Kolosi 1:12 - Madak

¹² la miba tong loklox avukat ti ne Temen dik, ni ga lok nimi xusu miba epovo rinotno ri ruuna ka loxot atnimi ap mo luunun ni ga lox agagas li vam i ri limixin teren to xeneng at Linintoo i umsu mi laxasep.

Kolosi 1:12 Iomraidhean Croise

Sam 116:7

Labalak, una nuunu saga at Leeme Silok, mila Leeme Silok irak lok pam lempanga nunuan tia;

Sam 36:9

Nenu lavasuun at lorooro at lempanga axap, la mumu mun lodoxoma xasep taram, nema ma ruuna ka laxakasep.

Sam 79:13

Kuren la nema limixin taram, ma ngan laxasipsip taram, manaba tong avukat amisik tu la manaba emi asu amisik minu at levenaleng axap i tu melamgo atnema.

Sam 97:11

Leveloklok anarong i ngan laxasep i soosoo mavana atnedi limixin manmanton; la leklek ik lok atnedi luvuttadi avukat.

Metiu 25:34

La nenia, Loorong Silok, anaba lok ti limixin to saparap lakngak tino xeretna, ‘Ude nimi, limixin ne Tamak ira lox anarong pam nimi. Minat pas ude la mina ruuna ka leveloklox anarong at Linintoo, ne Moroa ga gagas pam min tinimi at lurutu kaxat at lavatbung menemen,

Lagale Lavavang At Ne Iesu Karisito Jon Ga Malagan I 14:6

Iesu ga vorang i rin, “Nenia langas, luruturun mi lorooro. Kopmen teta naba vosiga ne Tamak at tangas petpes, ketla atarak kusuk mun.

Lagale Lavavang At Ne Iesu Karisito Jon Ga Malagan I 20:17

Iesu ga lok tin, “Nemen uta ranga tu rak, mila a xovisi ana onon uto vana at ne Tamak. Ketla una vosiga luvutnetak la una tong i ridi do anamlong be uto at ne Tamak, neni ne Temen nimi bok, Moroa rak, neni ne Moroa box atnimi.”

Lagale Lavavang At Ne Iesu Karisito Jon Ga Malagan I 4:23

Ketla mo laaleng naba vot, nanga ira vot pam, la limixin lotu ruturun diba lotu parap ne Temen di mi lusumsuma at Loroonan Kaala la mi luruturun. Nedi mo limixin lotu ruturun, ne Temen di i vara di do dina lotu saparav i.

Leven Gugu 20:32

La ana nia a lok li nimi maxopok at loklok tatao at ne Moroa la levelinga mumu letaba nabalamu ren ba lok tooro nimi. Neni xa i epovo ri lox alolos lunuunu atnimi la na raba nemi mi lapnovos no ni i gagas li i ri limixin teren.

Leven Gugu 26:18

Nenu uba suang lodoxoma atnedi la uba sat kaka nedi basinge lamain at ne Satan uto at laxasep at ne Moroa, la basinge lolos at ne Satan uto saparap ne Moroa, kusu dina nuunu rak. La kerepmo ne Moroa naba doxoma xepe leveloklok kakapmek atnedi la dinaba ruuna ka loxot tidi xantubu ap mo limixin ne Moroa ga soxolik ka vam di.’

Lovoang At Ne Pol Ti Limixin Nunu to Rom 11:17

Lentaba levengkakan at luuna olip toonu ga repit su basinge luuna ren, la levengkakan at luuna olip aaxa boro at laxairing gara ru kun ta i. Nemi limixin kopmen nemi me Judaia mi lok ngan na levengkakan una aaxa, la na nga mi lolos la mipnovos at lorooro at loroonan atnemi xerekngan leme Judaia.

Lovoang At Ne Pol Ti Limixin Nunu to Rom 15:27

Nedi xa diga doma i do dina lox i, atla di suma i do diga lok kaka laxaloklox anarong solo xeneng at Lagale Lavavang ga ravasu at levenngusno at limixin nuunu boro Jerusalem. Kuren la limixin kopmen nedi me Judaia di doma i do di gugu porang ti leme Judaia mi leveloklox anarong at labantuxu.

