ne Moroa mumu mene lunuunu atnemi saparap ne Iesu Karisito.

Galesia 3:28

Kuren la limixin me Judaia eburu minedi xopmen di me Judaia, di epovo axap mun, kuren bok pam at luvuttadi asaxaruki la luvuttadi dik lok gamasa, la nedi bok lavatlok la lavakin; nemi axap mi lok ngan mun legesara keneng at lurutu eburu mi ne Iesu Karisito.

Galesia 5:6

Do nema mak lox eburu mi ne Iesu Karisito, mo leveloklok ti rivit kepe lengkontuxu kopmen lavanga silok; ixo lok petpes tinotno xantubu at taradi diga vit kepe toxontuxu ren la tara di goxo vit kepe toxontuxu ren. Ketla legesa vanga mene nga i silok aleng, neni lunuunu la labalamu i ravasu ren.

Epesas 1:15

Nia aga ronga levelinga mumu lunuunu atnemi maxeneng at Leeme Silok, ne Iesu, la labalamu atnemi ti limixin axap at ne Moroa;

Epesas 6:18

Mina lox i na levempanga xeneng at levesingising atnemi, kusu minaba sing ka loklok tooro at ne Moroa. At levenaleng axap mina ngising at leventaangas axap no Loroonan i sasat ase nemi min. La mumu mun na langas, minaba tu lolos la mi noxo subu kot; mina ngising amisik ti limixin at ne Moroa.

Kolosi 1:9

Maga ronga i nom, kuren la kopmen mana xap mi lisingising tinimi. Ma sing ne Moroa, kusu na suxa aumsu nimi mi lakleklen at lavavara ren, la kerepmo miba ruuna ka lodoxoma avukat keneng at lorooro atnimi, mo lodoxoma i ravasu boro at Loroonan Kaala.

1 Tesalonia 1:3

Mam doma su amisik atnimi at lemeren ne Moroa mumu leven gugu nunuan miga lox i, mila mi nuunu at ne Iesu Karisito, la mi balamu box i. La mi tu lolos mila mim doma voovo ri lovotpot at Leeme Silok, ne Iesu Karisito.

1 Tesalonia 3:6

Ketla na nga ne Timoti gamlong basinge nimi ude la neni ga tong asu levelinga avukat tinama. Neni ga tong i rinama do lunuunu mi labalamu atnimi move i lolos la lodoxoma atnimi i lok momo minema; la mi vara aleng i do mina ven nama ngan nema ma vara aleng i do mana ven nimi.

2 Tesalonia 1:3

Luvutnetak mi luvurinuk. I lox avukat do nema ma tong avukat amisik ti ne Moroa mumu nimi. I lox avukat mila lunuunu atnimi ira susu silok la labalamu ela xantubu atnimi ira sisilok bok.

Pilimon 1:5

mila ang tonga i do lunuunu ram saparap Leeme Silok, ne Iesu i lolos, la u balamu bok limixin teren.

Ibru 6:10

Moroa neni laradi mokmokso la neni noxo domampe leveloklok nunuan nemi miga lox i, la mo labalamu nemi miga lox asuusu i at laasen teren ap mo levenaleng miga lok tooro limixin teren la move mik lok tooro di.

1 Jon 3:14

Nedik ataklen i do dik gara on basinge vam lololos at lanmet, la dik dira beles polo ri lorooro. Nedik takleklen i na mila nedik ta ebalamu ela. Do tara kopmen tabalamu ren, neni move i nemen maxopok at lololos at lanmet.

1 Jon 3:23

La levelinga ren tidik i lok keretna, nedik tana nuunu at laasen at ne Nitna, neni ne Iesu Karisito la atana ebalamu ela kerekngan ne Iesu ga tong i ridik.

1 Jon 4:16

La nedik axa takleklen i do ne Moroa i balamu dik la kerepmo ta xasep do ik lok tatao dik. Moroa neni laradi balamu la do tara i rooro keneng at labalamu, ni i nemen keneng at ne Moroa la ne Moroa i nemen keneng teren.