Lovoang At Ne Pol Ti Limixin Nunu to Rom 8:17

La nedik luvutnitna, kuren la atanaba ruuna xaka leveloklox anarong ne Moroa ga lok li ri limixin teren, la nedik eburu mi ne Karisito atanaba ruuna ka bok leveloklox anarong no ne Moroa ga lok li i rin; atla do nedik ata xip tooro ne Karisito mi losongsongot teren, nedik tanaba ruuna ka bok loxot at lisisixam teren.

Lovoang At Ne Pol Ti Limixin Nunu to Rom 9:23

La ni ga vara box i xusu neni na lox asu lagale lisisixam teren, no ni ga soli asu i rinedik limixin ua neni ga belemumu dik, la ti nege atdik no neni gara gagas pam di xusu dinaba lok kaka lisisixam teren,

1 Korin 8:6

Ketla legeso Moroa mun tinedik axap, neni ne Temen nedik la neni laradi loklok li at lempanga axap, la nedik ata rooro rin. La legesa Eme Silok atnedik mun ne Iesu Karisito, la keneng mun teren ne Moroa ga rudum li lempanga axap la keneng mun teren nedik di rooro.

1 Korin 9:23

Na levempanga axap a lox i ri lok ka buaang limixin kusu dina nuunu at Lagale Lavavang la kerepmo aba lok ka bok tenep at leveloklox anarong boro at ne Moroa.

2 Korin 11:14

Nia axo rakdu bok, mila ne Satan ik lok poovo box i ngan laangelo at laxasep.

2 Korin 5:5

Moroa xa neni ga gagas pam nedik ti na lorooro avolo, la neni ga raba nedik mi Loroonan teren ngan lampinebeng ti mo levempanga neni i ruuna i do ridik.

Epesas 1:11

Maxeneng at ne Karisito, Moroa ga soxolik ka dik do ateren; ganoxa ni ga tong li i xuren, la na i epovo mi lodomdoma alii at ne Moroa, mo ik lok lempanga i ngan lodoxoma la lavavara ren.

Epesas 1:18

Nia a sing bok ne Moroa do lodoxoma atnemi na rem suang kusu miba xasep ap mo leveloklox anarong, neni ga ro ka nimi ri lok ka i. Mo leveloklox anarong i ngan lapnovos silok i lox avukat aleng la i nemen tangais limixin axa ren.

Epesas 2:18

Maxeneng at ne Iesu nema leme Judaia eburu minemi limixin kopmen me Judaia dik ta epovo na vot pasa ne Temen dik mi legesa doxoma la legesa Roonan Kaala.

Epesas 3:6

Mo levelinga lipe i lok keretna. At Lagale Lavavang limixin kopmen di me Judaia di epovo na lok kaka leveloklox anarong at ne Moroa kerekngan limixin me Judaia; la nedi legepu bungmixin diba lok ngan lengkot at legesa bantuxu mun la nedi eburu diba lok kaka mo lempanga ne Moroa ga vaase alii i rinedi di nuunu at ne Iesu Karisito.

Epesas 4:6

legesa Moroa la neni ne Temen nedik axap. Neni lamgomgo at limixin axap teren, ni ik lok at lengkot axap la i nemen keneng atnedik limixin axap teren.

Epesas 5:11

Nemen mita etangas eburu minedi luvuttadi dik lok leveloklok at lamain. Mo leveloklok i ngan lavanga gamasa la noxo visik asu lempanga avukat, ketla mina vaase sok nedi limixin di lox i;

Epesas 5:20

At levenaleng axap mina tong avukat ti ne Moroa Temen dik at lempanga axap neni i lox i at laasen at Leeme Silok atnedik, ne Iesu Karisito.

Epesas 5:4

La mina ke xepe lavapaase kapmek, levelinga rangtangku, la lavapaase sese i lok kapmek; na lempanga kopmen na lox avukat. Ketla mina umsu mi levelinga ti tong avukat ti ne Moroa.

Epesas 5:8

Gano nemi miga nemen at lamain. Ketla na nga Leeme Silok ga lok li nemi at laxasep. Nemi minat pas ngan luvuttadi at laxasep.

Kolosi 2:2

Lavavara rak i lok keretna, lorooro atdi na lolos la diba ru buru mi labalamu ela kusu lorooro atdi ba umsu mi laxasep silok, mo i lok ngan lapnovos silok tidi. Ap mo mun langas nedi dibaklen lodomdoma lipe at ne Moroa, la mo lodomdoma lipe neni ne Karisito.

Kolosi 3:15

Mina ke limila na suxuna lorooro atnimi, mo limila ne Karisito im taba i; mila ne Moroa ga ro xaka nemi kusu mina nemen keneng at limila ngan legesa bantuxu. La amisik mina tong loklox avukat ti ne Moroa.

Kolosi 3:17

Levempanga axap mi lox i la mi vaase i, mina lox i at laasen at Leeme Silok ne Iesu, la mina tong loklox avukat ti ne Moroa, ne Temen nedik mumu leveloklox anarong at ne Karisito.

Taitas 2:14

Neni ga raba i xusu neni na un kaka amlong nedik basinge laxakapmek atdik ngan limixin dadat la kusu tana nemen ngan limixin teren kusuk mun la tana lolos ti lok leven gugu nunuan.

Ibru 12:23

La mira vot eburu vam mi limixin nuunu nedi lavanarong at ne Moroa, mo ga malagan li vam levenasen atdi ro vana at laxalibet. Mira vosiga bok pam ne Moroa, neni laradi rongtonga linga at limixin axap, la mira vot pam saparap labaroonan atnedi limixin mokmokso no digara met pam la ne Moroa ga lox adadat pam di la na nga dik lok to vana at laxalibet.

Ibru 3:1

Luvutnetak mi luvurinuk. Nemi bok lavaanat soxolik at ne Moroa mo ga ro ka vam nimi ngan limixin teren. Kuren la mo levempanga ne Iesu gak lox i, ni na veve mam pixan amisik tidik. Iesu, neni Luun Pavang la Lamaasa Gomgo. La na nedik dira nuunu ren.

Ibru 3:14

Nedik tabat kis esogo mi ne Karisito do nedik tam tebeng lolos lunuunu se at laxavaxap at lorooro atdik, kerekngan nedik taga nuunu ruturun ap mo levenaleng taga lok kaka lunuunu maxat.

Jems 3:9

Mi leven gam atdik nedik di xip aurut laasen at ne Moroa, ne temen dik. La nedik di paase kapmek bok min ti limixin petpes no ne Moroa ga rudum li di kerekngan lampoovo ren.

1 Pita 5:1

Nenia lamgomgo at lotu ngan lubung amgomgo dik lok kantubu atnimi. Nenia aga ven levesongsongot ne Karisito gap kiv i, la nenia anaba ruuna ka lisisixam eburu minemi mo naba ru asuvos. La a sing nemi lubung amgomgo xeretna,

1 Jon 1:3

Lempanga axap mo laradi ga lox i, maga ven pam i, la maga ronga vam levelinga ren, ma vavang bok min tinemi, kusu nemi minat kis esogo eburu minema kerekngan nema mat kis esogo mi ne Temen dik la mi ne Nitna bok ne Iesu Karisito.

Lisilimet 21:23

La mo lemenemen silok ixok pakes ti laxangking mi lagaaling kusu duna soosoo axasev i. Lisisixam at ne Moroa im taba amisik losoosoo at levenaleng axap, la Lanasip ni lababao ren.

Lisilimet 22:14

Luvukat tinedi dira gos adadat pam levesingsiga atdi, kusu lorooro atdi naba epovo xusu dina anan at lempeven una boro at luuna at lorooro, la dina beles keneng at levenngas povolo uto at lemenemen silok.

Lisilimet 22:5

La noxopmen bok ba taxanimin, la limixin di noxok pakes bok ba ri taxasep at lababao xopla laxangking, mila Leeme Silok ne Moroa neni naba lok ngan laxasep tidi, la dinaba ruuna lixitkis silok ti lok tatao limixin la dinaba nemen amisik kuren, la kopmen taxavaxap teren.